YOEL 1:15 - ALLAH NIHYET MEM TUNGWATU NYA

¹⁵ Tto bou di tuhan preu ei mem je dideu su. Njap dima mibindei ba, jahagom jidigit tut lewo tuhan Di Sindem Bibor mibindei ba, jitimek bijingwig.

YOEL 1:15 ပူးပေါင်းရင်းမြစ်များ

MAZMUR 37:13

Noro tuhan pa ndip yo di isibut nya lewo Noni kan tut bipia igyaijo ningwig honti dideu su.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEREMIA 46:10

Noro da di Yeremia dipai bipia njap di ammani ne tuhan Di Ninyeng Jei ba, Sindem Bibor cem Nide njap ngon bou ri. Noni buhup bak Nide siceu nya yahagom mem njap di ammani. Nide singau simeda miyem yok lene midut inggrom cem bindei. tuhan Di Sindem Bibor bui Nide mun di bibon midut nya ei nite bei mpia nijjai dideu Igmem Ndig Efrat mem njap di ammani.

YEHEZKIEL 30:3

Ma aba nihyet dini bahara ba, abibwos-bwos nyen cem bipia, Ayo! tuhan de njap dideu kwei su o! Noni miyai nibou tut haninyai ug rin o! Njap dima dindi ba, wer bumbuhui ningkom ei nituti di ngkiai nya mitug ndei hukum o!

YOEL 2:11

tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

YOEL 2:31

Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.

YOEL 3:14

Tungwatu ibou sribu-ribu idem yam ei Mbang Briep Niya Ei Nikei Noho Bei. Jei bi ne tuhan De Njap mitau kep yok ei mbang briep dima.

OBAJA 1:15

“Njap di Da di tuhan digwam nok nikei bidimbus ngkiai nya yahagom ingonti dideu su. Midibuhup mun di mben Edom ibon bak yonti hanyen. Ingkek kan bipia mun di ibon micut igkep yok hanyen.

ZEFANYA 1:7

tuhan de njap dideu kwei su ba, ei njap dima ne Allah miyai nibou tut Nide limwa nya igyai munti nya. Gima rino ma joom jenti nyahan ei Noho bei hak ug. tuhan tin ei mem gima ba Nide limwa nya yonti njem bibon midut di noyam kin midut nindig mindhe-ndhe ei nimbar hum dokti. Ba, Noni nduk mben Yehuda ide nitok nya kwei mem gima ihwen yok.

YAKOBUS 5:9

He disut bat jen, ma jinso yam bijinjei kep yam nyen-nyen au leu binhyepo Allah kes hukum ei je dip bi. Lewo Nikei dima ttau ei dimbou heisi kwei su.

NINGAT-HI-NGAT NYA 6:17

Lewo njap di bindei di tungwatu nya ingon digit tut yok ttau kep nye tu ba, tou rima ningwes ngun leu inda nsi i?”