YESAYA 6:2 - ALLAH NIHYET MEM TUNGWATU NYA

² tuhan De nipai testi di ibon inyehei muhwindagom bibikwop yok ba, inok hum njeng di sror igya bikrop ttai Noni. Iba inyehei can binggai kep iimaisi lene iba inyehei can bu binggai kep ingut lene iba inyehei can bu bimba-mba nyen.

YESAYA 6:2 ပူးပေါင်းရင်းမြစ်များ

NINGAT-HI-NGAT NYA 4:8

Mindhe ningut bitai dima ibon inyehei nya muhwindagom bikwop yok ba, igyai njep mang bibor ntun him bei inyehei nya kin ingkek dip cem. Ipai doia bikwop mmun-njap ba, ikes ighyet tut bi sren. Doia di ipai dima “Allah di Sindem Bibor kwes-kwau o kwes-kwau o kwes-kwau o! Noni ningat rin ammani kin annani lene mikwei hanyen yo cem!”

YEHEZKIEL 1:11

Yahagom ikieng inyehei can bibikwop nok ba, niyenti nya pek yam ba, ikrop inyehei can kin bu bibinggai ingut.

MAZMUR 104:4

Asok ahyet ei hou dip noyam kin asok ahyet ei no di tri tut angon kanti dip. Abindei ba, kigyei ninjeng srei dem kep nok Ade awak nya.

MAZMUR 103:20

Je di malaikati di jisindem di jibit nicukti nya ba, jingig jitingou mem nihyet cem e, ma jinggei sut Noni.

YESAYA 6:6

Mpe dima lene mun di Allah pai tes di bon ninyehei pima ningut gom mba tut hum mbom gom di noni ba koi biket leu nimbar hum dok kwei ndam da.

MAZMUR 18:10

Noni bindei kki mpia-bbed him leu api juk kwei bico bumbuhui di dindi-kai dip.

NIBOU NDIG NYA GI NIGOM 6:24

Kerub ningat gom bon ninyehei gom di nijeisi meter can biniken poi mien lene ninyehei ei nite hi bu nok gima cem. Ninyanti leu ninyehei yenti gom kikau niyenti gom bu meter bitai biniken.

NINGAT-HI-NGAT NYA 14:6

Leu api dingat lo, malaikati gom kin bu di mba anai mpia-bbed him bikwei sut nihyet di bit bon pror hanyen kan bi. Noni tri tut nihyet dima bak tungwatu dihyeisi bikwop mben nya kin keret nya kin nihyet nya kin minu nya hagom.

NINGAT-HI-NGAT NYA 8:13

Leu api dingat lo, hacam krubri hi ko-ko nyen anai bibor ei mpia-bbed him bidimiap noni ba nihyet nindig bibor bahara “Ayo! Ayo! Notou mem tungwatu dihyeisi dini tirigi ariman malaikati ibou ningai bu imiep ide pun mbrei nya i?”

NINGAT-HI-NGAT NYA 7:11

Leu api malaikati nya yahagom igya bikrop ttai banggo mbrei kin nibou nya kin mindhe nya ningut bitai leu api iba ingwak bikik mpia ei banggo mbrei nuhui binggei sut Allah,

DANIEL 7:10

Hum dwim kwei leu banggo mbrei dima noyam kin minyei di biam kwei leu minyei bousi. Nide awak nya ibou sribu-ribu kin tungwatu nindigsi di imangti ibou juta-juta igya ei nimig him. Tto bou dem mem nikei mbus tungwatu nya ingonti leu api noni mbrek leu srat nya.

YEHEZKIEL 10:21

Bikwop kerub dima yok gom-gom bon niimaisi bitai ba, bon ninyehei bitai cem. Mun di dem kep tungwatu nda ntun inyehei behei nya.

YEHEZKIEL 1:24

Tirigi imba-mba nyen lene inyehei titem. Dimiap lo, nibimbiti noyam kin muk di tti nindig bibor kin tentara nindig bibor di imbut binok Allah Di Sindem Bibor nihyet cem. Tirigi idwop juk bigya ei dihyeisi lene ikrop inyehei.

YEHEZKIEL 1:9

Yahagom ikieng inyehei lene inyehei niyenti nya pek yam sindam ba, nghau bipek yam. Tirigi imbut ne inyehei niyenti nya pek yam kikau ba, imbutti cem ikiek yok bi noro imbut sren hak.

YEHEZKIEL 1:6

Bikwop kerub dima yahagom ibon iimaisi bitai kin inyehei bitai.

AYUB 15:15

Mei! Allah ba ningon com malaikati nya bi. Yoni ingon kwes ei Allah niyai him cem bi.

AYUB 1:6

Bitto bou dem mem mun di tuhan pai tes nya ei gwamti induk yam kwei bigya ei Noho bei. Lene Bilis cem ningat rima ei ikieti.

NIBOU NDIG NYA GI NIGOM 22:19

Lene Mikha binut bu bipai “Ma angig atingou mem Allah nihyet! Dingat Allah tirigi Noni gwam Nide banggo mbrei dip ei gwamti lene Nide malaikati nya yahagom igya kui Noni.

NIBOU NDIG NYA GI NIGOM 8:7

Kerub dima ninyehei jo nai gau brua dima bitut ug di ibittei nya di jo nitta cem.

NIBOU NDIG NYA GI NIGOM 6:27

Itas Kerub dini simiak yam ei Ninsi Di Kwes-Kwau ba, isu inyehei nite hi bipek yam ei ninsi dima ninggimau lene isu inyehei nite hi bu kikau ug bipek dring nya.

NEHEI LEUSI 37:9

Lene noni kiek kerub dima hacem noho birok yam ba, ikieng inyehei gau brua nibenga.

NEHEI LEUSI 25:20

Ma akiek kerub nya hacem ba, abirok kik yam ba, ikieng inyehei gau brua nibenga.

MAZMUR 89:7

tuhan e, hiter noyam kin Nani ei mpia-bbed him bi. Ade awak di apai tes nya ei gwamti hi dem kep nok Nani bi.

AYUB 4:18

Ningat ne Allah ba ningon com Nide awak ei gwamti nya bi. Noni ngat lo, Nide malaikati nya cem ibon mun tunggwei.

NIBOU NDIG NYA GI NIGOM 19:13

Tirigi Elia miap nihyet dima lene ba nide ban binggai kep niimaisi. Lene noni hei ug ei nisai biya hammi dihyei nyem dima nuhui. Lene nihyet gom hig ser noni “Akwei nggon ei sirini i?”

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NITRITI 17:3

Lene Abram kuk no biba ningwak bikik dihyei leu api Allah pai binoni,

IBRANI 1:7

Allah pai sut malaikati nya “Allah bibon Nide malaikati nya binok hou. Noni bibon Nide awak nya ba, inok hum njeng di sror.”

LUKAS 1:10

bibon midut nindig biei nggrai di ui-gwang kei pima lene tungwatu nya imang bibor igya nisai ba, ingat nadi.

ZAKHARIA 3:4

Gima rino malaikati dima pai bak yo di igya kui no ei gwamti “Jicom sinsun di rom-rau di no dini juk leu no.” Ba, pai bak Yosua “Dicom ade sisar leu na tu. Midiyai sinsun di nijep-jau bina.”

DANIEL 9:21

Nipou tirigi dikes dihyet bigyo rino malaikati Gabriel di dingat bou diyai him tug hon ningat-hi-ngat pima dwop juk kwei biya simiak da. Noni kwei krau tirigi jam dem mem mben Israel ibon midut ei nimbar hum dokti mem mmunti.

YEHEZKIEL 10:16

Gino kerub dima yok imbut nyen lene kroba nimig ninghau dima yok cem mbut nyen simin yok. Gino kerub dima yok ikon inyehei mem gima ipri bimba leu dihyei njek dip lene kroba nimig ninghau dima yok cem kui leu dihyei ninjek dip.

YEHEZKIEL 1:4

Dikon dibou bidingat lo, hou di nimig ten bibor cut kwei leu nite bei mpia nijjai. Kigyei ninjeng cem srei ei bumbuhui ttou nindig gom bipiga digai mpia-bbed him di gahai nya hagom. Ba, mun di iba ngkimom-tembaga bibon di sieng kei jo hammi kigyei dima nibousi.

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.