YESAYA 66:1 - ALLAH NIHYET MEM TUNGWATU NYA

¹ tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YESAYA 66:1 ပူးပေါင်းရင်းမြစ်များ

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOHON MBEN ISRAEL GI NIGOM 28:2

Daud kiju biya yoho bei lene pai biyok “Disut bat je di jintun mben gom him e, jingig jitingou mem dihyet dini! Dipi bidingot ig di kei bibor gom mem Brua Gi Preu cem mem ide tuhan Allah su nimig bico niti mimbrek ngan cem tu. Dipi biditin ei nimbumbati hagom mem gima dibingot ig gom nok gumihyep mem gima ibikuk nye bak Noni eisi tu.

NIBOHON MBEN ISRAEL GI NICAN 2:5

Nyende Allah di nikuk nye bak ne Allah di nindig bibor dor njiriek mun di tungwatu nya ikuk yok bak. Gima rino tuhan De Ig di dijoi sut dingot dima ne ig di nindig bibor.

NIBOHON MBEN ISRAEL GI NICAN 6:18

Noro Allah e, dem mem gima abong ei tungwatu ikieti ei dihyeisi dini nijit e? Mpia-bbed him titut yam bon nibresti di dem mem Nani bi. Gi nok lene Ade Ig di dingot dini midem mem Nani bi sren.

MAZMUR 11:4

tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 132:7

Nipai cuk yam “Jikwei ba, yuug ei tuhan De Ig ba, ikuk nye ei Nide banggo mbrei nikiou.”

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 60:13

Tungwatu mirim biei ut di kei-kau nya kwei leu baham Libanon binjei hagom bak nani. Biei dima ne berangan kin eru bitut buom cem rin ba, irim kwei leu binhyepo ibimau Ditde Ig di nok mpia di diyati.

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MATIUS 12:6

Ma jiyok ngon kep bipia nicukti di bon ninyeng dor njiriek Tuhan De Ig no rinaha.

MATIUS 24:2

Noni buhup “Jicap ser mun dima yok hagom bou jiyai him mem nijam dini. Ma jiyok ngon kep bipia ei nidipti bu lene tungwatu nya minggek hagom ba, tig di jo-jo yam dip mijo nijoti bu bi.”

KISAH 17:24

Allah di pai tes dihyeisi dini bitut mun di joti nya hagom ne Tuhan mem mpia-bbed him kin dihyeisi dini ri. Noni bong ser ig kwar di tungwatu ibon bou inda him bi.