YESAYA 9:9 - ALLAH NIHYET MEM TUNGWATU NYA

⁹ “Ig di niba tig bata biwin nya lus ningwig tu. Noro miniba tig nitu biwin hanyen bu. Siceu wim biei ara nya hagom tu. Noro miniba buom Libanon di kei bibor nya biluei hanyen bu.”

YESAYA 9:9 ပူးပေါင်းရင်းမြစ်များ

NIBOU NDIG NYA GI NIGOM 22:25

Lene Mikha buhup “Jei bi lene mun di bindo tut mijo nibreisi mem na tirigi acoi ug ei nghim nsi gom ba, aku na nyahan eisi.”

NIPINGOK NINGONTI 16:18

Ninggei-nggwangti bindei ba, nisarti ntun him. Nillei-lausi micut ninyeng jeisi.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 28:1

Mun di buhun bibor micut igkep timiei minu Israel di pes pu yok di inggei-nggwang tut ide minu ndig! Ide nikei-kau-keisi pimber hanyen dem kep nok topi di iba mitou binghau bikes ei ibou nggram him lo, mui su. Mun di buhun bibor micut igkep minu ndig di bon ninyeng jei ei mbang briep di nnum kei. Yo di pes pu yok bibor inggei sut minu ndig dima.

YESAYA 28:3

Nide tentara nya mico kep nibou di illei-lau nya di pes pu yok bibor.

YESAYA 46:12

Je di jingkek ndok di jikan bipia ditum dingon tut Ditde nicunti tirigi dibindei timek Ditde siceu nya e,

YESAYA 48:4

Dikan tut bipia jingon tindak ba, jibou ngwakti nggwes cem jingkek ndok cem.

YESAYA 7:2

Tirigi Nibou Ndig Ahas miap tut tentara Siria inghapti bipia ikwei njei siceu bit tentara Israel pima tu lene noni kin nide limwa nya yahagom ingon ttin bibor ba, inok biei ninggrupti di hou ttem-ttem nyen.

YESAYA 9:8

Mben Israel kin timiei Samaria nya yahagom mikan tut bipia tuhan rino kes hukum ei yok dip. Nogindini ikon yonti ba, ingon jei bipai biyam,

YEREMIA 32:24

Mben Babel ingot ig ninggilai nut yam bijo anai mem ibiyon ttai minu ndig nya mem gima ibiyai minu ndig dini bigyati tu. Ba, ikinyon ei nihwenti cem tu. Pran kin ninggum kin nsuwer ajar mibindei ba, minu ndig dini cut ei indati. Angat bipia mun di asimbot dat nya hagom pek kep bijo nibreisi tu.

YEHEZKIEL 30:19

Dikes hukum dima ei minu Mesir dip lene ikan tut bipia Dani ne tuhan ri.”

YEHEZKIEL 33:33

Nihyet di tibim ei ahui him hagom mipek kep mem yok. Tirigi tto bou dima dem ne mijo nibreisi mem yok bipia nabi gom ngat no srig ikieti.”

YEHEZKIEL 7:27

Nibou ndig nya mipim kui jei lene nipmot di ya luei nohoti cem ningon dahat leu ba, limwa nya midigit-digoi ei ide nittinti. Midikes hukum ei je dip bit leu jide nibon munti nya hagom. Digwam nok nikei mem je nok gi jigwam nok nikei mem yo di hiter tu. Leu api mijikan tut bipia Dani ne tuhan ri.”

YEHEZKIEL 7:9

Dingondut na bidikos ser ade sisar kan bi. Dikes hukum ei na dip bit leu mun di suwok hagom di abon tu nya. Leu api mporo akan tut bipia Dani ne tuhan rin ba, Dani rino midikes hukum ei na dip.”

HOSEA 8:14

Mben Israel inda jo kep nibou ndig de ig nya biwin. Noro ibbwe ser No Di Pai Tes yok. Mben Yehuda ibindei ba, tentara nibousi di igya coi nya jo bidem ide minu ndig nya. Noro midikes hum biyem ide nibou ndig de ig nya kin ide minu ndig nya bitimek bingwig.”

MALEAKHI 1:4

Gino yo di intun Esau him icuk yam bipai “Ide minu dini timek bingwig su noro jikwei ba, iwin hanyen bu.” Leu api tuhan buhup “Nnaba iwin ide minu hanyen hak ug leu api dibindei ba, hagom timek bingwig hanyen bu. Tungwatu nya mijem minu dima ‘Minu Di Kinei’ kin ‘Mben di itug ndei tuhan ningon sibui sut yokti bijo ninno bijo kikau.’ ”

MALEAKHI 3:13

tuhan pai “Jikkin kep dinghapti bibor tu. Noro jihig ser Da ‘Notou nikkin kep anghapti i?’

MALEAKHI 4:1

tuhan Di Sindem Bibor pai “Njap dima ne tto bou midem mem hum yem yo di inggei-nggwang tut yonti nya kin yo di imbuk nya yahagom dem kep hum di yem mintu-minta di mui su. Hum miyem yok bihigom ei njap dima leu api ipror bingwig.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”