YESAYA 9:5 - ALLAH NIHYET MEM TUNGWATU NYA

⁵ Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.

YESAYA 9:5 ပူးပေါင်းရင်းမြစ်များ

TESALONIKA GI NICAN 1:8

Ba, Noni mittau kwei sut hum njeng di cig-cai leu binhyepo bikes hukum ei yo di irok Allah kin yo di ingkek ndok tut Nihyet Di Kei tut ide Tuhan Yesus dip.

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

NAHUM 3:2

Angig atingou mem na mbrei ngkek di ibibui kuda nimuhunti kin kroba pran nimig nibimbiti kin kuda di idor imig nibimbiti kin kroba pran nisigikti.

YOEL 2:5

Ipri-pri nyen ei mbigdip nya ba, nibimbiti noyam kin kroba pran di mbut sindem cem. Ittau kweisi dem kep nok hum di sror ei miai ngausi nibimbiti. Ba, idis yam ei nok tentara nimpung di nindig gom leu binhyepo ikon pran bit ide siceu nya.

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

KISAH 2:19

Midibibon mindur ei mpia-bbed him ba, midindo bindo nok ninggrom kin hum kin hum mmup di ndok hagom ei dihyeisi dini cem.

YESAYA 4:4

tuhan ba Nide nisindemti bigwam nok nikei mem Nide limwa nya bibindei ba, ingon kwes. Noni mibindei pwoi timiei Yerusalem nya leu yo di itug ndei nimai ei minu ndig Yerusalem inggrom a.

SAMUEL GI NIGOM 14:19

Tirigi Saul mbrap bit imam dima wer ninno lene ingat lo, tentara Filistin ighyet ter nindig bibor bu ei ide prak meng yati. Gima rino Saul pai bak imam dima “Bon nituti mem simem kep ser tuhan nibuhup bisati bi.”

IMAM NYA IDE MIDYAI 3:16

Lene ma imam dima ndig ninghui dima hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan. Lewo mindhe dima nimmau hagom rinok tuhan de.

IMAM NYA IDE MIDYAI 3:11

Lene ma imam dima ndig ninghui dini hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan.

KISAH 2:3

Lene ingat mun di nok hum di srei nidwep pimo sror kwei biteu ei bikwob tungwagom-gom dip.

YEREMIA 47:3

Yoni imiap kuda nidor sindemti nibimbiti kin kroba pran nibimbiti kin kroba dima nimig nibimbiti ei itingou nsi. Ndigpoi nya inghuisi jet leu ba, igingkwei hanyen binggok imunggwom bat nya bi.

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

YESAYA 13:4

Jimiap nihyet di ter ei nungug him di dem kep yo di imang bibor di idem yam ei ighyet dima. Jimiap minu ninyeng tak kepti nya kin ngkiai nya di idem yam ei ighyet di kui yam dima. tuhan Di Ninyeng Jei Bibor tin ei Nide tentara nya mem gima ikon pran.

MAZMUR 72:3

Ma asindui sut ba, nyende miai nya ngat ningat di kei bibor lene Ade limwa nya ibong kei igwam kei tug hon ingon srenti.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 9:4

Hum miyem tentara di ikon pran bit Ade limwa nya ide srop kin ide sinsun di ngwoi-ngwau hagom.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

NITRITI 32:30

Lene Yakub simbot dat “Mei! Dingat Allah niimaisi bou diyai him tu lo, diyaisi jo yo!” Gima rino noni jem gumihyep dima ninyeng “Pniel”.

NEHEI LEUSI 23:21

Ma jingig jitingou mem malaikat dima nihyet ba, jibit nihyet cem. Ma jikiek jimig jou tut noni au. Lewo dipinak noni ndam je tu. Noni miciu ser sisar nipigau hanjopti dima kan bi.

NIJAM NIKEI NYA 13:18

Lene tuhan de malaikati buhup “Nggon rino jihig ser da tut dinyeng i? Lewo dinyeng mindur.”

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

MIKHA 5:1

tuhan pai “He minu ndig Betlehem Efrata e, anyeng mitibim nok minu mien he ei minu Yehuda bu bi! Noro midita ade timiei gom nok nibou di ninyeng jei mem mben Israel ba, pung di noni ntun him jo habiei nipou su.”

ZAKHARIA 6:13

Noni rimiwin Ditde Ig ba, tug ndei ninyeng di jei di noyam kin nibou ndig ba, ninyeng mitak kep nide limwa nya. Imam gom miya kui noni ba, yahacem miba ningon kei sut yamti kin ningon kwes kin yamti bigyai midyai.’