YESAYA 56:3 - ALLAH NIHYET MEM TUNGWATU NYA

³ Suar ma ngkiai di ibicom yam bit Ditde limwa nya mipai “tuhan ce tut gima dikuk da biNoni bit Nide limwa nya bi au.” Suar ma no di ikwai nimmai joti leu su mikan “Dem mem gima dibicom yam bit nimpung tuhan de limwa nya bi lewo bit bon diyai munggwom di intun da him kan bi au.”

YESAYA 56:3 ပူးပေါင်းရင်းမြစ်များ

KORINTUS GI NIGOM 6:17

Noro tungwa tou rino nggre kin Kristus ne Kristus Ninnei kin noni ninnei yahacem inok gom.

EFESUS 2:22

Kristus ba jeni kin nindigsi di inok gom kin Noni jahagom bingot ig ningat gom mem Allah di ba Ninnei bibong ser.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

KISAH 17:4

Leu api tungwatu nya ibou poi bitut mben Yunani imang ndig di ikuk yok bak Allah kin sop di inyeng jei nya imang bibor cem yahagom ingon jo kep Yesus leu api itti kin Paulus kin Silas.

KISAH 10:34

Lene Petrus pai biyok “Nogindini dikan tut mungkun bipia Allah mbus nggok tungwatu nya bi.

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.

YEREMIA 50:5

Yoni ihig ser puig di ug ei Sion leu api imbut hallu ndam minu ndig dima. Mpe dima lene ibon gi preu di jo ninghig-niker bit Da bikrau kep gi preu dima bijo ninno bijo kikau.

YESAYA 56:5

lene Ditde limwa nya migyok ngon kep jinyeng ei Ditde Ig cem ei ikieti cem ba, gima kei dor njiriek niyai munggwom pinai nya kin munggwom sop nya. Midibindei ba, jinyeng jo kikau. Ditde limwa nya mibbwe ser je bi sren.”

YESAYA 39:7

Yoni mikat yo di intun nani him bu nya ba, yuuyai yok nok awak ei nibou ndig Babel de ig leu api yoni igyai midyai mem noni.”

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

MBEN ISRAEL IMBUT-MBUT NYEN 18:7

Noro nani kin apmot bat nya he rima jiyai jibou tut imam de midyai ba, gima ne midyai nyeng hagom di bitut nimbar hum dok kin ndigban ei Ninsi Di Kwes-Kwau cem ri. Gima ne ade midyai di ayai abou tut nya rin lewo dita nani leu binhyepo ayai anyeng imam. Ma asindui sut ba, yo di idem mem igyai midyai dima bi nya idideu ndigban di kwes-kwau dima yok au. Leu gi nok lene midikes hukum nimai ei yok dip.”

MBEN ISRAEL IMBUT-MBUT NYEN 18:4

Suar igyai ibou tut midyai di inyeng joti nya ei Ditde Prak Meng nsi ba, yahati tut nani. Noro ma asindui sut ba, yo di idem mem gima igyai midyai dima bi nya igyai midyai bit nani au.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.

KISAH 18:7

Lene noni kes yok ei buug ei ig di jo simiak mben Yahudi ide ig mbusyamei. Ig dima ne Titus-Yustus nide ba, noni ne ngkiai di kuk no bak Allah ri.

EFESUS 2:12

Mpe dima lene jinok gom kin Kristus bi. Jeni ne ngkiai nya di inggre kin Allah de limwa nya bi ri. Jipriet kin gi preu di Allah ba neheng bipreu ei mem Nide limwa nya cem bi. Leu gi po jiyaijo ei dihyeisi dini lo, jingon cut leu mun di jiyok jingon mem bijiba jingon srip huk tut Allah bi.

IMAM NYA IDE MIDYAI 21:20

kin no di ninghim koi kin no di kiot kin no di niyai mmui kin no di ninggwenti hwen ningkek dip kin no di nitig kinei a.

NIBOHON MBEN ISRAEL GI NICAN 6:32

Tirigino ngkiai gom di bong minu ting bibor miap tut anyeng di jei kin mindur nya di abon mem Ade limwa nya leu api kwei kuk no biNa ei Ade Ig dini,

YESAYA 56:6

tuhan pai bak ngkiai nya di icoi bit tuhan de limwa nya imangti kin yo di ingon ngakei tuhan kin yo di ikuk yok biNoni kin yo di ikrau kep Njap Nigwam Kep Ninghuisi kin yo di iba ingon gom bikrau kep Nide gi preu ei mem yokti cem,

IMAM NYA IDE MIDYAI 25:45

Nok gima cem disindui sut jiba mitiei biwim ngkiai nya di ibong timiei ei jikieti imunggwom bat nya. tuhan sindui sut ba, jima imunggwom bat nya di isrek ei jikieti dima bou je hak ug.

NINDAT KEP TUHAN NICUKTI NYA 23:9

“Gino jibong ser jide prak meng yati mem nijam di jikon pran lene suar joom je leu mun nyeng hi di bindei ba, map kui jeti.

ESTER 9:27

bindei ba, ibon nicukti gom mem yonti njem kin ide nintun him yamti di bram yam nya kin yo di icoi bit yok nok limwa mben Yahudi nya cem yahagom. Suar ibon midut nibiyok ngon kep njap cin di Mordekhai kos tut ei dima bikwop ari bingwam hagom bit leu nicukti dima nitibimti.