YOEL 1:18 - ALLAH NIHYET MEM TUNGWATU NYA

¹⁸ Sapi nya hagom idungwek tut ninggum lewo abris nghousi hi jo bu bi ba, domba nya cem inghuisi jet.

YOEL 1:18 ပူးပေါင်းရင်းမြစ်များ

NIBOU NDIG NYA GI NIGOM 18:5

Mpe dima lene Ahab pai bak Obaja “Akwei ba, suug nggok ser minyei bousi kin minyei pmot nya di pingge hak bigyo ug e. Mpaba misitau kep minta nok gi dem mem gima sibinyohou side kuda kin mindhe bagal nya. Leu binhyepo sibui mindhe ningot gom leu mindhe side nya ikieti bi.”

NIBOU NDIG NYA GI NIGOM 8:5

Lene Nibou Ndig Salomo kin mben Israel yahagom induk yam ei Brua Gi Preu nuhui bibon midut nibui mindhe-ndhe nya bak tuhan lo, bit bon ikwop mindhe-ndhe di ibui nya nimangti kan bi.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

HOSEA 4:3

Gima rino ide minu dini mingak-cai hanyen leu api mun di ninnei tau nuhwap nsi hagom mai bingwig bitut mindhe-ndhe nya kin ha nya kin wau nya cem hagom.”

YOEL 1:20

Nok gima cem mindhe-ndhe di yehek bi nya yahara Na di tuhan lewo minyei nya hagom pingge bingwig leu yok apino idut ndia ngei hi kep inggobiausi bi.

AMOS 1:2

Amos pai “tuhan yau-yau nyen kwei leu Nide Mbigdip di Sion. Nihyet di tibim kwei leu minu ndig Yerusalem noyam kin kru di nisu bong di bindei ba, abris nghousi kin minta ei Mbigdip Karmel hagom mui bingwig.”

HABAKUK 3:17

Mbro nok gino biei ara ngat ningat bi lene ba anggur ngat ningat di ntun ba ninjem him cem bi. Mbro nok gino biei zaitun ningat hagom ngoi-nga ba, gandum nikioi mui bingwig ei beisi cem lene domba nya hagom imai bingwig ba, sar nsi di sapi nya ibong nyahan eisi ngwak cem lo,

HAGAI 1:10

Gima rino biget but bi wer ninno apino njita kioi di jita nya gehei bi ug a.

ROMA 8:22

Ikan tut bipia nipai testi hagom ilua kwop tut ninghuisi wei leu nimbie him kwei bipek ammani kep tereu nok sop di ninghim dut tut munggwom.