YESAYA 5:2 - ALLAH NIHYET MEM TUNGWATU NYA

² Noni kkin dihyei bibon beden lene com tig hagom leu leu api ta anggur nikioi di kei bibor eisi. Noni hok ig jibei gom ser mpia dima bibon ba, gom mem gima ibikimut anggur ngei eisi. Lene noni bet ningon mem nijam di ba anggur dima ngat ningat. Noro mpe dino noni puk ningat ne ngat lo, hagom hyenha bibor.

YESAYA 5:2 ပူးပေါင်းရင်းမြစ်များ

SAMUEL GI NICAN 7:10

Dipek minu ttou nsi gom bak Ditde limwa nya leu api dita yoni ei sirima tu. Yoni mibong kei migwam kei lewo ide siceu nya mihwen yok ei sirima bu bi. Nipou tirigi icoi kwei ei minu dini bigyo lene yo di isibut nya ihwen-hwen nyen yok. Noro nok gima bu bi sren.

NEHEMIA 13:15

Ei nijam dima cem dingat lo, limwa Yehuda nya igyai midyai nipot ba anggur ngei ei Njap Nigwam Kep Ninghuisi ba, ibihi bu ikon gandum kin ba anggur ngei kin ba anggur ngat kin biei ara ningat kin ndigban nindigsi nya ei ide keledai ninghim dip bibittei hagom ug ei minu ndig Yerusalem cem. Diggai ser yok leu binhyepo itri mun-bipek ndiyok ei minu ndig Yerusalem mem Njap Nigwam Kep Ninghuisi au.

MAZMUR 80:8

Allah Di Sindem Bibor e, ma awin kep nyende nisindemti. Angondut nye ba, ateu nye leu nyende siceu nya!

MAZMUR 80:9

Nyeni ne ba anggur ninjem di ahom leu minu Mesir rin ba, apwoi ba, ambut tut. Tirigi ajji ngkiai nya bingwig leu itimieisi lene ata ba anggur ninjem dima ei mpia dima hanyen.

NEHEI LEUSI 33:16

Gino abit nye bi lene ngkiai nya mikan tut gino ajoi sut dani kin ditde limwa dini yok bi. Gino angat rin ei nyeni nikieti lene yo dima mikan tut bipia nyeni ter leu mben nindigsi bidem dihyei nisurti-nipekti hagom.”

YESAYA 1:8

Minu ndig Yerusalem nongkom he rino jo a. Noro jo nok minu di tentara igyon ttai di sindem bi noyam kin ig jibei di tungwatu nya yohok ei ba anggur nghousi kin ig jibei di yohok ei miai bimen nghousi cem.

YESAYA 5:7

tuhan Di Sindem Bibor Nide miai ba anggur nghousi dima ne mben Israel ri. Timiei Yehuda nya ne ba anggur nikioi di noni ta eisi nya ri. Noni yok ningon mem gima ingon sren-srau noro yahagom imbuk bibor. Ningon ya mem gi yahati tut mun di nijit noro yo di inso tut nikei nikos tutti di sren bi nya ighyet tibim ei nitingou nsi.

YEREMIA 11:17

Da di tuhan Di Disindem Bibor rino diwin minu Israel kin Yehuda. Noro tini bu ne dikos tut bak yoni bipia midikes mun di buhun bibor ei yok dip. Yonti rino ibindei di mun dima cut igkep yok lewo ibon kep mun di kinei tug hon ide midut nindig mindhe titut kep humti ba, ibikuk yok bak Baal. Apino digga yok ug a.”

YEREMIA 2:21

Dita je bijinok ba anggur nikioi di kei bibor. Noro tini bu ne jinok ba anggur di ngoi-nga di bit bon ngat ningat kan bi.

HOSEA 10:1

Nipou ne mben Israel idem kep biei anggur di ningat hun tut. Ndigban di inyeng tut kum eisi bimang lene nimbar hum dok di iwin cem kum eisi bimang. Mun nyeng hagom di dem mem yok kum eisi lo, itas cou tig di kei-kau bibiyok ngon kep ide kwar di ikuk yok bak nya.

MIKHA 4:8

He minu ndig Yerusalem e, anok gumihyep gom di Allah ya ser Nide limwa nya eisi dem kep nok gembala di ya ser nide domba nya. Na di minu ndig Yerusalem e, mporo anok minu ndig pmem mem jinyeng bitak kep jide limwa nya hanyen noyam kin gi nipou yo.

MBEN ISRAEL IMBUT-MBUT NYEN 23:9

Diya ei mbigdip dini bidicap yok tu. Dikui ug ei nipieti leu binhyepo diyok diyai kep yok. Jingat i! Yo dima ne keret di igya biyongkom rin ba, isrig keret hiter nya ikieti kan bi.

MATIUS 21:19

bicap biei ara ninjem gom di jo ei simpak ninghas buug ngat lo, nimeng nggrou noro ningat ntun him bi. Gima rino Noni mbriom biei dima bipai “Hon kep ammani kui ne ma angat angat bu bi sren.” Hammi tirigi pai bak nok rino biei ara mui hak ug.

MATIUS 21:33

Yesus pai biyok “Dipai dihyet nibiti nindati gom kin bu bije. Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima pot ba anggur ningei eisi. Lene hok ig jibei cem ser. Hagom put tu lene noni ndo midyai dima bak yo di inyohou ba anggur kan ba, ibitug ndei imuhup leu api noni mbut ug ei minu ting leu.

MATIUS 21:34

Tirigi nijam nipuk ba anggur ningatti dem lene noni cuk nide awak nya ibou poi bingkwei hanyen ba, igyai ningat leu yo di inyohou ba anggur nghousi bitug ndei imuhup.

MARKUS 11:13

Noni ya minu ting bicap biei ara di nimeng nggrou buug ndam binggok ser ningat di ntun him. Noni kwei ya kui bingat lo, nimeng nggrou lewo bed dem mem gima ngat ningat bigyo.

MARKUS 12:1

Leu api Yesus ba nihyet nibiti nindati bingginau yok bipai “Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima ipot ba anggur ningei eisi. Lene hok ig jibei cem ser. Leu api noni ndo midyai dima bak yo di inyohou ba anggur nghousi kan ba, ibitug ndei imuhup leu api noni mbut ug ei minu ting leu.

MARKUS 12:2

Tirigi nijam nipuk ba anggur ningatti dem lene noni cuk nide awak gom kwei ba, kwei yai miai ceu de ba anggur ningat leu yo di inyohou pima ba, ibitug ndei imuhup cem.

ROMA 9:4

Yoni ripo intun mben Israel him tug hon Allah nidimig yok eisi ba, inok Nide limwa nya cem. Noni nek yok nok nipmot bat nya bindo nisindemti biyok cem. Allah kin yoni ipreu ei mem yam tug hon Puig Yahudi niggai serti ba, ikan tut nisinati mem gima ikuk yok biNoni mungkun kei cem. Igyai Nide nipreu ei mem yokti leu Noni ba,

KORINTUS GI NIGOM 9:7

No di tentara ba mun di mbun nya bahati tut nonti bi! No di yai miai ba anggur puk ba anggur ningat ndrim hi mem nonti biyem kep ninggum! No di hyen kep domba nya dut kep leu domba dima nido ngei!

NINDAT KEP TUHAN NICUKTI NYA 32:6

Je di jinok mben di ingon mbum ba, jingkek ndok e, dem mem gima jibibon tuhan nok gima e? Noni ne jicig kin No di pai tes je cem rin ba, bibon jeni nok mben di bon ninyenga.

NIJAM NIKEI NYA 16:4

Gima ngwig lene Simson mpig bou kep Delila di bong ei Mbang Briep Sorek.