YESAYA 7:16 - ALLAH NIHYET MEM TUNGWATU NYA

¹⁶ Noro nipou tirigi tto bou dima dem bigyo ne nibou ndig cin di attin tut pima ide minu hagom minok mpia di ha he bong.

YESAYA 7:16 ပူးပေါင်းရင်းမြစ်များ

YESAYA 8:4

Lewo nipou tirigi noni hara ‘Arig e, amei e,’ kan bigyo lene nibou ndig Asyur mikwei kon pran bit mben Damsyik kin mben Samaria bipos ide ndigban kin mitiei hagom bingwig leu yok.”

NINDAT KEP TUHAN NICUKTI NYA 1:39

Mpe dima ne tuhan pai bak nyeni yahagom ‘Midiyai minu dima bak jimunggwom bat di imien bibor di dem mem gima ibisrip tut gi kei leu gi kinei bigyo po jikan bigya jide siceu nya mipos yok leu je bit leu jihyet nghwak him pima ba, yoni mikieng kep minu dima bigyati.

YUNUS 4:11

Dem mem gima dingon nggriu sut timiei minu ndig Niniwe di ningot ndig dima bi e? Lewo minu ndig dima bon munggwom nya imangti ibou sribu sratus gom ba, nyatungwagom di imig mbus mun di kei leu mun di kinei kan bigyo nya bitut mindhe-ndhe nya di bit bon ikwop nimangti kan bi cem.”

HOSEA 5:9

Jei bi ne mben Israel mitimek bingwig lewo tto bou dem mem itug ndei hukum tu. Je di mben Israel e, ma jiyok ngon kep bipia mun di buhun dini micut igkep je.

YESAYA 9:11

Minu Siria hap niji ei nite bei mpia nipriti kwei ba, minu Filistin hap niji ei nite bei mpia nicutti kwei mem gima ipinde minu Israel titut yam. Mbro nok gima lo, tuhan nigga yokti jo kep ba, Noni mikes hukum ei Nide limwa nya dip.

NIBOU NDIG NYA GI NICAN 16:9

Lene Nibou Ndig Tiglat-Pileser ce tut Ahas nahara noti leu api njei siceu ba, hwen minu ndig Damsyik leu lene yai ba, yati. Lene kat timiei minu ndig dima yahagom bikri yok ug ei Kir ba, isima lo, yai nimai bak ide Nibou Ndig Rezin.

YESAYA 8:14

Dingon kwes-kwausi rinok tig mma nindig di bindei ba, timiei Yehuda nya kin mben Israel indrat bicut. Dinok bon di timiei minu ndig Yerusalem nya ibiam.

YEREMIA 7:15

Midijji jeni ug ei minu ting leu Doho bei dem kep nok dijji jide bat mben Israel nya nipou su. Da di tuhan disimbot dat tu.”

HOSEA 5:3

Na di Israel e, dikan tut mun di jo ei angon bei hagom. Bit bon aku mun nyeng gom bijo nding leu diyai him kan bi. Lewo akuk na bak kwar nya lene angon gom tut Da bu bi cem. Gima rino ade limwa nya idem mem gima ikuk yok biDa bi.”