YESAYA 51:2 - ALLAH NIHYET MEM TUNGWATU NYA

² Ma jiyok ngon kep jidigup bat-jidigai bat di Abraham kin Sara di isrek tut je. Mpe di po didimig Abraham lene noni bon nimunggwom hi bi. Noro dinjei mun di kei bak noni tug hon nide nintun him yamti di bram yam nya di diyai binoni.

YESAYA 51:2 ပူးပေါင်းရင်းမြစ်များ

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 24:1

Mpe dima lene Abraham wer andig-ndau bibor ba, tuhan njei mun di kei bak noni bimpu noni tut nide midyai nya hagom ninno tu.

NITRITI 24:35

tuhan njei mun di kei nindig bibor bak andigpoi ba, noni nyeng bibor. tuhan yai mun nyeng hagom binoni nok domba nya kin kambir nya kin sapi nya kin unta nya kin keledai nya kin perak kin mas cem nindig bibor kin awak pinai nya kin sop nya hagom cem.

YESAYA 29:22

Gima rino nogindini tuhan Allah Israel di teu Abraham biningwes ngun pai “Ditde mben e, hi dima mipai je kinei ba, nimmai mibindei jiimaisi hai bu bi.

YESAYA 41:8

Noro je di mben Israel e, jinok Ditde awak nya ba, didimig je ei nok Ditde limwa nya tug hon gi jintun Abraham di disut him.

YESAYA 43:27

Pung di jintun him habiei ei nimbie him pima bon sisar ba, jide nibou nya yaham imbuk kep Da tu ba,

YESAYA 48:1

Je di jintun Yakub him e, ma jingig jitingou mem dihyet. Je di jintun keret Yehuda him di jikrau kep ninyeng Israel e, jipai bipia jiba jingon com Da di Allah Israel ba, jeheng bitug hon dinyeng lo, jiba jingon gom bipai jihyet dima yok bi.

YESAYA 60:22

Lene gima he bi. Lewo nitig mbier tut yamti hi di mien bibor di bon ninyeng bi rin lo, midigek kep mpia nok mben nindig bibor biyai nisindemti ba, ninyeng jei cem. Dani ne tuhan rin ba, midiyai dibou tut leu binhyepo gima pek kep mem na dem igbit tto boua.”

YESAYA 63:16

Nani ne nyeni nicig ri. Nyende pung di nintun him di Abraham Yakub nya ikan tut nye bi. Noro Na di tuhan e, anok nyeni nicig ba, ateu nye biningwes ngun habiei ei nimbie him kikau kwei bipek ammani kep.

YEHEZKIEL 33:24

“Na di tungwatu di ayaijo kikau bi e, mben Israel nindigsi di ibong ser itimieisi isimbot kep biyam bipai ‘Abraham nyeng tut minu dini nisurti-nipekti noro noni ne tungwagom ngat he ri. Tini bu ne nimang bibor tu. Gima rino suar nyeni niyai dihyei dini nok dihyei ninda rom.’ ”

NINDAT KEP TUHAN NICUKTI NYA 1:10

jide tuhan Allah bindei ba, jimangti kum eisi bidem kep ham mpia-bbed him nimangti.

NINDAT KEP TUHAN NICUKTI NYA 26:5

Lene ma no di ttei bansi dima kwei ndat kep nihyet dini ei tuhan di nok jide Allah Noho bei bipai ‘Arig tuhan e, pung di dintun him ne tungwagom leu Aram po mbut-mbut nyen bibuwak nide ig bei nsi nya yahagom ug ei minu Mesir pima ri. Tirigi yoni yuug krau minu Mesir lene imangti gom-gom he noro idigek kep mpia ei sirima apino imang nding bu ba, isindem bibor cem.

YOSUA 24:3

Lene dihig jide pung Abraham dima kwei leu nitimieisi ei Minyei Efrat nite dima ug ba, dibuwak noni kwei ei minu Kanaan leu api noni ya bidem nisurti-nipekti hagom. Lene dibindei ba, nide nintun him yamti di bram yam nya imang bibor. Lene dibindei bu ba, noni yai nipmot Ishak.