YESAYA 51:1 - ALLAH NIHYET MEM TUNGWATU NYA

¹ tuhan pai “Je di jijoi sut gima diteu je bijingwes ngun e, ma jingig jitingou mem Dihyet bijikwei ndam Da. Ma jahara Da bidimpu je. Ma jiyok ngon kep nungug tig di jintun him kin tig mma nghousi di ibei je leu cem.

YESAYA 51:1 ပူးပေါင်းရင်းမြစ်များ

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

MAZMUR 94:15

Nikrau kep nikos tutti misindem tut nikei tirigi noni mbus tungwatu nya ingonti leu api yo di ingon sren nya yahagom miyahati tut noni.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

ROMA 14:19

Gima rino ma inai hammi igyai munti nya di biyai tungwatu nya ingon kwes kin yam bibiwin kep yam ngonti cem.

YESAYA 48:12

tuhan pai “Je di mben Israel di didimig je ei su e, ma jingig jitingou mem dihyet lewo Dani ne jide Allah bijo kikau ri. Dani ne gi nimbie him rin ba, Dani ne gi nohon keti rin cem.

2 TIMOTIUS GI NICAN 2:22

Ma ambres nanti leu mun di pilei nya ingat ingwes eisi. Ma ahuk bram angon di sren kin ade niba ningon com Kristusti kin angon ngakei tungwatu nyati kin angon jo nyahanti hagom noyam kin yo di ingon kwes di yahara Allah mem gima mpu yok.

AMOS 5:6

Ma jingkwei hanyen ndam tuhan leu binhyepo jiyai niyaijo. Gino jingkwei hanyen ndam Noni bi ne Noni mijuk kwei noyam kin hum di cig-cai biyem mben Israel bingwig. Bit bon timiei minu ndig Betel nya imu hum dima kan bi.

NIPINGOK NINGONTI 21:21

Gino angon nggriu sut tungwatu nya ba, angon gom tut yok ne ade njap ug ei ari bingwam mang bibor ba, tungwatu nya minggei sut na bingon gom tut na.

NIPINGOK NINGONTI 15:9

tuhan ningon mpo tut yo di yaham imbuk kep Noni igyai munti nya noro ningon ngakei yo di ibrim ingkek mem gima igyai igbit ningon kanti.

TIMOTIUS GI NIGOM 6:11

He na di Allah de awak e, ma ambres nanti leu mun pima yok hagom. Ma ahuk bram ningon srenti kin niyai munti bit leu Allah ningon kanti kin niba ningon com Kristusti kin ningon ngakei tungwatu nyati kin ningon nddongti kin ningon jo nyahanti.

FILIPI 3:13

Disut bat jen, ningat ne dikan bipia duug pek nipekti tu biditug ndei mun di kei dima bi. Noro dita dibou ei mun nyeng gom ngatti. Mun nyeng gom dima rino dingon prion ser mun di jo ei dinghim dip bidibrim dingkek sindem bibor leu binhyepo duug pek nipekti di jo ei doho bei.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

MATIUS 5:6

Bikwop yo di ijoi sut gima ibit leu Allah ningon kanti mem yok nya ingon nggei-hi-nggei lewo Allah misindem tut yok mem gima!

YESAYA 45:19

Dimbrap ku bidiku mimun tut bi. Dicuk Ditde limwa di mben Israel ba, inggok ser Da mikui-kausi bi. Da di tuhan dihyet buhun biditri tut mun di nijit.”

MAZMUR 24:6

Dem mem yo dima ikwei ya ei Allah Noho bei ba, ikwei kuk yok bak Yakub de Allah.

ZEFANYA 2:3

Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

YESAYA 55:6

Ma jingkwei hanyen ndam tuhan lewo Noni bon nikwesti mem je ba, jingat nadi bak Noni lewo Noni dideu je.

YESAYA 51:4

Ditde limwa jen e, ma jiyok jitingou kep dihyet. Diyai Ditde ningginausi bak ngkiai nya ba, Ditde niggai serti nya mipiga digai yok.

ROMA 10:3

Yoni ikan tut nisinati dino Allah bindei ba, tungwatu nya igyai ningon kwes kin Noni hanyenti bi. Noro ipi bitin puig hi ter bit leu yonti ingon kanti. Ikuk yok bak Allah de nisinati di bindei ba, igyai ningon kwes kin Noni hanyenti bi.

YESAYA 65:10

Yoni mikuk yok biDa ba, domba di ide nya kin sapi di ide nya migya kep minta nghousi bitat ei Briep Bou Him Saron kin Mbang Briep Akhor.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 15:4

Noro mpe dino mun di buhun cut igkep yok lene yahara bak tuhan Allah Israel leu binhyepo mpu yok. Yahara Noni bindo ningon kanti biyok lene Noni ndo biyok.

YESAYA 48:1

Je di jintun Yakub him e, ma jingig jitingou mem dihyet. Je di jintun keret Yehuda him di jikrau kep ninyeng Israel e, jipai bipia jiba jingon com Da di Allah Israel ba, jeheng bitug hon dinyeng lo, jiba jingon gom bipai jihyet dima yok bi.