YESAYA 8:7 - ALLAH NIHYET MEM TUNGWATU NYA

⁷ Gima rino Da di tuhan midinduk nibou ndig Asyur kin nide tentara yahagom kwei ba, ikon pran bit timiei Yehuda nya. Tentara dima minjei siceu noyam kin Minyei Efrat di kui mpia di yon gau nipimbien hagom.

YESAYA 8:7 ပူးပေါင်းရင်းမြစ်များ

AMOS 9:5

tuhan Di Ninyeng Jei Bibor ba, Sindem Bibor cem ngget dihyeisi dini bibindei ba, ugwa-kwei lene biyai ba, timiei dihyeisi dini yahagom ingon buhun bibor. Dihyeisi dini titut yam dwoi bisri hanyen noyam kin Minyei Nil di dwoi lene sri hanyen.

AMOS 8:8

Dihyeisi dini mugwa-kwei bibindei ba, tungwatu nya yahagom ingon buhun bibor. Dihyei mun brim bidem minu dini nisurti-nipekti ba, ninjek dip noyam kin Minyei Nil di ugwa-kwei.

YESAYA 7:20

Mpe dima lene tuhan muubon nibou ndig Asyur binok awak leu api nibou ndig dima miyai mun kinei sut mben Israel noyam kin nikak kep tungwatu inta bidem ingut titut cig bibindei ba, inta ngwig leu yok.

YESAYA 7:17

tuhan micuk nibou ndig Asyur kwei bihwen je. Gima bindei ba, nani kin ade ig bei nsi nya kin ade limwa nya jahagom mijitug ndei mun di buhun bibor dor njiriek mun di buhun di nipou cut igkep je ei mpe di po mben Israel kin timiei Yehuda nya ikwas yam pima kikau kwei bipek ammani kep.

NITRITI 6:17

Lewo dibindei ba, minyei su nindig bibor ba, ut kep dihyei ninjek dip hagom leu binhyepo kot mun di ninnei tau nuhwap nsi nya hagom. Mun nyeng hagom ei dihyeisi dini misar ug ri.

NINGAT-HI-NGAT NYA 17:15

Leu api malaikati dima pai bida “Minyei ngwa dip di angat di sundal gwam ningwa dip dima ne minu nya kin keret nya kin mben nya kin nihyet nya ri.

NAHUM 1:8

Nibindei timek Nide siceu nya dem kep minyei di su nindig bibor di hwen tungwatu bicom yo di ibrim ingkek kep Noni di ihwen bit Noni yahagom ug ei minu nimai nya ide bisar hak.

DANIEL 11:22

Noni bindei timek tentara nya di ikon pran bit noni bicok tut Allah de Imam Nibou Ndig cem ba, sar.

DANIEL 11:10

Leu api nibou ndig minu Siria nipmot bat nya injei siceu ba, itin ei ide nimpung tentara di nindig mem gima ikon pran. Leu api nipmot gom kiju tut tungwatu binjei bihwen siceusi dem kep minyei di su a. Noni brim ningkek bicoi siceu ide tentara nibousi di igya coi gom bihwen.

DANIEL 9:26

Tirigi nijam dima ug hon nohonti ne no di Allah ta mem gima bie tut yok bon mun tunggwei hi bi lo, noni tug ndei nimai. Nibou ndig di sindem bibor gom de tentara ikon pran bit mben Yerusalem bibindei timek yok bitut itimiesi kin tuhan De Ig hagom bitimek bingwig. Nijam dima nohonti cut igkep yok dem kep nok minyei di su di biam tut pran kin mun di binggek yok bingwig di Allah tin ei mem yok.

YESAYA 59:19

Nide nisindemti kin ninyeng jei biborti mibindei ba, yo di ibong nite bei mpia nipriti kikau ug ei nite bei mpia nicutti yahagom mittin tut Noni. Noni misu kep yok nok minyei di ningwa sindem bibor di kui mpia tug hon hou di nimig ten bibor.

YESAYA 28:17

Ningon sren-srausi rinok nai di ibinai ig dima nikiou ba, ningon gomti rinok mun di ibinai cou nipijumti.’ ” Biget di mbras nok tig njep mibindei sar jide ningon mangti di jiba jingon com nya. Minyei di su mihwen je ei mpia di jinang coi bijiku je eisi nya.

MAZMUR 72:8

Ninyeng tak kepti mikieng kep dihyei nisurti-nipekti leu Minyei Efrat kikau ug bipek minu nohon keti.

LUKAS 6:48

No dima dem kep no di ngot nide ig di tig juig bijut leu api ngot ig ei cou nipmem di huk bipek hak dip. Mpe dino minyei su bibiam sindem lene nide ig nddong kei bitti bi lewo noni tig cou kikau ug ei dihyei jou tu.

EZRA 4:10

Yo di yuusap yok tut srat dima hi kin bu rino ngkiai hiter bu di Asnapar Di Ninyeng Jei di buwak yok leu itimieisi kwei leu api kuk yok bibong timiei ei minu ndig Samaria kin minu ndig nindigsi nya di jo ei hanjop Efrat-Bei-Mpia-Nikimbasti.

NIBOU NDIG NYA GI NICAN 19:32

tuhan pai sut nibou ndig mem mben Asyur bipai bipia noni micoi kwei ei minu ndig dini ba, prindei tibor gom bi sren! Tentara di ittei ide mun di ibipukep ser tibor nggwen nya midideu minu ndig dini ba, ibon dihyei nindenti kui ngug tig di bikrop ttai minu dini bi sren!

YESAYA 10:5

tuhan pai “Buhun bibor mem minu Asyur! Minu Asyur nok kuk di dikrop kin yam kin biei nibibui ba, dibimbas yo di itug ndei Ditde nigga yoti.

YESAYA 10:16

Mben Asyur ikon yonti. Gima rino tuhan Di Ninyeng Jei Bibor miba nsuwer ajar bihwen ide nibou tentara di isindem nya. Ningkek di dut bibor mihwen yok bidem kep hum di yem tungwatu bijo kikau.

YESAYA 11:15

tuhan mibindei ba, muk nuhuisi Suez pingge leu api hou di dut kui bibindei ba, Minyei Efrat nok minyei pmot muhwindacan di jut bi. Ba, tungwagom-gom ba srop he bisigon ug ei nite hi.

YESAYA 28:2

tuhan mipinak no di sindem bibor di mimbri kui ningkek kwei. Nikwei krosti dem kep nok sigau di yem yok kin biget di mbras nok tig njep kin minyei di su di hwen yok leu api Noni micok tut yok bingwig.

YESAYA 43:2

Tirigi jisigon minyei di jut bibor ne midingat rin bit je. Mun di buhun di cut igkep je mikot je bijingwig bi. Tirigi jikimbas ug ei hum di cig-caiti ne hum mitigut je bi. Mun di bingon-bingon nyen je lene mibindei ba, jiyai niwei bi.

YEREMIA 47:2

tuhan pai “Angat i! Minyei biam kwei leu nite bei mpia nijjai ba, kui mpia bidem kep minyei ndig di su bihwen minu dini bitut mun di joti nya kin minu ndig nya bitut timiei di ibong niti nya cem. Tungwatu nya yahara nimpu yokti ba, limwa nya yahagom mipim nggruet.

YEREMIA 51:42

Muk ngei dwoi biyon igkep minu Babel ba, ninggop di tti bram yam di nugwei bong hwen minu dima tu.

YEHEZKIEL 26:19

tuhan Di Ninyeng Jei Bibor pai “Dibindei ba, mpia mbum-bra tut na noyam kin minu prenti di bon timiei nya bi. Midibindei ba, asar ei minyei jou.

MIKHA 1:9

Lewo bit bon mben Samaria nya ibokti jut hanyen kan bi. Ba, mun di buhun bibor dima micut igkep mben Yehuda cem lewo gima ug krau dimbou pmem ei minu ndig Yerusalem di nok dide bat nya itimieisi.

MIKHA 5:5

Nibou dima yok miba minggwen di nggwen-gwau biyai nimai bak mben Asyur leu api iteu nye leu indati.

MAZMUR 46:4

Mbro nok gino sigau hwen muk ndigsi ba, muk tti nindig bibor bibindei ba, nungug tou nya digit-digit nyen lo, nittin tut bi.

YESAYA 28:15

Jingon jei sut jenti drek dip gi jikwam minggwen bit nimai ba, jeni kin minu nimai nya ide jipreu kep yam tu e? Jiba jingon com bipia tirigi mun di buhun kwei lene mikriau je lewo jikan bipia jide niris ei tungwatu nyati rinok mpia di jinang coi e?

MIKHA 5:4

Noni mibindei ba, yahagom ingon kwes kin yam. Tirigi tentara mben Asyur nya ihwen ide minu dini binggek ngug tig nya lene nyeni micuk ide nibou di mimbri kui ingkek ba, ihwen yok bibiyai nimai biyok.