YESAYA 66:18 - ALLAH NIHYET MEM TUNGWATU NYA

¹⁸ Dikan tut ide nikan-kan nyenti kin ide nibon munti nya. Midikwei bidinduk tungwatu nya leu ngkiai nya di ibong bidem dihyeisi dini hagom ba, ibicom yam. Tirigi idem yam ei su ne yoni mingat Ditde nisindemti bou igyai him,

YESAYA 66:18 ပူးပေါင်းရင်းမြစ်များ

MAZMUR 139:2

Akan bidem tut diyai munti nya hagom. Mbro nok gino angat rin ei minu ting bibor leu da lo, akan bidem tut dingon kanti nya.

MAZMUR 67:2

Allah e, ma angon nggriu sut nye ba, anjei mun di kei binye cem. Ma aba angon di nem bitou kep nye,

MAZMUR 72:11

Nibou ndig dihyeisi dini hagom mikwei kuk yok binoni ba, ngkiai nya bidem dihyeisi dini hagom minok awak mem noni.

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

MAZMUR 82:8

Allah e, akwei gwam nok nikei mem tungwatu dihyeisi dini lewo anyeng tak kep ngkiai nya yahagom.

MAZMUR 86:9

tuhan e, mben ngkiai di apai tes yok nya yahagom mikwei kuk yok biNa bikon anyeng di jei bibor.

MAZMUR 94:11

tuhan kan bidem tut ingon kanti nya bikan bipia gima yok hagom mikui-kausi he.

MAZMUR 97:6

Mpia-bbed him tri tut Nide ningon sren-srausi ba, ngkiai nya yahagom ingat Nide nikei-kau-keisi.

YESAYA 11:9

Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YESAYA 37:28

Noro dikan bidem tut mun nyeng hagom di bitut nani kin ayai kepti nya kin aug eisi nya cem. Dikan tut bipia agga Da bibor.

YESAYA 40:5

Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YESAYA 55:8

tuhan pai “Dingon kanti nya noyam kin jingon kanti nya bi. Diyai munti nya cem noyam kin jiyai munti nya bi.

YESAYA 56:8

tuhan Di Ninyeng Jei Bibor di buwak mben Israel di ingkwei hanyen kwei leu ingkiaisi pai “Midibuwak nindigsi nya ba, iba yok bikum yo di idem yam ei su.”

YESAYA 57:12

Jikan bipia jide nibon munti nya hagom igbit noro midindo jiyai munti di kinei dima brei bak tungwatu nya. Mpe dima lene bit bon jide kwar nya impu je kan bi.

YESAYA 59:7

Jitin ei jingonti tut mun di kinei bijo-jo yam dip kikau leu api jingon ya mem nituti di jibindei mbut jingon kanti dima haninyai. Jihig jingon ei yo di ingon ngun nyati bi noro jiyai nimai biyok hak. Ninggekti kin nibindei sarti jo bidem jimbutti nya hagom.

YESAYA 65:2

Ditin ei mem diya um Ditde limwa nya bikwop mmun-njap noro yaham imbuk kep Da ba, ita ibou ei ide mun di mbuk bibor nyati bingkek ndok cem.

YESAYA 66:10

Je di jingon ngakei minu ndig Yerusalem e, ma jiyai nillei bit. Je di jingon ngguk tut minu ndig dima e, nogindini ma jingon nggei-hi-nggei.

YEREMIA 16:17

Dingat mun nyeng hagom di ibon nya bou diyai him. Hi di jo nding leu Da bi. Dingat ide sisar nya tu.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YEHEZKIEL 38:10

tuhan Di Ninyeng Jei Bibor pai bak Nibou ndig Gog “Ei nituti dima ne ma atin ei angon kanti di kinei bibor mem yok.

YEHEZKIEL 39:21

tuhan pai “Midindo Ditde nikei-kau-keisi bak ngkiai nya bingat. Yahagom mingat gi diba Ditde nisindemti bindei mbut nikos tutti di sren kei nya.

YOEL 3:2

Midinduk ngkiai nya yahagom kwei ei Mbang Briep Niya Ei Nikei Noho Bei. Leu api midigwam nok nikei mem yok. Midikes hukum ei yok dip drek dip gi ibibon Ditde limwa nya kinei. Lewo ijji mben Israel bibindei ba, intek gimahap ug ei ingkiaisi leu api ikwas Ditde minu Israel tut yam.

AMOS 5:12

Dikan tut jiyai munti di mbuk bibor kin jide sisar di kinei bibor nya. Jihwen bit yo di ingon kwes kei ba, jisindui sut tungwatu nya iba mitiei bingot kep je bijibibon yo di yuhui mbum nya kinei-kinau cem ei nikei noho bei.

ZAKHARIA 14:16

Niabiati bu ne yo di ibong ei mben di ikon pran bit minu ndig Yerusalem nya ikieti di igyaisi jo yo nya yahagom miyuug ei minu ndig dima mem gima ikuk yok bak Nibou Ndig di tuhan Di Ninyeng Jei Bibor ba, ibit midut Pesta Ig Jibei Mpam Meng cem.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MATIUS 12:25

Noro Yesus kan tut Farisi nya ingon kanti dima lene pai biyok “Gino mben hi ikwas yam ei nimpung can ba, ikon pran bit yam lene mimai bingwig hak. Nok gima cem gino timiei minu ndig e, he yo di ibong ig nittou hi e, iba nitok biyam ne jei bi itot yam bingwig ug ri.

MATIUS 9:4

Noro Yesus kan tut ingon kanti leu api hig singgre yok “Jikan-kan nyen mun di mbuk ei jingonti leu binggon i?

LUKAS 5:22

Yesus kan tut ingon kanti leu api hig singgre yok “Jikan-kan nyen ei jingonti leu binggon i?

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 5:42

Dikan tut jingonti bidikan tut bipia ningat ne jingon ngakei Allah bi.

ROMA 16:26

Noro tini bu ne Allah di niyaijo kikau mbot kep tut mimun dima brei bak mben dihyeisi dini hagom tug hon srat di nabi nya ipas ei su nya leu binhyepo tungwatu yahagom iba ingon com Noni bibit nihyet.

KORINTUS GI NIGOM 3:20

Bit leu nok gi ipas bu “Tuhan kan tut bipia yo di ingon ki nya ingon kanti nya hagom bon ninyeng bi.”

NINDAT KEP TUHAN NICUKTI NYA 31:21

Apino mun di buhun mang bibor micut igkep yok. Noro yoni mipai doia bibikiek mun di bindo tut igyai munti nya. Jit! Nogindini nipou tirigi dibie tut yok ug ei minu po dipreu ei mem yok tu pima bigyo ne dikan tut ingon kanti nya.”

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 2:13

Dikan tut bipia mpia di jibongti dima ne mpia di Bilis gwam ei nide banggo mbrei dip ri. Mbro nok gino yo di isibut nya ihwen Antipas di ningon gom di tri tut Nihyet Di Kei ei jide minu di nok Bilis nibousi dima lo, jiba jingon com Da kikau. Jibikep ser Da drek dip bi lewo jingon gom tut Da.

NINGAT-HI-NGAT NYA 2:2

Dikan tut jide midyai di jiyai nya. Dikan tut bipia jita jibou eisi ba, joom jingon bibor. Dikan tut bipia jikou sut yo di isibut nya ba, jimbus yo di ipai sut yonti bipia igya kui Yesus ingonti noro ibitot hagau apino jo nibreisi mem je bipia ibicum.

NINGAT-HI-NGAT NYA 2:9

Dikan tut mun di buhun tak je ba, juhui mbum cem noro jo nibreisi bipia jinyeng bibor! Dikan tut bipia yo di ipai sut yonti bipia yoni ne mben Yahudi rin noro bi dima irom ighyet kui je. Yo dima ne Bilis de limwa nya ri.