YESAYA 54:4 - ALLAH NIHYET MEM TUNGWATU NYA

⁴ Ma attin tut au. Hiter minim kep na ba, ningwes moom kep na bu bi. Angon miprion ser nijam di anok sop wak cam di nibou buwei kin nijam di apijet hon di angwes sigon.

YESAYA 54:4 ပူးပေါင်းရင်းမြစ်များ

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

PETRUS GI NIGOM 2:6

Bit leu nok gi ipas ei Allah nihyetti “Didimig tig mma di bon ninyeng bidiprion tig nipmem dima ei ig nuhuisi ei Sion. Tungwa tou rino ba ningon com Noni ningon pus tut bi.”

YEREMIA 31:19

Niba ninghim bak Nani noro jei bi ne nittin ser sisar dima. Niabiati akes hukum ei nyeni dip leu su lene nindun bou lewo ningon buhun bibor. Nimmai sut nyenti ba, nisuwok cem drek dip sisar di nibon ei nipilei.’

YESAYA 61:7

Nijam ninim kep jeti kin ningwes pri gau jeti ngwig hon nohonti tu. Mijibong kei jigwam kei ei jide minu ba, jiba jekep ndigban kin mitiei mbican bram yam cem. Mijiyai nillei bijo ninno bijo kikau.

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YEHEZKIEL 16:43

Dikes hukum ei na dip lewo agiyok ngon kep mpe di po apilei yo po dingondut na pima bi. Abindei ba, digga na tut ade nibon munti di kinei bibor nya. Nggon rino akum ei ade nibon munti nya di bindei di igyai ttin ningat dima yok bu tug hon ade niyem njita tut hiter nijjep i? Da di tuhan Di Dinyeng Jei Bibor disimbot dat tu.”

YEHEZKIEL 16:22

Tirigi ayai bram sop sundal niyai munti di bindei di igyai ttin lene agikan kep tirigi po amien yo po ajou hangwang cem atoi anggrom di ut-ut nyen ei pima poi mien cem bi e?”

YESAYA 4:1

Mpe dima lene sop ibou muhwindacan mindun pinai gom ninda him bipai bak “Ma asindui sut ba, nijem na nok nyeni nijjep leu binhyepo nigwam nimmaiti drek dip gi niwak nijjep hi bigyo bi. Noro njita kin sinsun nibok ne gima tug hon nyenti.”

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

YESAYA 29:22

Gima rino nogindini tuhan Allah Israel di teu Abraham biningwes ngun pai “Ditde mben e, hi dima mipai je kinei ba, nimmai mibindei jiimaisi hai bu bi.

YESAYA 50:7

Mbro nok gino ighyet wer mpiahi tut da lo, midimmai sut danti bi lewo tuhan Allah mpu da. Midibindei ba, dingon nddong lewo dikan tut bipia ighyet ngwig kep da,

YESAYA 54:14

Midiwin ade minu ei tig nikiou di ninyeng rino ningon sren-srausi dip ba, mun di cut igkep je kin yo di ico kep je mibong ei minu ting bibor.

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

YEHEZKIEL 36:15

Dihyei dini mimiap kep ngkiai nya di iba ighyet bicig yok ba, inghim koi sut tungwatu ighyet di kinei sut yok bu bi. Dihyei dini misiber mben di ibong niti nya inggrom bu bi. Da di tuhan Di Dinyeng Jei Bibor disimbot dat tu.”

YOEL 2:21

Beisi nya e, ma jittin tut au. Noro ma jiyai nillei tug hon mun di kei bibor di tuhan bibon mem je.

ZEFANYA 3:11

Ditde limwa jen e, dem tut gima jingkek kan nimmai ei njap dima drek dip gi jikiek jimig jou tut da bi. Midijji bikwop ngkiai nya di illei-lau kin yo di ingon jei nya bingwig ug. Noro tut jeni ne mijaham jimbuk kep Da ei Ditde nungug di kwes bu bi.

ZAKHARIA 10:6

“Midiyai nisindemti bak timiei minu Yehuda nya biditeu mben Israel bingwes ngun. Midibuwak yok hanyen kwei ei itimieisi lewo dingondut yok. Midimpu yok tereu nok mben dino dibikep ser yok bi sren nya. Dani ne ide tuhan Allah rin ba, diyok ditingou kep ide nadi hanyen bu.

AYUB 11:16

Mpe dima lene ade ninghuisi wei dini mipren hanyen leu abou ngwakti ba, noyam kin minyei di su bisri hanyen apino tungwatu nya igiyok ngon kep gima bu bi.

YESAYA 65:16

Bikwop timiei minu dima gom-gom dino hara mun di kei mahara Allah di ningon gom mem gima njei mun di kei bak. Bikwop tungwagom-gom di preu ei mem hiter mipreu ei tug hon Allah di ningon gom ninyeng. Lewo mun di buhun di cut igkep yok nipou yo pima pror leu yok ba, ibbwe ser tu.”