YESAYA 51:6 - ALLAH NIHYET MEM TUNGWATU NYA

⁶ Ma jicap mpia-bbed him bijitou kep dihyeisi. Mpia-bbed him mipror bidem hum mmup di brou lene dihyeisi dini mikinei bidem sinsun timiei. Timiei dihyeisi dini yahagom midem kep amihip di mai. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.

YESAYA 51:6 ပူးပေါင်းရင်းမြစ်များ

MATIUS 24:35

Mpia-bbed him kin dihyeisi dini misar noro Da dihyet misar bi sren.”

YESAYA 34:4

Mpia njap kin bed mmun kin ham mpia-bbed him nya hagom mitimek ningwig a. Mpia-bbed him mikijum bidem srat meng di ikijum pimo. Ham nya micut leu mpia-bbed him bidem kep biei meng nya di llet leu biei ninda-nda nya.

YESAYA 51:8

Yoni misar bipror yon bidem sinsun di cipo kkin lene bidem minghas di iba domba nta bibon di awam kkin. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.”

YESAYA 13:13

Midibindei ba, mpia-bbed him digit ba, dihyeisi dini ugwa-kwei bison leu nijoti mem njap di Da di tuhan Di Dinyeng Jei Bibor dindo Ditde niggati ei nibreisi.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.

YESAYA 40:26

Ma acap ser mpia-bbed him ba, ayok ayai kep! Tou ripai tes ham mpia-bbed him nya i? No di nyohou dimig ham hagom bidem kep nok tentara kan bidem tut nimangti jem inyeng bibikwop hagom! Bit bon ham gom pror kan bi lewo tuhan sindem mem gima nyohou ham nya hagom!

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

IBRANI 9:15

Gima rino Kristus bon Nonti nok No di ya hacan mem gi preu nijep leu binhyepo yo di Allah dimig yok ei nya igyai Nide munkwas di jo kikau di Noni preu ei mem nye tu. Mun dini yok hagom tug hon tungwagom nimaisi. No dima ne Kristus ri. Nimai ei biei salibti kwek tungwatu nya leu sisar di ibon nya tirigi gi preu nitimiei ninyeng tak kep yok.

YESAYA 50:9

Igbit ri! tuhan Di Ninyeng Jei Bibor mbrap gau da. Tou ribrim ningkek bipai bipia dingon mui i? Yo di ipai kep da yahagom misar bingwig dem kep nok minyahas di cipo kkin bikinei su.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

IBRANI 9:12

Kristus coi ug ei Ninsi Di Kwes di jo ei nisai buug kikau ug ei Ninsi Di Kwes-Kwau mbigom ngat he bijo kikau. Noni ttei kambir kin sapi nikre di nehen pap inggrom mem gima biya hacan mem tungwatu nya bi. Noro ttei Nonti ninggrom ba, bikwek nye leu sisar de nisindemti bijo kikau.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

YESAYA 33:6

Noni bindei ba, Nide limwa nya igya nddong kei. Ide ningon kiti kin nintin kimboti kin nikuk yok biNoniti miteu yok bingwes ngun.

YESAYA 54:10

Mbro nok gino mbigdip nya kin nungug tou nya ugwa-kwei bitti bingwig lo, midingon ngakei na bidingon kwes kin na bit leu nok dipreu ei mem nati bijo ninno bijo kikau.” Nihyet dima tibim kwei leu tuhan di ningon ngakei na nuhui him.

MAZMUR 111:3

tuhan de midyai nya hagom mindur bibor ba, ikon ninyeng tut. Ningon srenti ug hon nohonti bi sren.

YESAYA 54:9

“Bit leu nok gi po dipreu ei mem Nuh pima bipia minyei misu buut kep dihyei ninjek dip bu bi sren. Dipreu ei mem nani nogindini bipia dingon misibui sut na ba, midicuug na bu bi sren.