YESAYA 8:8 - ALLAH NIHYET MEM TUNGWATU NYA

⁸ Yoni micok tut dihyei Yehuda noyam kin minyei di su di kui sur jikimam behei biprioi mun nyeng hagom.” Allah Ningat rin bit nye! Noni kieng ninyehei gau ide minu dini binyohou nye.

YESAYA 8:8 ပူးပေါင်းရင်းမြစ်များ

NIBOU NDIG NYA GI NICAN 17:3

Salmaneser di nok nibou ndig mem mben Asyur kon pran bit nibou ndig Hosea ba, bindei timek noni. Noni cuk Hosea bigo belasten bak noni bikwop ari bingwam hagom.

NIBOHON MBEN ISRAEL GI NICAN 12:4

Noni coi bihwen minu ndig di sindem bibor ei minu Yehuda leu lene yai biyati sindam kikau ba, kwei ya hon minu ndig Yerusalem.

YESAYA 10:6

Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”

YESAYA 30:28

Noni cuk hou bibie Noho bidem minyei di su di kui bigwam ikimam di hwen mun nyeng hagom bibindei sar ngkiai nya binggek tut ingon kanti di kinei bibor di itin ei nya hagom.

YESAYA 43:2

Tirigi jisigon minyei di jut bibor ne midingat rin bit je. Mun di buhun di cut igkep je mikot je bijingwig bi. Tirigi jikimbas ug ei hum di cig-caiti ne hum mitigut je bi. Mun di bingon-bingon nyen je lene mibindei ba, jiyai niwei bi.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 7:17

tuhan micuk nibou ndig Asyur kwei bihwen je. Gima bindei ba, nani kin ade ig bei nsi nya kin ade limwa nya jahagom mijitug ndei mun di buhun bibor dor njiriek mun di buhun di nipou cut igkep je ei mpe di po mben Israel kin timiei Yehuda nya ikwas yam pima kikau kwei bipek ammani kep.

YESAYA 8:10

Ma jinyohou kos dat jingon kanti nya! Noro jingon kanti dima mipek kep mem je bi sren. Nna ba jisimbot kep biyam ninno noro gima yok mikui-kausi he. Lewo Allah Ningat rin kin nye.

YEREMIA 47:2

tuhan pai “Angat i! Minyei biam kwei leu nite bei mpia nijjai ba, kui mpia bidem kep minyei ndig di su bihwen minu dini bitut mun di joti nya kin minu ndig nya bitut timiei di ibong niti nya cem. Tungwatu nya yahara nimpu yokti ba, limwa nya yahagom mipim nggruet.

YEREMIA 48:40

tuhan pai “Mben ngkiai gom mikwei bisus minu Moab noyam kin ha krubrig di cut bikieng ninyehei bisus mun di yem.

YEREMIA 51:42

Muk ngei dwoi biyon igkep minu Babel ba, ninggop di tti bram yam di nugwei bong hwen minu dima tu.

YEHEZKIEL 17:3

di Da di tuhan Di Dinyeng Jei Bibor dipai mem yok tut ha krubri di nindig bibor ningut gom di bon ninta kei-kau-kei ba, ninyehei nyan ba, sindem cem. Ha dima kon ninyehei bidimba ug ei nungug him ei minu Libanon bikot biei buom gom ninggrupti,

YEHEZKIEL 26:19

tuhan Di Ninyeng Jei Bibor pai “Dibindei ba, mpia mbum-bra tut na noyam kin minu prenti di bon timiei nya bi. Midibindei ba, asar ei minyei jou.

DANIEL 11:10

Leu api nibou ndig minu Siria nipmot bat nya injei siceu ba, itin ei ide nimpung tentara di nindig mem gima ikon pran. Leu api nipmot gom kiju tut tungwatu binjei bihwen siceusi dem kep minyei di su a. Noni brim ningkek bicoi siceu ide tentara nibousi di igya coi gom bihwen.

MIKHA 1:9

Lewo bit bon mben Samaria nya ibokti jut hanyen kan bi. Ba, mun di buhun bibor dima micut igkep mben Yehuda cem lewo gima ug krau dimbou pmem ei minu ndig Yerusalem di nok dide bat nya itimieisi.

MIKHA 5:5

Nibou dima yok miba minggwen di nggwen-gwau biyai nimai bak mben Asyur leu api iteu nye leu indati.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)