YESAYA 52:9 - ALLAH NIHYET MEM TUNGWATU NYA

⁹ Minu ndig Yerusalem di timek bingwig e, ma ayai nillei lewo tuhan miteu ade limwa nya bingwes ngun leu api gwam ser ingon.

YESAYA 52:9 ပူးပေါင်းရင်းမြစ်များ

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

MAZMUR 98:4

Tungwatu dihyeisi dini hagom e, ma jimbos-hi-mbos mem tuhan bijiba ningon di nggei-hi-nggei bipai doia bijibikon ninyenga.

YESAYA 61:4

Nide limwa nya miwin minu di timek bingwig nya bikinding mpia ttou nsi nya di ha he bong hagom bikei hanyen.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

YESAYA 48:20

Jinang ba, jingwes ngun leu minu Babel hak ug bijitri tut nihyet dini ug ei tirima-tirima lene jiba nimbos-hi-mbos kin ningon nggei-hi-nggeisi bitri tut “Gi tuhan teu Nide awak di Israel ba, ningwes ngun tu!

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.

YESAYA 14:7

Leu api tungwatu dihyeisi dini hagom ingon kwes kin yam ba, ingon jo nyahan. Bikwop tungwagom-gom ba ningon di nggei-hi-nggei bipai doia.

GALATIA 4:27

Bit leu nok gi ipas ei Allah nihyetti, “Na di sop di apijet yo e, ma angon llei bibor ug. Na di sop di anghim dut tut munggwom hi bi e, ma aba angon di kei bibor bimbos ug! Lewo sop di nijjep kes noni ei srek tut nimunggwom bat nya imang bibor dor tunggwei sop di nijjep kes noni ei bi sren.”

YESAYA 49:13

Mpia-bbed him e, ma apai doia! Dihyeisi e, ma ayai nillei! Mbigdip nya e, ma jimbos-hi-mbos! tuhan migwam ser Nide limwa nya ingon ba, Noni ngondut Nide awak di igyai ninghuisi wei nya.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 40:1

Ide Allah pai “Ma jiwin ingonti ba, jiwin Ditde limwa nya ingonti!

YESAYA 43:1

Je di mben Israel e, tuhan di pai tes je pai “Ma jittin au lewo miditeu je bijingwes ngun! Dihig je ba, dibindat tungwagom-gom ninyeng lewo dinyeng tak kep je.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

MIKHA 4:10

Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

MAZMUR 102:22

Leu api Nide limwa nya mitri tut ninyeng bidem minu ndig Sion bikon-kon nyen ninyeng ei minu ndig Yerusalem,

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?