YESAYA 61:9 - ALLAH NIHYET MEM TUNGWATU NYA

⁹ Jide nintun him yamti di bram yam nya inyeng jeisi tibim bidem minu lene ei ngkiai di ikieng kep minu nisurti-nipekti ikieti cem. Dibindei ba, ide ningon nggei-hi-nggeisi mijo nibreisi mem yo di ingat yok bou igyai him yahagom.”

YESAYA 61:9 ပူးပေါင်းရင်းမြစ်များ

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 30:27

Lene Laban buhup “Dipai bina bipia diko bidinggok tut ba, tuhan njei mun di kei bak dani tug hon nani.

MAZMUR 115:14

Ma tuhan bindei ba, jeni kin jide nintun him yamti di bram yam nya idigek kep mpia!

YESAYA 43:5

Ma jittin tut au lewo midinyohou je! Midibuwak jide nintun him yamti di bram yam nya kwei leu nite bei mpia nipriti kin nicutti.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 53:10

tuhan pai ditde awak yai ninghuisi wei bit leu dingon kanti leu binhyepo nimaisi midem kep nok midut nibikos ser sisarti. Gima rino noni mingat nide nintun him yamti di bram yam nya bou niyai him lewo nide njap jei bibor. tuhan ningon kanti mipek kep tug hon noni.

YESAYA 65:23

Ide midyai nya hagom mingat ningat di kei. Mun di buhun bibor mibindei mai imunggwom bat nya bi sren. Midinjei mun di kei bak Ditde limwa nya kin ide nintun him yamti di bram yam nya bijo ninno bijo kikau.

YESAYA 66:22

Jide nintun him di bram yam nya kin jide keret ninyeng mijo bingkiem-kiau kikau noyam kin mpia-bbed him di nijep kin dihyei di nijep di jo ngkiem-kiau tug hon Ditde nisindemti.

YEREMIA 31:7

tuhan pai “Ma jiba doia bikiek Ditde limwa mben Israel lewo inyeng jei bibor njiriek ngkiai nya yahagom. Ma jiba doia binggei sut tuhan bijitri tut bipia Noni teu Nide limwa nindigsi nya bingwes ngun tu.

ZAKHARIA 8:13

Je di timiei minu Yehuda kin minu ndig Yerusalem e! Nipou pini jug tirigi ngkiai nya isigion yam ne isimbot dat ‘Nnaba mun di buhun di cut igkep minu Yehuda kin Israel nya cut igkep nani cem!’ Noro miditeu je bijingwes ngun apino ngkiai dima yok isimbot dat biyam ‘Nnaba mun di kei di juk kwei mem minu Yehuda kin Israel nya juk kwei mem nani cem!’ Gima rino ma jibrim jingkek ba, jittin tut au!”

MALEAKHI 3:12

Leu api ngkiai nya yahagom mitri tut biyam bipia jingon llei bibor lewo jide minu dima bon mpia di kei bibor kei mem tungwatu nya di ingot ide ig eisi.”

MBEN ISRAEL IMBUT-MBUT NYEN 22:12

Lene Allah pai bak Bileam “Ma abit yo dima ba, ambriom mben Israel au lewo dijoi sut yok.”

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”