YESAYA 53:3 - ALLAH NIHYET MEM TUNGWATU NYA

³ Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

YESAYA 53:3 ပူးပေါင်းရင်းမြစ်များ

MAZMUR 69:29

Ma adip tut inyeng leu Ade daptar di apas kep Ade limwa di igyaijo nya inyeng eisi hak ug. Ma inyeng tibim kin Ade limwa nya inyeng ei Ade daptarti au.

MAZMUR 88:4

Mun di buhun mang bibor cut igkep da bibindei ba, nimai jo ser dimbou hui tu.

YESAYA 49:7

Allah di kwes-kwau di teu mben Israel leu sisar biyai niyaijo nijep biyok pai bak no di ngkiai nya yahagom ico kep di ingon mpo tut cem lene bipai bak no di nibou di yo di isindem nya yuubon nok ide awak cem “Nibou ndig nya mingig igyai kep ayai munti nya leu api yahagom mikiju bigya bikon anyenga. Yo di inyeng jei nya cem mingig igyai kep ayai munti nya leu api mikuk yok ei amig him.” Mun dini yok hagom mipek kep mem yok lewo tuhan dimig Nide awak ei su ba, mben Israel ide Allah di kwes-kwau ningon gom tut mun di Noni preu ei mem yok.

YESAYA 50:6

Dikes dinghim bak yo di ibui da bidikiek dingyoi bak yo di itiba duhui nta. Dikiek doho ter leu yo di inim kep da di itrai sut da bi.

YESAYA 52:14

Nipou ne tungwatu nya imang bibor inga leu mpe dino ingat noni bou igyai him lewo hi bui noni bimos kei ba, niimaisi wer tungwatu bi.

YESAYA 53:10

tuhan pai ditde awak yai ninghuisi wei bit leu dingon kanti leu binhyepo nimaisi midem kep nok midut nibikos ser sisarti. Gima rino noni mingat nide nintun him yamti di bram yam nya bou niyai him lewo nide njap jei bibor. tuhan ningon kanti mipek kep tug hon noni.

YESAYA 53:4

Noro noni tug ndei hukum ninghuisi wei biluei nye ba, tug ndei nidut di suar nyeni ibiang nibuhunti. Nyeni ikan bigya ninghuisi wei dima ne hukum di Allah kes ei noni dip ri.

MIKHA 5:1

tuhan pai “He minu ndig Betlehem Efrata e, anyeng mitibim nok minu mien he ei minu Yehuda bu bi! Noro midita ade timiei gom nok nibou di ninyeng jei mem mben Israel ba, pung di noni ntun him jo habiei nipou su.”

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

MATIUS 26:67

Lene bihi itrai ndei Yesus niimaisi bibui Noni cem lo, hiter di ittem nijap ihig singgre Noni,

MATIUS 27:63

bipai binoni “Andigpoi e, nikan kep bipia tirigi niris mun cig pima niyaisi jo yo ne pai bak tungwatu nya ‘Njap ningai bu ne mporo dikiju hanyen leu dimai eisi.’

MARKUS 10:33

Noni pai “Jimiap e, nogindini ikui ug ei Yerusalem lene tungwatu nya mitri Munggwom Tungwatu Nipmot ei imam nindig nya kin guru Puig Yahudi nicukti nya indati leu api ijem nimai gau Noni bitri Noni hanyen bak ngkiai nya.

MARKUS 10:34

Yo dima miba ighyet bicig Noni cem itrai ndei Noni cem imbas Noni cem ihwen Noni cem. Noro njap ningai bu lene Noni mikiju hanyen leu nimai eisi.”

MARKUS 14:34

Noni pai biyok “Dingon buhun bibor bidikan bipia dimai ug ri. Ma jigwam nyahan ei mpia dini bijiyai ngkiem ser Da.”

MARKUS 15:19

Iba tom bibui nibou bitrai ndei Noni cem leu api ikuk yok ei nimig him ba, iba Noni bikek.

MARKUS 9:12

Yesus buhup “Gima igbit rin lewo Nabi Elia ttau bibie kwei leu binhyepo nyohou dimig mun nyeng hagom bikei hanyen. Noro notou mem Munggwom Tungwatu Nipmot i? Nggon rino Allah nihyet pai sut Munggwom Tungwatu Nipmot bipia miyai ninghuisi wei nindig bibor ba, tungwatu nya mibimangkrei Noni ugwai-gwai i?

LUKAS 16:14

Tirigi Farisi nya imiap Yesus ningginausi lene ipa ndip Noni lewo iba yoho rok mitiei nindig bibor.

LUKAS 19:41

Tirigi Yesus ttau dideu Yerusalem bicap minu ndig dima lene Noni pim biniyai nggwei kibor tut,

LUKAS 8:53

Lene yo dima insrik ser nihyet lewo ikan tut bipia misop dima mai nijit tu.

LUKAS 9:22

Yesus pai bu “Ei nidipti bu lene suar nibou mben Yahudi nya kin imam nindig nya kin guru Puig Yahudi nicukti nya igyai ninghuisi wei bak Munggwom Tungwatu Nipmot bikou sut Noni. Leu api Noni miyai nimai noro njap ningai bu lene Noni mikiju hanyen leu nimai eisi.”

YOHANES 11:35

Lene Yesus cem pim kep Lazarus.

YOHANES 8:48

Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”

NINDAT KEP TUHAN NICUKTI NYA 32:15

tuhan de limwa nya inyeng tut mun nyeng hagom noro inok yo di yaham imbuk igkei kep Noni. Imig ngon nindig ba, inghop mpung tut njita cem noro ikes Allah di pai tes yok ei ba, ikou sut No di teu yok di ingwes ngun.

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.