YESAYA 5:6 - ALLAH NIHYET MEM TUNGWATU NYA

⁶ Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YESAYA 5:6 ပူးပေါင်းရင်းမြစ်များ

YEREMIA 25:11

Midisindui sut ba, minu dini titut yam timek bingwig bidem iggum ndigsi bram. Ngkiai nya di ibong ttai nya inok awak mem nibou ndig minu Babel mem nijam ari bingwam ningot muhwindacan.

NINGAT-HI-NGAT NYA 11:6

Nabi cin dini inyeng tak kep mpia-bbed him leu binhyepo ibindei ba, mpia but bi mem nijam di itri tut Allah ningon kanti. Inyeng tak kep minyei yaisi nya bibindei minyei yaisi nya noyam kin nggrom. Inyeng tak kep nsuwer ajar ninyeng hagom bibindei ba, kieng kep dihyeisi dini ninyen bit leu ingon kanti.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

AMOS 4:7

Dani rino dipai ser di mpia but bi tirigi bed di biang mpia ngei pijuk jide njita kioi ei beisi nya. Dibindei ba, biget but ei minu ndig hi lene but ei minu ndig hiter bi. Mpia but ei beisi gom lo, beisi hiter bu mui bingwig.

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

YEREMIA 45:4

Barukh e, Da di tuhan digwam kep midyai ninggek mun di diwin bitti ba, ditiba mun di dita. Midiyai nok gima tut dihyeisi dini hagom.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 14:1

tuhan pai bida tut bed di biang mpia ngei ndung,

YESAYA 30:23

Gino jigimahap ningan ne tuhan mipinak biget kwei leu binhyepo ningan dima hei ba, jibiyai ningat di mpung-pias hagau. Minta iggum ndigsi di ug ninno di nimeng ngun-ngau mijo mem jide mindhe-ndhe nimuhup tu di jihyen kep nya.

YESAYA 24:12

Minu ndig timek bingwig ba, dimbou pmem nya cem nggek sinsiou.

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NINDAT KEP TUHAN NICUKTI NYA 29:23

Jide miaisi nya hagom mporo wer iggum ndigsi di belerang kin nsim ut kep. Dem mem ita mun eisi bi lene minta cem hei ei sirima bi. Jide minu midem kep minu ndig Sodom Gomora nya kin Adma Zeboim nya di tuhan bindei sar tirigi nigga biborti cig-cai.

NIBOU NDIG NYA GI NIGOM 8:35

Tirigi abindei ba, mpia but bi kikau drek dip sisar di Ade limwa nya ibon tut Na lo, ittin ser ide sisar biba yoho rok Ade Ig dini hanyen lene iba ibou coi mem Na ba, ingat nadi,

AYUB 31:40

ma gandum-jelai kin gandum-barli hei ei dihyei dimati au. Noro ndia nggwen di tigot-tigau kin sinai kin njung nongkom hei eisi. Da di Ayub dikes dihyet hon tiri.”

YESAYA 7:19

Yoni mingwig kep mbang di jut bibor nya kin dihyei mihyeti nya kin mun di tigot-tigau nya kin mintu-minta hagom ei jide minu dini.

YESAYA 32:10

Jingon jo nyahan mem nijam dini noro ari bingwam gom gi gwam dip bu ne jingon kinei bibor lewo jide ba anggur kin njita beisi cem ngat ningat bi.

YESAYA 49:19

Ade minu di nipou timek bingwig binok mpia nintiti pima lene nogindini bu kom bibor ba, nok gi dem mem yo di ibong kei igwam kei eisi bi. Ba, yo di inggek na ba, atimek bingwig mingkwei hanyen ug ei minu ting bihigom.

YESAYA 55:13

Buom mehei luei nitigot-tigausi lene biei murad hei luei tigau nggig-nggwenti nya. Mun dini yok mindo bindo di mipror yon hanyen kan bi binok bindo di bindo tut niyok ngon kep Da di tuhan diyai munti nya cem.”

HOSEA 9:6

Mpe dino mun di buhun tau kep je bibindei ba, jintek gimahap ug ei jingkiai ne mben Mesir mimbus jide tungwatu niken-ken di igwam nya keyam leu api migyai nimai biyok ba, ibitig ingut ei minu ndig Memfis! Mintu-minta kin ndia nggwen mehei ba, dwim kep igkumti jide nya kin jide ndigban perak di nibok kak nya di jo ei mpia dima.

YOEL 1:7

Hai ceng dima ibindei ba, ide ba anggur hagom timek bingwig. Igyem biei ara cem bingwig ba, gi jo ndia rino ningwam nya he. Ibut biei ngkek bingwig leu ninjem bibindei ba, ninda-nda nya tiei-tiau kei.

NIPINGOK NINGONTI 24:31

Lene dingat lo, mpia dima wer ndia nggig nggwenti kin sinai nghousi ningkom ba, ngug tig di bikrop ttai cem lus bingwig leu su.

NIBWOS-BWOS NYENTI 2:6

Noni bindei timek Nide Ig di nok mpia di mem Nide limwa nya idem yam mem gima ikuk yok biNoni eisi o! Lene bindei ba, tungwatu ibbwe ser Njap Nigwam Kep Ninghuisi kin njap nindig nya o! Lewo tuhan gga bibor ba, rok imam nya kin nibou ndig ei su o!