YESAYA 7:6 - ALLAH NIHYET MEM TUNGWATU NYA

⁶ ikos tut bipia yoni mihwen je di timiei Yehuda nya bibindei ba, Ahas de limwa nya ittin tut yok leu api yahagom mitti kin yok bu. Leu api nibou ndig cin dima mita Tabeel nipmot nok nibou ndig biya luei Ahas nohoti bu.

YESAYA 7:6 ပူးပေါင်းရင်းမြစ်များ

YESAYA 7:1

Nibou Ndig Ahas nicig ninyeng Yotam ba, nignyon ninyeng Uzia. Mpe dino Ahas ninyeng tak kep timiei Yehuda nya lene Rezin di nibou ndig Siria kin Pekah di Remalya nipmot di nok nibou ndig mem minu Israel injei siceu kwei bikon pran bit timiei minu ndig Yerusalem nya. Noro bit bon ihwen yok bitimek kan bi.

YESAYA 7:5

Mben Siria kin mben Israel kin ide nibou ndig yuhum yam nsi ba,

YESAYA 7:7

Noro Da di tuhan disimbot dat bipia mun di buhun dini micut igkep Ahas bi sren,

NIBOU NDIG NYA GI NIGOM 12:16

Tirigi Rehabeam de limwa nya imiap tut bipia noni buhup ighyet bit leu ingon kanti bi lene iba ighyet nindig bibor hara “Nikou sut Daud kin yo di intun noni him o! Ingondut nye nipou kikau kwei bipek ammani kep bi sren o! Je di mben Israel e, jikwei ba, imbut ri o! Nnaba Rehabeam mibiang niyai munti nibuhunti hak ug o!” Gima rino mben Israel ingkwei hanyen ug ei itimieisi.

NIBOU NDIG NYA GI NICAN 11:2

Nahanok ma igyai nimai bak Yoas di Ahazia nipmot cem bit nibou ndig nimunggwom bat nindigsi nya. Noro Yoseba di Yoram nipmisop ba, Ahazia nikwohop krau Yoas ninda bibrim nyahan leu nindigsi nya ikieti bibindei ba, ningwes ngun. Lene noni buwak Yoas kin sop di nyohou kep noni biku yok nyahan ei nghim nsi gom ei tuhan De Ig.

NIBOHON MBEN ISRAEL GI NICAN 13:8

Nogindini jikan bipia jisindem mem gima jico kep nisindemti di tuhan kwas tut yo di intun Daud him. Lewo jide tentara nya imang bibor ikwei sut sapi mas di Yerobeam bon bou ninda him nok jide kwar nya cem tu.

NIBOHON MBEN ISRAEL GI NICAN 21:7

Noro tuhan kou sut gima cok tut Daud de nintun him yamti di bram yam nya di ikui bigwam nok nibou ndig nya lewo Noni preu ei nipou su bipia yo di intun Daud him nya mporo inyeng mitak kep ide limwa nya kikau.

NIBOHON MBEN ISRAEL GI NICAN 28:5

Gima rino nide tuhan Allah sindui sut ba, nibou ndig mben Siria bindei timek Ahas drek dip nide sisar. Lene bikat timiei Yehuda nya imang bibor bikri yok ug ei Damsyik ba, inok awak ei ingkiaisi. tuhan sindui sut ba, Nibou Ndig Pekah di Remalya nipmot leu mben Israel cem bindei timek Ahas de limwa nya biyai nimai bak tentara timiei Yehuda nya di mimbri kui ingkek nya ibou sribu sratus gom ningot can mem njap gom ngat he. Idigup bat-idigai bat nya ide tuhan Allah sindui sut mun di buhun dima yok hagom bicut igkep yok lewo timiei Yehuda nya igibit tuhan Nihyet bu bi.

MAZMUR 21:11

Ide nintun him yamti di bram yam nya hi dima niken jo bi. Lewo nibou ndig micok tut yahagom.

MAZMUR 83:3

Angig ayai kep Ade siceu di yaham imbuk kep Na. Yo di ingon mpo tut Na yaham imbuk kep Na.

NIPINGOK NINGONTI 19:21

Tungwatu nya ikos tut ingon kanti ninyeng mang bibor noro tuhan nikos tutti nya he rino mipek kep.

YESAYA 8:6

“Timiei Yehuda nya ikou sut Minyei Pmot Syiloah di biam nyahan lene inghuisi mpig sut Nibou Ndig Rezin kin Nibou Ndig Pekah.