YOEL 1:14 - ALLAH NIHYET MEM TUNGWATU NYA

¹⁴ Ma jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei. Ma jihig jide nibou nya kin yo di inyeng jei nya kin jide limwa di timiei minu Yehuda yahagom kwei ei tuhan De Ig leu binhyepo yahagom yahara Noni kwei mpu yok.

YOEL 1:14 ပူးပေါင်းရင်းမြစ်များ

NIBOU NDIG NYA GI NICAN 10:20

Yehu cuk yok “Suar jindo ngon bou gom pijum ei mem gima ikuk yok bak Baal.” Gima rino yo dima igyai igbit nicuk yokti dima,

NIBOHON MBEN ISRAEL GI NICAN 20:13

Mpe dima lene pinai Yahudi nya kin itnem bat imunggwom bat nya yahagom no igya kui tuhan De Ig ei dimbou heisi ba,

NEHEMIA 8:18

Ibon pesta dima mem njap nitindur muhwindacan. Ezra kwop hanjop nsi gom leu Srat Nicukti dima ei yoho bei bikwop njap ngwa hagom. Ug ei njap gi nimuhwindaningai lene ibon midut gi ningwigsi gom bit leu nok Srat Nicukti dima nicuk yoti.

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

YEREMIA 14:2

“Minu Yehuda ningon ngguk bibor lewo nide minu ndig nya nahanok ma mai. Timiei Yehuda nya ibong ei dihyei njek dip lewo ingon buhun bibor. Minu ndig Yerusalem hara bak no di mikwei mpu no.

YEREMIA 36:9

Tirigi Yoyakim nok nibou ndig mem minu Yehuda ei ari bingwam muhwi ba, bed muhwindatai su lene tungwatu nya igyem njita bi mem nituti poi leu binhyepo ibindei ba, tuhan ngondut yok. Timiei minu ndig Yerusalem nya bitut yo di induk yam kwei leu minu ndig nya ei minu Yehuda yahagom igyem njita bi mem nituti poi.

YOEL 1:2

Je di andigpoi nya e, ma jingon ya mem dihyet. Je di timiei minu Yehuda jahagom e, ma jiyok ngon kep. Mun di cut igkep je dini cut igkep je nipou su e, he cut igkep jidigup bat-jidigai bat nya nipou su e?

IMAM NYA IDE MIDYAI 23:36

Ma jibon midut njita nibipai sigyo bak Allahti bikwop njap kikau mem njap nitindur muhwindacan. Ug ei njap gi nimuhwindaningai lene ma jinduk yam ei bijikuk je biDa ba, jibon midut njita nibipai sigyo bak Allahti mbigom kin bu cem. Njap dima cem ma jinda jo kep jide midyai di buhun nya au.

YUNUS 3:5

Leu api timiei Niniwe nya ingon jo kep Allah nicuk yokti. Yahagom ikos tut bipia isindui njita mem nituti poi leu api bikwop yo di inyeng jei nya kikau ug bipek awak nya yahagom ijuk sinsun kron gi bindo bipia ittin ser ide sisar.

YUNUS 3:8

Ma tungwatu nya kin mindhe-ndhe nya cem yahagom ijuk sinsun kron leu api yuhuk nadi bak Allah bikiek leu igyai munti di kinei bibor nya bittin ser ide sisar cem.

ZEFANYA 2:1

Je di mben di jimmai sut jenti bi e, ma jingon huk niti,