YESAYA 53:2 - ALLAH NIHYET MEM TUNGWATU NYA

² Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

YESAYA 53:2 ပူးပေါင်းရင်းမြစ်များ

YESAYA 11:1

Nibou Ndig Daud de nintun him yamti di bram yam nya midem kep nok biei di iwim tu. Bit leu nok nibiop ntun ningwam him hanyen ne nibou ndig nijep bu di ntun Daud him mikiju kwei.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

YESAYA 52:14

Nipou ne tungwatu nya imang bibor inga leu mpe dino ingat noni bou igyai him lewo hi bui noni bimos kei ba, niimaisi wer tungwatu bi.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 23:5

tuhan pai “Midita nibou ndig di ningon sren di ntun Daud him mem nijam gi nidipti bu. Noni ba ningon kiti kin ningon sren-srausi kin ningon gomti bininyeng tak kep ei jide minu nisurti-nipekti.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

ZAKHARIA 6:12

Ma abipai binoni bipia Da di tuhan Di Disindem Bibor dipai ‘No di ijem ninyeng Biei Biop mingat ningat ei mpia di ntun him biwin tuhan De Ig hanyen.

MARKUS 6:3

Noni ne tukan biei dino Maria nipmot rin bi e? Nikinjoi bat nya rino Yakobus kin Yoses kin Yudas kin Simon bi e? Nikwohop bat nya yahagom ibong bit nyeni bi e?” Lene ikou sut Noni.

MARKUS 9:12

Yesus buhup “Gima igbit rin lewo Nabi Elia ttau bibie kwei leu binhyepo nyohou dimig mun nyeng hagom bikei hanyen. Noro notou mem Munggwom Tungwatu Nipmot i? Nggon rino Allah nihyet pai sut Munggwom Tungwatu Nipmot bipia miyai ninghuisi wei nindig bibor ba, tungwatu nya mibimangkrei Noni ugwai-gwai i?

LUKAS 2:7

bisrek tut nipmot mighumbou biba ban binggai lene kes nyahan tut ei brua nsi di sapi nya igyem kep njita eisi lewo ig losmen hi bon ningwakti mem yok bi.

LUKAS 9:58

Yesus buhup “Nsien bigbehei nya ibong kikepti nonaha lene ha nya cem ibas nonaha noro Munggwom Tungwatu Nipmot bon nibongti hi bi.”

YOHANES 18:40

Yoni iba ighyet di ten bibuhup “Nice tut bi! Ma akes Noni au! Ma akes Barabas binye!” (Barabas ne no di ham nimbuk kep nibou ndig Roma ri.)

YOHANES 19:5

Gima rino Yesus hei leu ig bei tut cibou nggwen di ibijuk Noni nok topi bittin sinsun ngwoi di ndok di jei cem. Pilatus pai biyok “Jingat i! No pima ri!”

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

PETRUS GI NIGOM 2:14

kin nibou hanjop nya di igya kui nibou ndig. Lewo noni ta yok mem gima ikes hukum ei yo di isibut nya dip bikon yo di ingon sren nya inyenga.