YESAYA 66:5 - ALLAH NIHYET MEM TUNGWATU NYA

⁵ Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

YESAYA 66:5 ပူးပေါင်းရင်းမြစ်များ

NIBOU NDIG NYA GI NIGOM 21:29

“Ayok ayai kep Ahab di ba ningon di huk niti bikuk no ei Doho bei tu e? Leu gima rino midibindei ba, mun di buhun bibor micut igkep noni bi kikau bibou niyaijo ngwig hon ug e. Midibindei ba, mun di buhun bibor dima micut igkep nide mbier nikimti nya mem nijam di nipmot ya luei nohoti.”

NIBOU NDIG NYA GI NICAN 22:10

Lene noni binut bu bipai “Dipwoi srat gom di Hilkia yai bida kwei. Lene noni kwop srat dima nibokti bak nibou ndig.”

NIBOHON MBEN ISRAEL GI NICAN 34:27

anso nanti tut leu api aboom nanti tut ei Doho bei. Ditin ei mem gima dihwen minu ndig Yerusalem bidikes hukum ei dip. Noro tirigi amiap tut dihyet dima rino apim ba, arik sinsun di ajuk ser angkek dip cem nok bindo tut angon di ngguk. Dimiap kep ade nadi tu ba,

EZRA 9:4

Digwam nok gima kikau ug bipek mmunti mem jam di ibon midut nindig mindhe ei nimbar hum dokti bak tuhan leu api tungwatu nya ikwei ya bingwig ttai da. Yo dini ne gi hi di ingon buhun drek dip mben Israel ide Allah nihyet di cuk Nide limwa Israel po ingkwei hanyen kwei leu ingkiaisi pima ri. Lewo Allah cuk yok bipia suar imbres yonti leu mben ngkiai di ibong ttai yok nya ide sisar di ibon nya.

MAZMUR 119:120

Didigit lewo dittin tut Nani ba, didigit tut Ade nikos tutti nya.

MAZMUR 38:20

Ditde siceu nya imang bibor ba, isindem cem. Ingon kinei sut ditde niyai munti nya.

NIPINGOK NINGONTI 13:13

Gino akou sut tuhan ningginau nati ne abindei ba, mun di buhun micut igkep na. Gino abit Allah nikos tutti nya ne amuhup mitau bina.

DIUN MIMUN 1:6

Ma jingwes pri gau da drek dip dingkek di rom au. Lewo mpia com pijuk dingkek. Dikijam bat nya ingon sibui sut da bicuk da ba, diyai midyai ei ba anggur nghousi. Gima rino bon nituti ndia hi mem gima dinyohou dingkekti bi.

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

YESAYA 60:15

Midikes na hanyen bihigom bi dingon misibui sut na bi disindui sut na ba, anok mpia nintiti bu bi. Noro midibindei ba, ade nikei-kau-keisi jo ninno ba, tungwatu nya igyai nillei tut na bijo kikau.

YESAYA 65:13

Gima rino dipai bije bipia yo di ikuk yok biDa migyem njita noro jimai jinggum. Yoni midut ndia ngei noro jimai jinggobiau. Yoni migyai nillei noro jigwam nimmaiti.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YEREMIA 36:16

Niabiati noni kwop srat bokti dima bingwig biyok leu su lene iba ingon di digit bitou kep yam yaisi bipai bak Barukh “Suar nitri tut srat bokti dini bak nibou ndig.

HOSEA 11:10

tuhan binut bu bipai “Gino diyau noyam kin singa niyausi ne dibindei ba, ide siceu nya idigit leu api Ditde limwa nya mibit Da. Ditde limwa nya mibrim imig kwei haninyai leu nite bei mpia nicutti kwei mem gima ikuk yok biDa.

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

LUKAS 13:17

Nibuhupti dima bindei ba, Nide siceu nya immai sut yonti nindig bibor noro yo di idem yam ei nya ingon llei sut bikwop mindur di Yesus bibon nya.

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

YOHANES 9:34

Apino nibou nya ibuhup “Mbenjen! Abon kep sisar habiei leu apmem nisrek tut nati kikau kwei bipek ammani kep leu api abingon mem gima angginau nyeni e?” Hon kep njap dima kui ne icom noni leu yo di inggre kin mben Yahudi ide mbusyamei.

TESALONIKA GI NICAN 1:12

Tug hon nisinati dima mijinggei sut Tuhan Yesus ninyeng ba, Noni minggei sut jeni cem tug hon ide Allah kin Tuhan Yesus Kristus ide nisingat tut jeti.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

YOHANES GI NIGOM 3:13

Gima rino disut bat jen, ma jinga leu sut tungwatu dihyeisi dini di ingon mpo tut je au.