YOEL 2:11 - ALLAH NIHYET MEM TUNGWATU NYA

¹¹ tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

YOEL 2:11 ပူးပေါင်းရင်းမြစ်များ

MAZMUR 18:14

Leu api tuhan kes kru bicut kwei leu mpia-bbed him bibindei ba, nihyet tibim ug.

MAZMUR 46:6

No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

YESAYA 13:4

Jimiap nihyet di ter ei nungug him di dem kep yo di imang bibor di idem yam ei ighyet dima. Jimiap minu ninyeng tak kepti nya kin ngkiai nya di idem yam ei ighyet di kui yam dima. tuhan Di Ninyeng Jei Bibor tin ei Nide tentara nya mem gima ikon pran.

YESAYA 42:13

Mimbri kui tuhan ningkek dem kep nok nikon kep pran cig di tindei ser Nide siceu nya. Noni kon nihyet kep yok bindo Nide nisindemti biyok.

YESAYA 7:18

Mpe dima lene tuhan mihig mben Mesir di imang bibor di noyam kin kros nya kwei leu Minyei Nil nibrig. Noni mihig mben Asyur di inoyam kin mimpam nya kwei leu itimieisi.

YEREMIA 25:30

Yeremia e, ma atri tut mun nyeng hagom di dipai bina. Apai biyok, ‘tuhan nihyet tibim kwei leu gwamti dem kep kru di cut a. Noni kes nihyet di dem kep kru di nugwei bong kwei leu gumihyep di kwes di gwam niti bibihwen Nide limwa nya. Noni ba nihyet di nindig bibor bimbrua ba, timiei minu dini yahagom imiap nihyet di dem kep no di kimut-kimut nyen ba anggur ngei ei mun di ikimut ningei kikep eisi nihyet.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEREMIA 50:34

Noro No di teu yok di ingwes ngun dima sindem bibor. No dima ninyeng rino tuhan Di Sindem Bibor. Danti rima dibrim dingkek tut ide munhyet dima bidibindei ba, nibong kei nigwam keisi mikieng kep dihyeisi dini. Noro midikes mun di binggek tut ide nibong kei nigwam keisi kin ningon ttinti cem kwei kep mben Babel.”

YEHEZKIEL 22:14

Tirigi Dikes hukum ei na dip bingwig leu lo, no abrim angkek ba, asindem mem gima akon anda yo e? Da di tuhan Di Dinyeng Jei Bibor disimbot dat tu ba, diyai mun bipek kep mun di dipai ei su nya.

YOEL 1:15

Tto bou di tuhan preu ei mem je dideu su. Njap dima mibindei ba, jahagom jidigit tut lewo tuhan Di Sindem Bibor mibindei ba, jitimek bijingwig.

YOEL 1:6

Hai ceng nya di inok tentara nimpung nindig gom igya kep ide minu dini. Isindem bibor ba, bit bon hi kwop imangti kan bi cem. Ikwai ninggwenti dem kep nok singa niwek nikwai di tuk di nggwen bibor.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

YOEL 2:25

Midingkwei mun di sar bingwig leu je ei nijam di hai ceng ningot ndig bibor igyem jide njita hagom bingwig leu je bije hanyen. Lewo Dani rino dicuk hai ceng di nok tentara nimpung ndig gom dima ug ei jide minu.

YOEL 2:31

Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.

YOEL 3:14

Tungwatu ibou sribu-ribu idem yam ei Mbang Briep Niya Ei Nikei Noho Bei. Jei bi ne tuhan De Njap mitau kep yok ei mbang briep dima.

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

AMOS 1:2

Amos pai “tuhan yau-yau nyen kwei leu Nide Mbigdip di Sion. Nihyet di tibim kwei leu minu ndig Yerusalem noyam kin kru di nisu bong di bindei ba, abris nghousi kin minta ei Mbigdip Karmel hagom mui bingwig.”

AMOS 5:18

Ningat ne buhun bibor mem je di jiyok jingon mem tuhan de njap nitausi! Njap dima mibiang mun di kei hi kwei mem je bi. Njap dima mitau kep je noyam kin nidinditi di dindi-kai di nipigati srigsi bi.

AMOS 5:20

Ningat ne tuhan de njap dima mikwei sut nidinditi di dindi-kai di bon nipigati hi bi. Mmun ken minggai je.

OBAJA 1:15

“Njap di Da di tuhan digwam nok nikei bidimbus ngkiai nya yahagom ingonti dideu su. Midibuhup mun di mben Edom ibon bak yonti hanyen. Ingkek kan bipia mun di ibon micut igkep yok hanyen.

NAHUM 1:6

Gino tuhan gga bibor ne tou rino ya ngkiem i? Hi di ningwes ngun leu nigga biborti bi. Ba, Noni bindei mbut niggati di cig-cai di bindei ba, tig nya timek binok dihyei ndung ei Noho bei.

MALEAKHI 3:2

Noro tou riningon nddong kei mem njap dino tuhan tau kep nye i? Lewo Noni minok hum di nikinding ngkimom cig bindig mas lene minok sabun di nitot sinsun cig bitot sinsun cem.

MBEN ISRAEL IMBUT-MBUT NYEN 24:23

Lene Bileam tri tut Allah ningon kanti gom kin bu bipai “Buhun bibor! Gino Allah yai nibou tut yok nok gima lene tou rima ningwes ngun i?

TESALONIKA GI NIGOM 4:16

Mpe dima lene Allah nihyet sra tut nicukti lene malaikati nibou ndig nihyet kin Allah de pun mbrei hacem mitibim leu api Tuhan Yesus Nonti mijuk kwei leu gwamti. Lene yo di imai su di iba ingon com Kristus nya mikiju hanyen leu imai eisi bibie ug e.

NINGAT-HI-NGAT NYA 18:8

Pai nok noro nsuwer ajar mihwen noni drek dip nipaisi dima. Noni minggwen cem ningon mingguk bibor cem ninggum bibor mihwen noni cem ba, hagom micut igkep noni mem njap gom ngat he. Hum miyem noni bingkiong lewo Allah Di Sindem Bibor rino kes hukum ei noni dip a.”

NINGAT-HI-NGAT NYA 6:17

Lewo njap di bindei di tungwatu nya ingon digit tut yok ttau kep nye tu ba, tou rima ningwes ngun leu inda nsi i?”