YESAYA 48:9 - ALLAH NIHYET MEM TUNGWATU NYA

⁹ Doom kep Ditde niggati leu binhyepo tungwatu nya mikon dinyeng bidem minu. Doom kep niggati dima nyahan drek dip je leu binhyepo dibibindei sar je bi.

YESAYA 48:9 ပူးပေါင်းရင်းမြစ်များ

MAZMUR 106:8

Noro tuhan teu yoni bingwes ngun tug hon Nonti njem leu binhyepo ndo Nide nisindem biborti brei biyok.

MAZMUR 143:11

tuhan e, ateu da bidingwes ngun bit leu nok apreu ei mem dati. Akwek da leu mun di buhun tak da tug hon Ade nisingat tut dati.

MAZMUR 25:11

tuhan e, akos ser ditde sisar bit leu Ade nipreu ei mem dati. Lewo diyai mun tunggweisi nindig bibor.

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

MAZMUR 79:9

Niteu kep nye biningwes ngun cig e, ampu nye ba, akos ser nyende sisar cem. Lene akwek nye leu binhyepo ngkiai nya mikuk yok biNa drek dip anyeng di jei.

NIPINGOK NINGONTI 19:11

Yo di ingon ki nya yoom ingon kan. Gino hiter yai mun tunggwei sut yok lene yoni iba igyai ngat he leu api tungwatu inggei sut yok.

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 37:35

Mporo diya srak ko hagau minu ndig Yerusalem bidinyohou tug hon dinyeng di jei drek dip Ditde gi preu di dipreu ei mem Ditde awak di nibou ndig Daud tu.”

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

YESAYA 48:11

Dibon gima drek dip Danti lewo disindui sut ba, hi bibon dinyeng bikinei bi. Dikwas Ditde nikei-kau-keisi nindrim hi tut tungwa hi cem bi.”

YESAYA 65:8

tuhan pai “Tungwatu nya icom ba anggur ngat di ningei joti nya bi. Noro ipot binok ba anggur ngei bidut. Nok gima cem midibindei sar Ditde limwa nya yahagom hak bi. Lewo bihi leu yoni ikieti no yoom yonti binok awak mem Dani yo.

YEREMIA 14:7

Ditde limwa nya yahara Da bipai ‘tuhan e, mbro nok gino nyeni ningon hukti tut nyende sisar lo, ma ampu nye bit leu nok apreu ei mem nye tu. Niba ninghim bak Nani mbirimang ba, nibon sisar tut Nani cem tu.

YEHEZKIEL 20:14

Lo, diyai nok gi ditin ei memti dima bi drek dip Ditde ninyeng jeisi. Leu binhyepo mben di ingat gi dibuwak yok kwei leu minu Mesir ipai dinyeng kinei bi.

YEHEZKIEL 20:22

Noro diyai nok gi ditin ei mem yokti dima bi ser nhyema ngkiai nya di ingat gi dibuwak mben Israel kwei leu minu Mesir ipai dinyeng kinei bi.

YEHEZKIEL 20:44

Mpe dino dibibon je nok gima mem gima dibicuon Ditde ninyeng jeisi ba, dibibon je bit leu jiyai munti di suwok kin jibon munti di kinei bibor nya bi ne mijikan tut bipia Dani ne tuhan ri. Da di tuhan Di Dinyeng Jei Bibor disimbot dat tu.”

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.

YEHEZKIEL 36:21

Dingon pri tut dinyeng lewo mben Israel ibindei ba, map kui dinyeng di kwes-kwau bidem imbutti kin igwamti.

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”

SAMUEL GI NIGOM 12:22

Allah preu ei mem je tug hon neheng bipia Noni mikes je ei bi sren. Lewo Noni dimig jeni ei bijinok Nide limwa nya.