YESAYA 66:10 - ALLAH NIHYET MEM TUNGWATU NYA

¹⁰ Je di jingon ngakei minu ndig Yerusalem e, ma jiyai nillei bit. Je di jingon ngguk tut minu ndig dima e, nogindini ma jingon nggei-hi-nggei.

YESAYA 66:10 ပူးပေါင်းရင်းမြစ်များ

MAZMUR 122:6

Jingat nadi tindei nibong kei nigwam keisi mem minu ndig Yerusalem bijipai “Dijoi sut gima yo di ingon ngakei minu ndig Yerusalem ibong kei igwam kei ba,

MAZMUR 137:6

Gino dingon prion ser minu ndig Yerusalem bidingat dingwes ei minu ndig dimati bu bi cem ne nna ba abindei bidipai doia bu bi sren!

MAZMUR 26:8

tuhan e, dingon ngakei Ade Ig lewo gima ne mpia di agwam tut Ade nikei-kau-keisi di nindig bibor eisi ri.

YESAYA 25:9

Mpe dima lene tungwatu yahagom mitri tut biyam “Noni ne ide Allah ningat-ngat ri. Miba ingon com Noni leu api Noni teu nye bingwes ngun. Noni ne tuhan ri. Miba ingon com Noni. Jikwei ba, iba ingon di nggei-hi-nggei bimbos-hi-mbos lewo Noni teu nyeni bingwes ngun tu.”

YESAYA 35:2

Iggum ndigsi miba ningon di llei bibor bipai doia bimbos-hi-mbos lewo mpia dima miluei nitta binok nikei-kau-keisi noyam kin Nungug Libanon ba, mibon ninnumti noyam kin ngoi dumti nya ei Nungug Karmel kin mbang briep Saron. Tungwatu nya yahagom mingat tuhan nikei-kau-keisi kin ninyeng jeisi kin Nide nisindemti bou igyai him.

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

YESAYA 65:18

Ma tungwatu nya igyai nillei ba, ingon kei bibor tut mun di dipai tes nya. Midipai tes minu ndig Yerusalem di nijep bu. Mpia dima mimpung tut yo di imbos-hi-mbos bingon llei bibor.

YESAYA 9:3

Lewo Na di tuhan abindei ba, biei di iprion ei inghat dip pima dahat leu su. Adahat tom di iceu bibui yok tu. Abindei sar ngkiai nya di yoom Ade limwa nya bimbuk tut yok pima bingwig bit leu nok abindei sar tentara Midian nipou mimbrek tu pima.

YEHEZKIEL 9:4

“Aug ba, aya bidem minu ndig nuhuisi nya hagom ba, akes bindo ei tungwagom-gom di ningon ngguk tut kin gi ningon buhun tut nibon munti hagom di bindei igyai ttinti di tungwatu ibon ei minu ndig dini ingwak a.”

NINDAT KEP TUHAN NICUKTI NYA 32:43

Je di ngkiai nya e, ma jinggei sut tuhan De limwa nya. Noni kes hukum ei tungwa tou rino hwen Nide limwa nya dip. Noni birop hanyen bak Nide siceu nya noro kos ser Nide limwa nya ide sisar.”