YESAYA 7:4 - ALLAH NIHYET MEM TUNGWATU NYA

⁴ Acuk noni bipia tindei ser siceu nya noro ma ningon jo nyahan. Ma noni ttin tut yok ba, ningon buhun au. Lewo Nibou Ndig Pekah kin Nibou Ndig Rezin bitut tentara Siria yahagom ide niggati noyam kin bui priot can di tti tut nimmup he.

YESAYA 7:4 ပူးပေါင်းရင်းမြစ်များ

NIBOU NDIG NYA GI NICAN 15:27

Tirigi Nibou Ndig Uzia ninyeng tak kep timiei Yehuda nya mem nijam ari bingwam ningot muhwi ba, can lene Pekah di Remalya nipmot kui bigwam nok nibou ndig mem mben Israel ei Samaria ba, ninyeng tak kep limwa Israel mem nijam ari bingwam nyatungwagom.

NIBOHON MBEN ISRAEL GI NICAN 20:17

Ma jeni jikon pran ei pran nicutti dini bi. Ma juug bijiya jiyati hak ei mpia di indo mem je ba, jiya hak ei sirima. Lene mijingat bou jiyai him bipia tuhan mibindei timek jide siceu nya. Je di timiei Yehuda kin Yerusalem e, ma jingon ku jenti tut ba, jidigit tut au. Ma jinjei siceu mem gima jicoi ug ei pran dimati leu api tuhan mimpu je!”

YESAYA 10:24

tuhan Di Ninyeng Jei Bibor pai bak Nide limwa nya di ibong ei Sion “Mbro nok gino mben Asyur ico kep je ba, igyai ninghuisi di wei bije cem noyam kin gi po mben Mesir ibibon je nipou pima lo, ma jittin yok au.

YESAYA 30:15

tuhan di nok mben Israel ide Allah Di Ninyeng Jei Bibor di kwes-kwau pai bak nide limwa nya “Ma jittin ser jide sisar ba, jiba jibou coi mem Da leu api miditeu je leu sisar. Ma jiba jingon di jo nyahan bicom Da leu api midibindei ba, jisindem bibor.” Noro jikou sut nihyet dima!

YESAYA 30:7

Mben Mesir mimpu yok mikui-kausi. Gima rino dijem mben Mesir inyeng bipia ‘Naga Di Mimbri Kui Ningkek Bi.’ ”

YESAYA 35:4

Ma jipai bak yo di ingon ttin nya “Ma jiwin jenti jingonti lene ma jittin-ttin nyen au. Allah mikwei kes hukum ei jide siceu nya dip ba, teu je bijingwes ngun.”

YESAYA 37:6

Yesaya cuk yo di Nibou Ndig Hizkia pinak yok kwei dima bipai nibuhupti dini bak “tuhan pai ma Na Di Anyeng Jei attin tut no di ya kui nibou ndig Asyur nihyet di pai bipia bit bon tuhan teu nye bingwes ngun kan bi dima au.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 7:1

Nibou Ndig Ahas nicig ninyeng Yotam ba, nignyon ninyeng Uzia. Mpe dino Ahas ninyeng tak kep timiei Yehuda nya lene Rezin di nibou ndig Siria kin Pekah di Remalya nipmot di nok nibou ndig mem minu Israel injei siceu kwei bikon pran bit timiei minu ndig Yerusalem nya. Noro bit bon ihwen yok bitimek kan bi.

YESAYA 7:8

lewo mben Siria ibon ide minu ndig nibousi ei Damsyik ba, Nibou Ndig Rezin ninyeng tak kep minu ndig Damsyik sri bibou mben Israel icut bak ide siceu nya di mihwen yok bitimek bingwig ei nijam ari bingwam ningot muhwindagom ba, muhwi ngwig ug e.

YESAYA 7:9

Mben Israel ide nisindemti nindig dor njiriek minu ndig Samaria bi ba, minu ndig Samaria de nisindemti nindig dor njiriek Nibou Ndig Pekah bi. Gino aba angon titut bicom Da bi lene acut bak ade siceu nya.”

YESAYA 8:4

Lewo nipou tirigi noni hara ‘Arig e, amei e,’ kan bigyo lene nibou ndig Asyur mikwei kon pran bit mben Damsyik kin mben Samaria bipos ide ndigban kin mitiei hagom bingwig leu yok.”

YESAYA 8:6

“Timiei Yehuda nya ikou sut Minyei Pmot Syiloah di biam nyahan lene inghuisi mpig sut Nibou Ndig Rezin kin Nibou Ndig Pekah.

NIBWOS-BWOS NYENTI 3:26

Gima rino nna ba nyeni yoom ingon bigwam nyahan bibou tuhan kwei mpu nye ug e.

AMOS 4:11

Dibindei ba, jibihi jitug ndei nimai noyam kin mben Sodom kin Gomora di itug ndei nimai. Yo di ingwes ngun leu jikieti nya noyam kin no di nide bat iteu leu ig di hum yem. Mbro nok gima lo, jigingkwei hanyen ndam Da bi.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

ZAKHARIA 3:2

Lene tuhan de malaikati pai binoni “Bilis e, nna ba tuhan kes hukum ei na dip hak ug! Nna ba, tuhan di ngondut minu ndig Yerusalem kes hukum ei nani dip. Yosua dem kep nok hum priot di ikus leu hum njengti.”

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

MATIUS 24:6

Tirigi jimiap tut yo di ikon pran dideu je nya kin gi minu ting nya lene ma jittin tut au. Lewo mun dini yok hagom midem igbit nipou ug e noro tto bou mem njap ningwig honti dem bigyo.

NINDAT KEP TUHAN NICUKTI NYA 20:3

‘Disut bat mben Israel jen, ma jintu kep dihyet dini! Njap di ammani jinjei bijikon pran ug ri. Ma jittin tut jide siceu nya ba, jingon digit cem jingon tai-tai bou cem au.

SAMUEL GI NIGOM 17:32

Lene Daud pai bak Saul “Andigpoi e, ma ade limwa nya ittin tut mben Filistin dima au! Ditin ei mem gima dihwen noni.”