YESAYA 7:14 - ALLAH NIHYET MEM TUNGWATU NYA

¹⁴ Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 7:14 ပူးပေါင်းရင်းမြစ်များ

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

LUKAS 1:31

Mporo anghop ba, asrek tut amunggwom nipinai lene suar ajem ninyeng Yesus.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

YESAYA 8:8

Yoni micok tut dihyei Yehuda noyam kin minyei di su di kui sur jikimam behei biprioi mun nyeng hagom.” Allah Ningat rin bit nye! Noni kieng ninyehei gau ide minu dini binyohou nye.

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

YESAYA 8:10

Ma jinyohou kos dat jingon kanti nya! Noro jingon kanti dima mipek kep mem je bi sren. Nna ba jisimbot kep biyam ninno noro gima yok mikui-kausi he. Lewo Allah Ningat rin kin nye.

YEREMIA 31:22

Je di jingon gom tut Da bi e, jihig jingon eisi kikau buug ei apig bu i? Dipai tes mun di nijep-jau bu ei dihyeisi dini tu. Mun dima rino no di pinai gwam coi no di sop.”

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

SAMUEL GI NIGOM 1:20

Noni nghop ba, srek tut nipmot lene jem ninyeng Samuel bisimbot dat “Dahara tuhan leu api Noni bindei ba, diyai dipmot gom.”

SAMUEL GI NIGOM 4:21

Lene noni jem nipmot ninyeng Ikabod bipai “Allah De nikei-kau-keisi pror leu Israel tu.” Nipaisi dini ndo tut Brua Gi Preu di ipos kin nipmang kin nijjep imaisi ri.

NITRITI 30:8

Lene Rahel kan “Sibrim singkek nindig bibor apino soom kep sikindig tu.” Gima rino noni jem nipmot ninyeng Naftali.

NITRITI 29:32

Gima rino Lea tta buhun bigwam tut nipmot lene kan “tuhan ngat igbit singon di buhun tu apino hon kep ammani kui sijjep miningon ngakei sa.” Gima rino jem nipmot ninyeng Ruben.

NITRITI 30:6

Gima rino Rahel kan “Allah ya hacan mem sa bibuhup side nadi tu ba, yai sipmot bisa tu.” Gima rino noni jem nipmot ninyeng Dan.

NITRITI 4:25

Lene Adam nitnem yoni igyem njita tut yam bu apino jei bi lene nitnem tta buhun. Jei bi lene noni gwam tut nipinai hi bu bijem ninyeng Set. Gima rino Hawa pai “Allah bindei ba, siyai sipmot hi kin bu biluei Habel nohoti lewo Kain hwen noni bimai su.”

NITRITI 16:11

Jei bi lene ayai apmot lene ma ajem ninyeng Ismael lewo tuhan miap ahyet tirigi po aba ayai nggwei bahara pima.

LUKAS 2:12

Ba, mun di ndo bindo tut dipaisi dini rinok gini. Mporo jimbut bijittau kep ningwoi-ngwoi dima bijingat lo, no iba ban binggai di ikes tut ei brua nsi ei a.”

YESAYA 38:7

Yesaya buhup hanyen bak “tuhan miyai bindo biNa Di Anyeng Jei gi bindo tut bipia Noni yai mun bipek kep nipreu ei mem nati dima.

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

YEREMIA 44:29

Midikes mun di buhun bibor ei je dip ei mpia dini leu binhyepo dibindo bindo bije tut hukum di dikos tut bit leu dingon kanti tu. Ningat ne hukum dima micut igkep je ri.

NIJAM NIKEI NYA 6:36

Lene noni pai bak Allah “tuhan e, ma ando angon kanti bida gino ajoi sut mem ateu mben Israel bingwes ngun tug hon dani.

NIBOU NDIG NYA GI NIGOM 13:3

Lene nabi dima binut bu “Nimbar hum dok dini nonti mitti bibindei ba, atriem ndung di jo dip mikiber ug ei dihyeisi ug ri. Gima ne mun di bindo tut bipia tuhan cuk da kwei ri.”

MAZMUR 46:8

tuhan Di Sindem Bibor ningat rin bit nye. Yakub de tuhan ne tentara nibousi di igya coi ri.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

LUKAS 20:44

Gino Daud jem Nibou Ndig di teu tungwatu nya biyai niyaijo nijep biyok pima ninyeng Tuhan ne notou Nibou Ndig di teu tungwatu nya biyai niyaijo nijep biyok dima ntun Daud him i?”