YESAYA 7:1 - ALLAH NIHYET MEM TUNGWATU NYA

¹ Nibou Ndig Ahas nicig ninyeng Yotam ba, nignyon ninyeng Uzia. Mpe dino Ahas ninyeng tak kep timiei Yehuda nya lene Rezin di nibou ndig Siria kin Pekah di Remalya nipmot di nok nibou ndig mem minu Israel injei siceu kwei bikon pran bit timiei minu ndig Yerusalem nya. Noro bit bon ihwen yok bitimek kan bi.

YESAYA 7:1 ပူးပေါင်းရင်းမြစ်များ

NIBOU NDIG NYA GI NICAN 15:25

Mpe dima lene Pekah di Remalya nipmot di nok Pekahya de nibou tentara gom kes ningon kanti bak mben Gilead ibou ningot muhwi. Leu api igyai nimai bak Pekahya kin ibou can di Argob kin Arye ei ninsi di jo nding ei tentara nibousi di igya coi gom ei Samaria. Leu api Pekah kui bigwam nok nibou ndig mem mben Israel biya luei Pekahya nohoti.

NIBOU NDIG NYA GI NICAN 15:27

Tirigi Nibou Ndig Uzia ninyeng tak kep timiei Yehuda nya mem nijam ari bingwam ningot muhwi ba, can lene Pekah di Remalya nipmot kui bigwam nok nibou ndig mem mben Israel ei Samaria ba, ninyeng tak kep limwa Israel mem nijam ari bingwam nyatungwagom.

NIBOU NDIG NYA GI NICAN 16:1

Tirigi Nibou Ndig Pekah di Remalya nipmot ninyeng tak kep mben Israel mem nijam ari bingwam simnaimuhwidip brimigtehican tu lene Ahas di Yotam nipmot kui bigwam nok nibou ndig mem timiei Yehuda nya.

NIBOU NDIG NYA GI NICAN 16:5

Ei nijam dima ne nibou ndig mben Edom bindei ba, ninyeng tak kep minu ndig Elat hanyen bijji timiei Yehuda nya di ibong ei minu ndig dima bingwig leu api mben Edom induk yam kwei bibong ser minu ndig dima kikau kwei bipek ammani kep. Ei nijam dima ne Rezin di nok nibou ndig mem mben Siria kin Pekah di nok nibou ndig mem mben Israel ikon pran bit timiei Yehuda nya bigyon ttai minu ndig Yerusalem cem noro ibindei cut Nibou Ndig Ahas bi.

YESAYA 1:1

Srat dini pai sut Allah ningon kanti mem timiei Yehuda kin timiei minu ndig Yerusalem nya di Noni mbot kep tut bak Yesaya di nicig ninyeng Amos tirigi nibou ndig Uzia kin Yotam kin Ahas kin Hizkia nya inyeng tak kep timiei Yehuda nya.

YESAYA 8:6

“Timiei Yehuda nya ikou sut Minyei Pmot Syiloah di biam nyahan lene inghuisi mpig sut Nibou Ndig Rezin kin Nibou Ndig Pekah.

YESAYA 9:11

Minu Siria hap niji ei nite bei mpia nipriti kwei ba, minu Filistin hap niji ei nite bei mpia nicutti kwei mem gima ipinde minu Israel titut yam. Mbro nok gima lo, tuhan nigga yokti jo kep ba, Noni mikes hukum ei Nide limwa nya dip.

YEHEZKIEL 27:16

Nitri-nipek mun cig di ikwei leu minu Siria ipek ade mun di atri nya kin mun di abon bou anda him ningat mang bibor dima cem. Iba tig permata zamrud kin delima kin hi di iba bor bibon cem kin minghas ningwoi nghei nta kin minghas nibien he kin minghas linen cem hagom bigo ndigban di ipek leu na nya.

HOSEA 1:1

Srat dini tut nihyet di tuhan sok ei Hosea di nicig ninyeng Beeri dip ei mpe di Nibou Ndig Uzia kin Yotam kin Ahas kin Hizkia inyeng tak kep minu Yehuda bram yam ba, Nibou Ndig Yerobeam di Yoahas nipmot ninyeng tak kep Israel cem.

MIKHA 1:1

Nabi Mikha nitimieisi leu minu mien di ninyeng Moresyet. Tirigi Nibou Ndig Yotam kin Ahas kin Hizkia inyeng tak kep mben Yehuda bram-bram yam ne tuhan mbot kep tut ningon kanti bak Mikha tut mben Israel ide minu ndig pmem cin di Samaria kin Yerusalem.