YOEL 1:7 - ALLAH NIHYET MEM TUNGWATU NYA

⁷ Hai ceng dima ibindei ba, ide ba anggur hagom timek bingwig. Igyem biei ara cem bingwig ba, gi jo ndia rino ningwam nya he. Ibut biei ngkek bingwig leu ninjem bibindei ba, ninda-nda nya tiei-tiau kei.

YOEL 1:7 ပူးပေါင်းရင်းမြစ်များ

MAZMUR 105:33

Noni cok tut ide ba anggur kin biei zaitun kin biei nindigsi nya hagom bingwig.

NEHEI LEUSI 10:14

Hai ceng di isider-wap igyon kep minu Mesir nisurti-nipekti hagom. Mben Mesir hi ngat hai ceng mang bibor nok gima bou niyai him habiei kikau kwei bipek ammani kep bigyo sren.

NEHEI LEUSI 10:15

Hai ceng nya igyon kep dihyei ninjek dip dem kep nok ban nimmun ba, igyem njita kin mahai meng nikenti po biget di mbras nok tig njep hwen bi pima hagom bingwig bitut biei ngat hagom cem. Mun di ngun ei dihyei Mesir nisurti-nipekti nok biei ngat kin biei meng kin mahai meng kin njita hagom ngwig.

YESAYA 24:7

Ba anggur kinei ba, nggruk mem gima ipek ningei a. Yo di nipou yo ingon nggei-hi-nggei noro tini bu ne ingon ngguk.

YESAYA 32:12

Ma jipim tut miai jide di nnum kei nya kin miai ba anggur jide di ningat mpung kei,

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YEREMIA 8:13

Dipi bidimbus Ditde limwa nya keyam noyam kin gi tungwatu nya imbus njita kwei leu beisi lo, yoni idem kep ba anggur kin biei ara di ngat ningat bi. Nimeng nya cem mbris. Gima rino disindui sut ba, ngkiai nya ikwei ba, inyeng tak kep Ditde limwa nya itimieisi. Da di tuhan disimbot dat tu.”

HOSEA 2:12

Midibindei ba, nide ba anggur kin biei ara di pinai di icut tut noni igyai binoni bibigo nicut tut yamti pima hagom sar bingwig. Midibindei ba, ba anggur nghousi kin biei ara nghousi nide wer bohousi leu api mindhe-ndhe di iten pos nya minggek hagom bingwig.

YOEL 1:12

Biei di ngat ningat ei beisi nya hagom mui bingwig bitut biei anggur kin apel kin ara kin kurma kin delima. Gima rino bit bon jide limwa nya igyai nillei bu kan bi.

AMOS 4:9

Dibindei ba, hou di dut bibor cut kwei lene hai ceng nya ikieng kep beisi kin ba anggur nghousi kin jide biei ara kin biei zaitun ngohousi bibindei ba, hagom timek bingwig. Mbro nok gima lo, jigingkwei hanyen ndam Da bi.

HABAKUK 3:17

Mbro nok gino biei ara ngat ningat bi lene ba anggur ngat ningat di ntun ba ninjem him cem bi. Mbro nok gino biei zaitun ningat hagom ngoi-nga ba, gandum nikioi mui bingwig ei beisi cem lene domba nya hagom imai bingwig ba, sar nsi di sapi nya ibong nyahan eisi ngwak cem lo,

MALEAKHI 3:11

Midibindei ba, muhum misui jide njita bu bi. Ba anggur ningat nindig bibor mintun jide ba anggur him.