YESAYA 57:5 - ALLAH NIHYET MEM TUNGWATU NYA

⁵ Jikuk je bak kwar nibindei nnum njita kioi nya lene jibisindui sut jenti ba, jicut tut yam ei biei pigig behei kin biei ndig di nimeng nggrou nibehei nya. Jiba jimunggwom bat nya bibon midut nindig yok ei nimbar hum dokti ei tig nggreti ei minyei mbangti nya.

YESAYA 57:5 ပူးပေါင်းရင်းမြစ်များ

YEHEZKIEL 16:20

Leu api abui amunggwom bat pinai nya kin sop nya ba, andig yok ei nimbar hum dokti leu api abikuk na bak kwar nya. Ade ningon gom tut da bisi dima dem mem nani bi e?

YESAYA 1:29

Yoni mimmai sut yonti tut gi ikuk yok bak biei ndig nya bipigig sut ide miai nittou nsi nya hi ei mem kwar nya cem.

YEREMIA 7:31

Ba, ibon nimbar hum dok Tofet ei Mbang Briep Hinom leu binhyepo indig imunggwom bat nya tut igyai noha kep hum eisi. Dicuk yok tut nibon munti dima bi ba, ningon kanti dima jo dibou ngwakti cem bi sren.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

NIBOU NDIG NYA GI NICAN 23:10

Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.

NINGAT-HI-NGAT NYA 18:3

Lewo minu nya hagom idut kep nide ba anggur ngei di ndo tut nide sisar nicut tut yamti. Nibou ndig dihyeisi dini nya icut tut noni ba, nitri-nipek mun cig di inyeng bibor tug hon nide niba noho rok sisarti di bit bon om kep kan bi.”

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

YEHEZKIEL 20:26

Disindui sut ba, ibindei bimap kui yokti tug hon ide midut di indig ei nimbar hum dokti nya. Ba, ibui ide munggwom pinai mighumbou nya bindig yok ei nimbar hum dokti bak ide kwar di ikuk yok bak nya. Dikes hukum ei yok dip tug hon nisinati dima leu binhyepo ikan tut bipia Ide tuhan riDani.

YEHEZKIEL 6:13

Nimai ngut nya mijo sinsiou ei kwar di tungwatu nya ikuk yok bak nya ikieti cem ttai nimbar hum dok nya cem ba, imai sinsiou ei mbigdip di jo anai nya cem ei nungug dip gom-gom cem ei biei di nimeng nggrou gom-gom nibehei cem ei biei ndig behei cem bidem mpia di ibon midut ei nimbar hum dokti bak ide kwar di ikuk yok bak eisi nya hagom. Leu api tungwatu nya yahagom mikan tut bipia Dani ne tuhan ri.

YEREMIA 51:7

Nipou ne minu Babel dem kep mok mas di dikrau ei dindati di bindei ba, mben dihyeisi dini hagom ibou ngwak sibui sut. Ngkiai nya yahagom idut ba anggur ngei eisi apino bindei di yahagom intin kiek a.

YEREMIA 50:38

Ma jibindei pingge nide minyei pmem nya kin ngoi dumti nya hagom! Lewo minu Babel mpung tut kwar di bindei ba, nide limwa nya igyai ttin ningat ba, mirei bon yok tut cem.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEREMIA 17:2

Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

YEREMIA 3:6

Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

NIBOU NDIG NYA GI NICAN 17:10

Lene itas kwar nisop Asyera bitut nidihim ngot di ya sren ei bikwop mbigdip nya kin biei di nimeng nggrou nibehei nya cem.

NIBOU NDIG NYA GI NIGOM 14:23

Iwin mpia ttou nsi di mem ikuk yok bak kwar nya eisi ba, iba tig di jei biwin dihim di itas pijum nya di mem ide kwar sop Asyera cem itas kwar nisop dima ei mbigdip nya kin biei di nimeng nggrou nibehei nya cem bikuk yok bak eisi.

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.

MBEN ISRAEL IMBUT-MBUT NYEN 25:6

Mpe di gom tirigi Musa kin limwa mben Israel yahagom ipim ba, ibikiek-kiek nyen kui dimbou ei tuhan De Prang Meng nuhui lene ingat lo, limwa mben Israel gom buwak sop Midian gom ug ei nide prak meng nsi.

NEHEI LEUSI 32:6

Njap di hyep lene mben Israel ijem ide mindhe-ndhe ningut poi kwei ba, indig bihi kep hum lene ibam bihi di bindo bipia ingon kwes kin Allah ei nimbar hum dokti. Lene yahagom ikuk yok bigyem njita ba, idut mun di pu yok bindei yok leu api ikiju kui bigya ba, igyai nillei cem.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

NIBOU NDIG NYA GI NICAN 17:7

Minu ndig Samaria cut drek dip gi mben Israel ibon sisar tut ide tuhan Allah di teu yok bingwes ngun leu nibou ndig mem mben Mesir ninda nsi bibuwak yok ba, yehei leu minu dima. Mben Israel ikuk yok bak nung nya cem ba,