YOEL 1:2 - ALLAH NIHYET MEM TUNGWATU NYA

² Je di andigpoi nya e, ma jingon ya mem dihyet. Je di timiei minu Yehuda jahagom e, ma jiyok ngon kep. Mun di cut igkep je dini cut igkep je nipou su e, he cut igkep jidigup bat-jidigai bat nya nipou su e?

YOEL 1:2 ပူးပေါင်းရင်းမြစ်များ

AYUB 12:12

Ipai bipia ningon ki no jo bak andig-ndau nya. Noro ningat ne ningon ki kin nisindemti no jo bak Allah Nongkom he. Ipai bipia ningon dor niti no jo bak yo di ide njap ug ninno tu. Noro ningat ne ningon dor niti kin nisindemti mem gima yai nibou tut mun nyeng hagom no jo bak Allah he!

AYUB 15:10

Niyai ningon ki leu ndigpoi di ibou tiei nya di ingat rin ei nipou tirigi acig srek bigyo.

AYUB 21:7

Nggon rino Allah sindui sut ba, yo di isibut nya ide njap jei ei dihyeisi dini ba, ide ndigban cem bikum eisi kikau i?

AYUB 8:8

Ma ayok ngon kep yo di ingon ki di nipou nya ba, akan-kan nyen tut ningat di ntun adigup bat-adigai bat nya him tirigi po ipigot bram mun di igyok igyai kep nya.

MAZMUR 49:1

Nimpung Korah ide doia mem no di bie tut doia nimpung.

YESAYA 34:1

Mben ngkiai jen e, ma jikwei bijidem yam ei leu api jingig jitingou a. Nna ba minu dini titut yam kin yo di igyaijo ei niti nya yahagom ikwei dem yam bimiap kep.

YESAYA 7:17

tuhan micuk nibou ndig Asyur kwei bihwen je. Gima bindei ba, nani kin ade ig bei nsi nya kin ade limwa nya jahagom mijitug ndei mun di buhun bibor dor njiriek mun di buhun di nipou cut igkep je ei mpe di po mben Israel kin timiei Yehuda nya ikwas yam pima kikau kwei bipek ammani kep.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEREMIA 5:21

“Je di jingon mbum ba, jibbwe e, ma jingig jitingou mem dihyet! Jimbun jiyai noro jigingat mpia bi! Jimbun jitingou noro jigimiap mun bi!

DANIEL 12:1

Malaikati di juk sinsun di iba minghas linen bibon dima pai bu “Mpe dima lene Mikhael di malaikati di sindem di ya ser ade mben tau kwei. Leu api nijam di buhun bibor cut igkep tungwatu nya. Mun di buhun bibor di cut dima cut habiei ei nijam di mben nya ingat rin ei dihyeisi dini kikau kwei bipek nijam di buhun bibor dima nicunti bigyo. Nijam dima dem lene ade mben di inyeng jo ei Allah de sratti yahagom ingwes ngun.

HOSEA 4:1

tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.

HOSEA 5:1

tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

YOEL 1:14

Ma jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei. Ma jihig jide nibou nya kin yo di inyeng jei nya kin jide limwa di timiei minu Yehuda yahagom kwei ei tuhan De Ig leu binhyepo yahagom yahara Noni kwei mpu yok.

YOEL 2:2

Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

AMOS 5:1

Je di mben Israel e, ma jimiap kep dihyet lewo midiba doia ningon di ngguk bikiek je.

MIKHA 1:2

Je di ngkiai nya ei dihyeisi dini hagom e, ma jingig jitingou mem dihyet! Je di jibong ei dihyei dini nisurti-nipekti e, ma jimiap kep dihyet! tuhan Di Ninyeng Jei Bibor mikwei nok no di ngat mun nyeng hagom bou niyai him bipai kep jahagom! Ma jimiap kep nihyet di tibim kwei leu Nide Ig di kwes-kwau ei gwamti.

MIKHA 3:1

Je di nibou mben Israel e, ma jimiap kep dihyet! Suar ma jikan bidem tut nikos tutti di sren kei nya,

MIKHA 3:9

Je di nibou mben Israel di jingon mpo tut nisren-srausi bijikiek nijit-jausi binok mun di nitrowai cem e, ma jimiap kep dihyet!

MATIUS 13:9

Niabiati Yesus ba nihyet nibit nindati bingginau yok lene pai biyok “Gino jitingou dile lene ma jiyok ngon kep dihyet!”

MATIUS 24:21

Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di hwen tungwatu habiei leu nimbie him kikau kwei bipek ammani kep lene kikau ug bipek njap ningwig honti cem.

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”