YESAYA 9:4 - ALLAH NIHYET MEM TUNGWATU NYA

⁴ Hum miyem tentara di ikon pran bit Ade limwa nya ide srop kin ide sinsun di ngwoi-ngwau hagom.

YESAYA 9:4 ပူးပေါင်းရင်းမြစ်များ

YESAYA 14:25

Midibindei sar mben Asyur di ingat rin ei Ditde minu Israel. Lene midico kep yo di ingat rin ei Ditde nungug nya nyen-nyen. Midikwek Ditde limwa nya leu yo di ico kep yok nya inda nsi kin mun di buhun di mben Asyur ibidip huk yok di ibiang cem.

YEREMIA 30:8

tuhan Di Sindem Bibor pai bak Nide limwa nya bu “Gino njap dima dem ne mididahat biei koisi di ibisrou jinggibi dip leu je. Midibindei tun lante di ibiteu je cem leu api jinok awak mem ngkiai nya bu bi.

NAHUM 1:13

Nogindini midibindei ba, Asyur ninyeng tak kep jeti kes hon ba, lante ngkimom nitu di ibiteu je bitun hak.”

YESAYA 54:14

Midiwin ade minu ei tig nikiou di ninyeng rino ningon sren-srausi dip ba, mun di cut igkep je kin yo di ico kep je mibong ei minu ting bibor.

YESAYA 49:26

Midibindei ba, jide siceu nya ibou sibui sut inggrom di idut apino itot yam ba, imai bingwig. Mpe dima lene mijo nibreisi mem tungwatu dihyeisi dini hagom bipia Dani ne tuhan di teu je bijingwes ngun ri. Yoni mikan tut bipia Dani ne tuhan bidinok Yakub de Allah di sindem bibor di kwek je tu ri.”

IMAM NYA IDE MIDYAI 26:13

Dani ne tuhan ba, jide Allah di teu je bijingwes ngun leu minu Mesir leu binhyepo jinok awak bu bi ri. Dibindei dahat nisindemti di co kep je pima tu leu api dibindei ba, jiyati kwes.”

NITRITI 27:40

Mporo ayaijo tug hon ade simeda lene dibindei ba, hon kep ammani kui anok awak mem akinjoi. Noro mpe di gom bu tirigi aham ambuk kep noni lene mporo angwes ngun leu api Yakub ninyeng mitak kep na bu bi.”

YESAYA 10:5

tuhan pai “Buhun bibor mem minu Asyur! Minu Asyur nok kuk di dikrop kin yam kin biei nibibui ba, dibimbas yo di itug ndei Ditde nigga yoti.

MAZMUR 125:3

Yo di isibut nya inyeng mitak kep yo di ingon sren ide dihyei ninda romti kikau bi. Leu gi nok ne yo di ingon sren nya igyai bram yo di isibut nya igyaisi bibon mun di kinei.

YESAYA 51:13

Mei, jibbwe ser jide tuhan di pai tes je di ba niban bijun mpia ei mpia-bbed him kin gi prion dihyeisi dini nikiou cem tu e? Nggon rino jidigit tut yo di ico kep tungwatu ide nigga biborti di itin ei mem gima icok tut tungwatu mem njap jei i? Ningat ne ide nigga biborti dima mingget je bi.

YESAYA 47:6

Nipou yo ne digga Ditde limwa nya leu api duubon yok nok Ditde limwa nya bi. Apino dikes yok ei andati ug a. Leu api agingondut yok bi ba, aco kep ndigpoi koi nya kinei-kinau.

MAZMUR 81:6

Gima ne Allah nimbrap tutti di mben Israel ikrau kep ei mpe di po ikiju kep mben Mesir bihwen pima ri. Dimiap nihyet di dikan tut bi di pai,

YESAYA 9:5

Munggwom gom srek mem nye tu! Igyai mot gom mem nye tu! Mot dima ninyeng mitak kep nye. Tungwatu nya mijem ninyeng ‘Nikei Di Ningon Ki’ kin ‘Allah Di Sindem Bibor’ kin ‘Icig Di Niyaijo Kikau’ kin ‘Nibou Ndig Nibong Kei Nigwam Kei’ cem.

YESAYA 16:4

Ma jisindui sut ba, nibong nok ngkiai ei jide minu. Ma jingkiem ser nye leu yo di ijoi sut ibindei sar nye.” (Nico kep yamti kin nibindei sar hiterti mikes hon rin ba, yo di ibindei di mben Israel itimek bico kep yok cem mingwig krebou.

YESAYA 52:2

Je di mben Yerusalem e, ma jikiju leu dihyei ndung ba, jimpig jide sinsun tut atriem ntui di rap je leu je. Je di timiei Sion di jisima hukum e, ma jipas lante di ngot jikimam leu je!

YEREMIA 48:17

Je di ngkiai nya di jibong dideu minu Moab di jikan tut ninyeng jeisi di tibim bidem minu nya e, ma jipim tut noni! Jipim ba, jibwos-bwos nyen “Minu Moab ninyeng tak kep mun nyeng hi bu bi o! Nide ninyeng jeisi kin nisindemti pror tu o!”

YESAYA 10:16

Mben Asyur ikon yonti. Gima rino tuhan Di Ninyeng Jei Bibor miba nsuwer ajar bihwen ide nibou tentara di isindem nya. Ningkek di dut bibor mihwen yok bidem kep hum di yem tungwatu bijo kikau.