YESAYA 66:2 - ALLAH NIHYET MEM TUNGWATU NYA

² Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YESAYA 66:2 ပူးပေါင်းရင်းမြစ်များ

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

MAZMUR 34:18

Yo di ingon sren nya yahara tuhan leu api Noni buhup ighyet biteu yok leu mun di buhun tak yok hagom.

MAZMUR 51:17

Allah e, ampu da leu binhyepo diji nggan tut nimbrap hanyen leu api midibinggei sut Na.

FILIPI 2:12

Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

NIPINGOK NINGONTI 28:14

Ma akuk na bak tuhan ba, abit nihyet kikau api angon minggei-hi-nggei. Gino angkek ndok tut tuhan ne atug ndei mun di buhun bibor.

MAZMUR 138:6

Mbro nok gino akei-kau-kei lo, angig ayai kep yo di ikinei-kinau nya. Bit bon yo di ingon jei nya iku yonti nding leu ayai him kan bi.

MAZMUR 119:120

Didigit lewo dittin tut Nani ba, didigit tut Ade nikos tutti nya.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

EZRA 10:3

Jikwei ba, iba neheng bipreu ei mem Allah bipia mporo ikes sop dima yok yahagom bitut imunggwom bat nya cem ba, ingkwei hanyen ug ei itimieisi. Minibit ade nipingok nyeni ningonti nya kin limwa hiter di ibit Allah nicukti nya kin nipingok ningonti nya cem.

HABAKUK 3:16

Tirigi dimiap kep mun dini yok ne dinghuisi mpig sut biduhui ngkek bingmai-bingmai gwai ba, dittin. Dinghuisi jet ba, disindem bi leu api dimig ndrat mpia bidem dimbutti nya. Midibet dingon nyahan mem nituti di Na di tuhan akes hukum ei yo di ikon pran bit nye dip.

MAZMUR 119:161

Yo di inyeng jei nya ihwen bit da mikui-kausi noro dittin tut Ade nikos tutti nya ningkom he.

EZRA 9:4

Digwam nok gima kikau ug bipek mmunti mem jam di ibon midut nindig mindhe ei nimbar hum dokti bak tuhan leu api tungwatu nya ikwei ya bingwig ttai da. Yo dini ne gi hi di ingon buhun drek dip mben Israel ide Allah nihyet di cuk Nide limwa Israel po ingkwei hanyen kwei leu ingkiaisi pima ri. Lewo Allah cuk yok bipia suar imbres yonti leu mben ngkiai di ibong ttai yok nya ide sisar di ibon nya.

YESAYA 40:26

Ma acap ser mpia-bbed him ba, ayok ayai kep! Tou ripai tes ham mpia-bbed him nya i? No di nyohou dimig ham hagom bidem kep nok tentara kan bidem tut nimangti jem inyeng bibikwop hagom! Bit bon ham gom pror kan bi lewo tuhan sindem mem gima nyohou ham nya hagom!

KOLOSE 1:17

Kristus No rinaha nipou tirigi Allah pai tes mun nyeng hi bigyo. Mun nyeng hagom jo nijoti tug hon Noni.

KISAH 9:6

Akiju ba, aya lene ma aug ei minu ndig dima leu api tungwagom mipingok na tut mun di ayai yo.”

MATIUS 12:6

Ma jiyok ngon kep bipia nicukti di bon ninyeng dor njiriek Tuhan De Ig no rinaha.

KISAH 7:50

Danti rino dipai tes mun dima yok hagom bou dinda him bi e?’

NIPINGOK NINGONTI 29:23

Yo di illei-lau micut noro tungwatu nya mikon no di ba nibou coi mem yok ninyeng.

HOSEA 11:10

tuhan binut bu bipai “Gino diyau noyam kin singa niyausi ne dibindei ba, ide siceu nya idigit leu api Ditde limwa nya mibit Da. Ditde limwa nya mibrim imig kwei haninyai leu nite bei mpia nicutti kwei mem gima ikuk yok biDa.

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

NIBOU NDIG NYA GI NIGOM 21:29

“Ayok ayai kep Ahab di ba ningon di huk niti bikuk no ei Doho bei tu e? Leu gima rino midibindei ba, mun di buhun bibor micut igkep noni bi kikau bibou niyaijo ngwig hon ug e. Midibindei ba, mun di buhun bibor dima micut igkep nide mbier nikimti nya mem nijam di nipmot ya luei nohoti.”

NIBOU NDIG NYA GI NICAN 22:10

Lene noni binut bu bipai “Dipwoi srat gom di Hilkia yai bida kwei. Lene noni kwop srat dima nibokti bak nibou ndig.”

NIBOU NDIG NYA GI NICAN 22:11

Tirigi nibou ndig miap nihyet dima rino noni rik nide sinsun ei nonti him lewo ningon buhun bibor.

MAZMUR 51:19

Midut di Allah joi sut rino ningon di nggriu-nggrop. Akou sut no di kuk ningon tut Na bi kin no di ttin ser nide sisar bi sren nya.

YESAYA 41:20

Mpe dino tungwatu nya ingat gini bou igyai him ne mijo nibreisi mem yok bipia Da di tuhan dipai tes hagom. Ingon dor niti leu api igyok ngon kep bipia mben Israel ide Allah Di Kwes-Kwau bibon mun dima yok hagom.”