YESAYA 61:2 - ALLAH NIHYET MEM TUNGWATU NYA

² Noni cuk da kwei leu binhyepo dimbot kep tut tto bou mem tuhan teu Nide limwa nya ba, biwin kep yo di ingon ngguk bibor nya ingonti lene birop hanyen bak ide siceu nya cem dima dem tu.

YESAYA 61:2 ပူးပေါင်းရင်းမြစ်များ

YESAYA 1:24

Gima rino tuhan di nok mben Israel ide Allah Di Sindem Bibor pai biyok “Je di jinok siceu ndam Da e, midibirop hanyen bije leu binhyepo bit bon jibindin-ndin nyen Da bu kan bi.

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YESAYA 2:12

Njap dima ne tuhan Di Sindem Bibor mico kep yo di ikon yonti yahagom bikes hukum ei yo di inggei sut yonti kin yo di ingon jei nya yahagom dip.

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 34:2

tuhan gga ngkiai nya yahagom bitut ide nimpung tentara nya cem. Noni mikes hukum ei yok dip ba, bindei sar yahagom.

YESAYA 34:8

Gima mipek kep mem yok ei njap di tuhan kon pran gau Sion bibuhup Nide siceu ide nibon munti nya hanyen biyok.

YESAYA 35:4

Ma jipai bak yo di ingon ttin nya “Ma jiwin jenti jingonti lene ma jittin-ttin nyen au. Allah mikwei kes hukum ei jide siceu nya dip ba, teu je bijingwes ngun.”

YESAYA 40:1

Ide Allah pai “Ma jiwin ingonti ba, jiwin Ditde limwa nya ingonti!

YESAYA 49:8

tuhan pai bak Nide limwa nya “Mpe dino nicunti dem mem gima diteu je bijingwes ngun lene midingondut je bidimpu je lewo jahara Da tu. Midiya srak ko hagau je bidiya ser je cem. Midipreu ei mem tungwatu dihyeisi dini hagom tug hon je. Midipindi jide ig kum kroisi leu binhyepo jiba jekep minu dima bijibong kei jigwam kei eisi hanyen.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 57:18

Dingat igyai munti nya tu noro midibindei ba, ikei hanyen. Midikrau inda bidicen yok cem. Dibimpu yok bidigwam ser yo di ingon ngguk nya ingon cem.

YESAYA 58:5

Tirigi jiyem njita bi mem nituti poi lene jihwen bit jenti bijindun bou dem kep nok minta di nimeng hun ba, jidis sinsun kron bijigimahap atriem eisi bijibong dip. Jikan bipia niyem njita bi mem nituti poi dima ne nijit rin e? Jikan bipia dijoi sut jiyai munti dima e?

YESAYA 60:10

tuhan pai bak minu ndig Yerusalem “Ngkiai nya miwin ngug tig di bikrop ttai jide minu ndig bikinding ba, kei hanyen. Nibou ndig ngkiai nya mikuk yok binok awak mem na. Nipou ne dikes hukum ei na dip drek dip dingon di sibui sut na nindig bibor. Noro tini bu ne dijoi sut nani bidingondut nani bu.

YESAYA 66:14

Tirigi mun dima pek kep mem jeni ne mijingon nggei-hi-nggei ba, jinghuisi sindem cem kwes cem ba, jidem kep minta di nimeng ngun-ngau kei. Leu api Ditde nisindemti mimpung ei Ditde awak nyati noro Ditde siceu nya mitug ndei Ditde nigga yoti.”

YEREMIA 31:13

Mpe dima lene sop gwam nitta pilei nya miba ingon di llei bibor bipri-pri nyen ba, pinai pilei nya kin andigpoi nya ingon nggei-hi-nggei. Midipai-hi-pai yokti lene midiba ningon di kei bibor biluei ide ningon di ngguk biborti ba, midiba ningon nggei-hi-nggeisi biluei ide ningon buhun.

YEREMIA 46:10

Noro da di Yeremia dipai bipia njap di ammani ne tuhan Di Ninyeng Jei ba, Sindem Bibor cem Nide njap ngon bou ri. Noni buhup bak Nide siceu nya yahagom mem njap di ammani. Nide singau simeda miyem yok lene midut inggrom cem bindei. tuhan Di Sindem Bibor bui Nide mun di bibon midut nya ei nite bei mpia nijjai dideu Igmem Ndig Efrat mem njap di ammani.

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

MATIUS 5:4

Bikwop yo di ingon ngguk bibor nya ingon nggei-hi-nggei lewo Allah migwam ser ingona!

LUKAS 4:19

dimbot kep tut tto bou tirigi Allah miteu Nide limwa nya biyai niyaijo nijep biyok.”

LUKAS 6:21

Bikwop yo di inggum mem nijam dini ingon nggei-hi-nggei lewo jei bi ne inghop mimpung tut njita! Bikwop yo di ipim mem nijam dini ingon nggei-hi-nggei lewo jei bi ne igyai nillei!

KORINTUS GI NICAN 6:2

Bit leu nok ipas ei Allah nihyetti Allah pai, “Tirigi tto bou dem mem dingondut je ne dimiap jihyet. Tirigi njap niteu je leu sisar biyai niyaijo nijep bijeti dem ne dimpu je.” Jimiap e, nogindini bon nituti di kei mem Allah ngondut je. Njap di ammani ne njap di kei mem Allah teu je leu sisar biyai niyaijo nijep bije ri!

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!