YESAYA 5:5 - ALLAH NIHYET MEM TUNGWATU NYA

⁵ Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YESAYA 5:5 ပူးပေါင်းရင်းမြစ်များ

NITRITI 11:4

Lene ipai biyam bu “Jikwei ba, iwin minu ndig nijep bu bitut ig di ibon ninggre di jo-jo yam dip anai kui sur mpia-bbed him. Leu binhyepo ibiyai inyeng di jei ba, intek gimahap bidem dihyei nisurti-nipekti hagom bi.”

NITRITI 11:7

Nna ba nyeni nihwou ndam yok ba, ninggek tut ighyet leu binhyepo imiap yam hyet bu bi.”

NEHEMIA 2:3

bidibuhup “Na di Andigpoi e, ma ayaijo ninno! Bit bon diku diimaisi di hai bijo nding leu na di Andigpoi ayai him kan bi. Dingon buhun tut ditimieisi po itig didigup bat-didigai bat nya eisi pima lewo minu dima lus bingwig ug ei dihyeisi ba, hum yem dimbou pmem nya hagom tu.”

MAZMUR 89:40

Gi preu di apreu ei mem Ade awak pima cut ba, acom nide topi mas ug ei igkropti tu.

MAZMUR 89:41

Anggek ngug tig di bikrop ttai nide minu ndig kin tentara nibousi di igya coi nya tu.

NIPINGOK NINGONTI 24:31

Lene dingat lo, mpia dima wer ndia nggig nggwenti kin sinai nghousi ningkom ba, ngug tig di bikrop ttai cem lus bingwig leu su.

NIBA NINGON SRIP HUKTI 3:3

nituti mem igyai nimai bak kin nituti mem ibindei ba, nibok jut hanyen cem ba, nituti mem inggek mun kin nituti mem ingot mun cem ba,

YESAYA 10:6

Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”

YESAYA 25:10

tuhan minyohou Nungug Sion noro mico kep minu Moab noyam kin gandum nintam di icom ug ei mimpiang bousi.

YESAYA 28:18

Mididip tut jide nipreu ei bit nimai kin jide nipreu ei bit minu nimai nya ide cem apino mun di buhun bibor micut igkep je.

YESAYA 28:3

Nide tentara nya mico kep nibou di illei-lau nya di pes pu yok bibor.

YESAYA 32:10

Jingon jo nyahan mem nijam dini noro ari bingwam gom gi gwam dip bu ne jingon kinei bibor lewo jide ba anggur kin njita beisi cem ngat ningat bi.

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

YEREMIA 21:4

leu binhyepo yuug pai hanyen bak Zedekia mben Israel ide tuhan Allah pai “Na di Zedekia e, midibindei timek ade tentara nya di ikon pran kikep bit nibou ndig minu Babel kin nide tentara nya. Midipos tentara nya ide minggwen nya hagom leu binhyepo dibirok kik minu ndig nahacanti.

YEREMIA 28:8

Nabi di igyaijo nipou tirigi nijam di nyeni igyaijo eisi dini bigyo itri tut bipia pran kin mun di buhun bibor kin nsuwer ajar micut igkep mben imang bibor kin ninyeng tak kepti di sindem bibor nya cem.

YEREMIA 45:4

Barukh e, Da di tuhan digwam kep midyai ninggek mun di diwin bitti ba, ditiba mun di dita. Midiyai nok gima tut dihyeisi dini hagom.

NIBWOS-BWOS NYENTI 1:15

tuhan ngat ditde tentara di mimbri kui ingkek nya nok yo di ibon inyeng bi o! Noni njei tentara ngkiai kwei leu binhyepo bindei ba, ditde pinai pilei nya yahagom isar ningwig o! Noni co kep ditde timiei nya ninyen ba, inem-nnai bidem kep ba anggur ngat di tungwatu nya ikimut o!

NIBWOS-BWOS NYENTI 2:6

Noni bindei timek Nide Ig di nok mpia di mem Nide limwa nya idem yam mem gima ikuk yok biNoni eisi o! Lene bindei ba, tungwatu ibbwe ser Njap Nigwam Kep Ninghuisi kin njap nindig nya o! Lewo tuhan gga bibor ba, rok imam nya kin nibou ndig ei su o!

NIBWOS-BWOS NYENTI 4:12

Nibou ndig nya kin ide limwa nya di ingat rin ei dihyeisi dini hi kan bigya bit bon hi dima hwen timiei minu ndig Yerusalem nya binggek dimbou pmem nya bicoi ug ei minu ndig dima kan bi o!

DANIEL 8:13

Leu api dimiap malaikati gom di pai bak nisut malaikati hiter “Mun di singat brei tug hon ningat-hi-ngat dima mimbut bipek njap pig bu i? Sisar nindig dima mimbut bico kep midut gi nindig mindhe ei nimbar hum dokti bikwop njap-njap dima mbut bipek njap pig bu i? Nibou nggai dima mico kep tentara gwamti kin tuhan De Ig bipek njap pig bu i?”

HOSEA 2:12

Midibindei ba, nide ba anggur kin biei ara di pinai di icut tut noni igyai binoni bibigo nicut tut yamti pima hagom sar bingwig. Midibindei ba, ba anggur nghousi kin biei ara nghousi nide wer bohousi leu api mindhe-ndhe di iten pos nya minggek hagom bingwig.

HOSEA 2:14

tuhan pai “Gima rino midibuwak noni hanyen ug ei iggum ndigsi leu api diba dihyet di mmau bihwen ningonti.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

NINGAT-HI-NGAT NYA 11:2

Noro anai bisai nya au. Lewo Allah kes bisai dima bak ngkiai di ikan tut Allah bi nya leu api yoni mico kep minu ndig di kwes dima kikau mem bed ningot bitai ba, can.