YESAYA 61:7 - ALLAH NIHYET MEM TUNGWATU NYA

⁷ Nijam ninim kep jeti kin ningwes pri gau jeti ngwig hon nohonti tu. Mijibong kei jigwam kei ei jide minu ba, jiba jekep ndigban kin mitiei mbican bram yam cem. Mijiyai nillei bijo ninno bijo kikau.

YESAYA 61:7 ပူးပေါင်းရင်းမြစ်များ

AYUB 42:10

Niabiati Ayub ngat nadi tindei nisut bat ibou ningai pima tu lene tuhan bindei ba, Ayub nyeng tut ndigban hanyen bu. Noni yai ndigban nok gi nipou pima mbican bram yam bak Ayub.

ZAKHARIA 9:12

Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

YESAYA 40:2

Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

NIBOU NDIG NYA GI NICAN 2:9

Yuug krau su lene Elia hig ser Elisa “Ma ahara da tut mun nyeng hi bit leu angon kanti nipou tirigi tuhan kon da bidipror leu na bigyo!” Lene Elisa buhup “Asindui sut ba, diba dakep ade nisindemti ndrim hi leu binhyepo diya luei ahoti bu.”

YESAYA 51:11

Apino yo di tuhan kwek yok tu nya miba nimbos-hi-mbos bingkwei hanyen ba, icoi ug ei minu ndig Yerusalem. Yiimaisi cem piga kei drek dip ide ningon nggei-hi-nggeisi di ug hon nohonti bi sren. Yoni ingon nggei-hi-nggei ba, igyai nillei cem lewo ide ningon nggukti kin ninso-nso nyenti pror hak leu yok tu.

KORINTUS GI NICAN 4:17

Mun di buhun tak nye di jo kikau di bon ninyeng bi dini bie tut nye ug ei ningon llei sutti di mindur di jo kikau. Gino ibinai hacem kin yam ne ningon llei sutti dima nindig bibor dor njiriek mun di buhun tak nye.

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

NINDAT KEP TUHAN NICUKTI NYA 21:17

Mbro nok gino noni ne nicig nitnem ningon him ngi-ngat pima nipmot rin bi lo, suar nicig njei ndigban di nyeng tut nya mbican bram yam bak nipmot mighumbou dima. Suar nicig ndo nipmot mighumbou brei bak tungwatu nya lewo munggwom mighumbou dima dem mem gima ba nokep ndigban di nicig nyeng tut bit leu nok jide nikos tutti pai ei su.”

MAZMUR 126:5

Asindui sut ba, yo di iba igyai nggwei kibor bindim njita ngan ei miaisi pima iba nimbos-hi-mbosti bipuk njita ningat di kei hanyen kwei.

YESAYA 54:4

Ma attin tut au. Hiter minim kep na ba, ningwes moom kep na bu bi. Angon miprion ser nijam di anok sop wak cam di nibou buwei kin nijam di apijet hon di angwes sigon.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 65:13

Gima rino dipai bije bipia yo di ikuk yok biDa migyem njita noro jimai jinggum. Yoni midut ndia ngei noro jimai jinggobiau. Yoni migyai nillei noro jigwam nimmaiti.

ZAKHARIA 8:12

Yoni miba ingon di jo nyahan bigimahap ningan ei miaisi. Ide ba anggur nya mingat ningat ba, ningat di kei mintun dihyei njek dip mem yok. Dibindei ba, biget but bibor mem yok. Midinjei mun di kei dima yok hagom bak Ditde limwa di ingwes ngun nya.

YESAYA 60:15

Midikes na hanyen bihigom bi dingon misibui sut na bi disindui sut na ba, anok mpia nintiti bu bi. Noro midibindei ba, ade nikei-kau-keisi jo ninno ba, tungwatu nya igyai nillei tut na bijo kikau.

ZEFANYA 3:19

Tto bou mem gima dibindei timek jide siceu nya di ico kep je dideu su. Miditeu yo di imig lit nya bidibuwak yo di isima ei ingkiaisi nya hanyen kwei. Dibindei ba, inyeng di jei luei inyeng di kinei. Tungwatu nya bidem dihyei nisurti-nipekti mikon inyeng binggei sut yok cem.