YOEL 1:9 - ALLAH NIHYET MEM TUNGWATU NYA

⁹ Gandum ningat kin ba anggur ngei ngwig leu midut nya di ibon ei tuhan De Ig tu. Gima rino imam nya di iba ingon gom bibon midut nya bak tuhan yahagom ingon ngguk tut.

YOEL 1:9 ပူးပေါင်းရင်းမြစ်များ

NIBOHON MBEN ISRAEL GI NICAN 13:10

Nyeni noom nyenti ba, nibou cut bak nyende tuhan Allah kikau ba, nigiba ninghim bak Noni bi. Nikrau kep nyende imam di intun Harun him kin Lewi nya di yahati tut yok nok gima cem kikau o!

NEHEI LEUSI 28:1

Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

YESAYA 61:6

Tungwatu nya mindat kep jinyeng bipia jeni ne Allah de awak nya bijem jinyeng bipia imam mem ide tuhan ri. Mijiba jekep ngkiai nya ide mun di inyeng tut nya ba, jingon nggei sut ide ndigban di jiyai leu yok.

NIBWOS-BWOS NYENTI 1:16

Gima rino bindei di diyai nggwei kibor didiyam lo, hi di kwei gwam ser dingon ba, yai ningon lleisi bida bi o! Siceu inyeng tak kep ditde timiei nya apino ide mun di imati hagom pror bingwig leu yok o!

NIBWOS-BWOS NYENTI 1:4

Hi di kwei ei tuhan De Ig ei njap nindig nya bu bi o! Sop gwam nitta pilei nya di ipai kep doia nya yuum niwei-nidut ei sirima o! Lene imam nya cem inso-nso nyen o! Tungwa hi gwam kui dimbou pmem nuhui nya bu bi lewo ningon nggukti jun kep minu ndig Sion tu o!

HOSEA 9:4

Bit bon jittei jide ba anggur ngei kin mindhe di jindig ei nimbar hum dokti mem jibipwoi tuhan ningon ei jingkiaisi dima kan bi. Jide njita di jiyem ei mpia dima mibindei ba, map kui jahagomti noyam kin njita di igyem ei midut nitig nimai ngutti. Njita dima kei mem gima ndei jinggumti he. Jigittei njita dima poi mien ug ei tuhan De Ig mem gima jibikuk je biDa bi.

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

YOEL 1:16

Njita timek bingwig bou nyeni igyai him. Bit bon igyai nillei ei tuhan De Ig bu kan bi.

YOEL 2:14

Mpaba tuhan di nok jide Allah miluei ningonti lene bindei ba, jide beisi nya hagom minnum kei hanyen e? Gi nok ne mijikwas jide ba anggur ngei kin jide gandum ngat ndrim hi tut Noni.

YOEL 2:17

Suar imam nya di ibon midut bak tuhan ei nimbar hum dokti kin tuhan De Ig nide bisai ma kwei nikieti igyai nggwei kibor bingat nadi “tuhan e, ma angondut Ade limwa nya. Ma asindui sut ngkiai nya bingwes pri gau nye ba, iba ighyet bicig nye tirigi ipai ‘Mben Israel ide Allah No ritou i?’ ”