YESAYA 57:16 - ALLAH NIHYET MEM TUNGWATU NYA

¹⁶ Midiyai niyaijo nijep bak Ditde limwa nya. Midinjei kep yok dem kep nok yo di itunggwei nya bidigga yok bijo ninno bijo kikau bi. Diyai nok gima leu binhyepo ingon dahat bi.

YESAYA 57:16 ပူးပေါင်းရင်းမြစ်များ

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MAZMUR 85:5

Noro tini bu ne ma angkwei nye ei nijam dimati hanyen. Ma agga nye bu au lewo Nani ne Allah di teu nye leu sisar ri.

IBRANI 12:9

Ibon icig bat nya di ittem nye leu api ikuk nye bak yoni drek dip. Suar ikuk nye bak Icig ei gwamti nindig bibor dor njiriek bu leu binhyepo igyai niyaijo nijep di jo kikau.

YEREMIA 10:24

tuhan e, ambas nye lo, ma ambas nye bibor biniyai nidut bibor au. Ma akes hukum ei nye dip ei mpe dino agga bibor au. Lewo nyeni nahagom minisar biningwig ug ri.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

YEREMIA 38:16

Lene Nibou Ndig Zedekia preu ei mem da nyahan bipai “Deheng bitug hon Allah Di Niyaijo di bindei ba, nyeni igyaijo ninyeng bipia midiyai nimai bina bi. Midikes na ei yo di igyok ingon gom mem gima igyai nimai bina indati cem bi.”

YESAYA 42:5

tuhan Allah pai tes mpia-bbed him biprion ei anai. Noni pai tes dihyeisi dini kin mun di hei bidem ninjek dip hagom. Noni yai niyaijo kin ninnei bak tungwatu nya yahagom. Nogindini tuhan pai bak Nide awak,

NITRITI 6:3

Gima rino tuhan pai “Misisindui sut ba, tungwatu nya igyaijo ninno bi. Suar ma yoni imai lewo yoni ne tungwatu di igyaijo ninno rin bi. Hon kep ammani kui lene ide njap nimangti ug ei ari bingwam sratus gom ningot can he ug api imai.”

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

NIBA NINGON SRIP HUKTI 12:7

Nye di tungwatu ingut ngkwei hanyen binok dihyei ndung ei dihyei jou bit nimbie him leu api innei ngkwei hanyen ndam Allah di hi ninnei ei insi a.

YEREMIA 3:5

Lene jipai biDa bipia midigga jeni bijo kikau bi. Je di mben Israel jipai nok gima noro no jibon kep mun di kinei bibor nyeng hagom yo.”

YEHEZKIEL 18:4

Dinyeng tak kep bikwop tungwatu dihyeisi dini hagom igyaijoti bitut andigpoi nya kin imunggwom bat nya cem yahagom. No di bon sisar ne nongkom mitug ndei nimai drek dip.

AMOS 1:11

tuhan pai “Timiei minu Edom ibon sisar ninyen. Ide sisar dima bindei ba, dikes hukum ei yok dip. Lewo ingondut ide bat mben Israel bi noro iba ingon di sibui birop biyok tug hon pran di ikon bit yok kikau.

SAMUEL GI NICAN 24:16

Tirigi tuhan de malaikati di bindei nsuwer ajar hwen yo dima kwei krau Arauna di timiei minu ndig Yebus de ig gudan di illet gandum ninjep leu nisina bai kikep eisi ei minu ndig Yerusalem lene tuhan ngat lo, malaikati dima tin ei mem gima bindei sar timiei minu ndig dima cem ri. Lene Noni luei ningonti tut nikos tutti ba, kes ninda tut gi ba nsuwer ajar bihwen yo dima bipai bak malaikati dima “Dem tu! Akes hon hak ug!”

AYUB 12:10

Noni rino nyohou dimig mun di pek kep mem Nide mun di pai tes nya yahagom. Ninyeng tak kep bikwop tungwa gom-gom ninnei cem tu.

YESAYA 27:8

tuhan kes hukum ei Nide limwa nya dip tug hon gi com yok ug ei ingkiaisi. Noni ba hou sibut di cut kwei leu mpia nipriti bijji yoni.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 64:8

Noro tuhan e, Nani ne nyeni nicig ri. Ninok igtuyap di aop bou anda him ba, apai tes nye.