YESAYA 48:2 - ALLAH NIHYET MEM TUNGWATU NYA

² Mbro nok gima lo, jiba ningon di llei bipai bipia jeni ne timiei minu ndig di kwes rin ba, jirok kui Da di Allah Israel di dinyeng rino tuhan Di Ninyeng Jei Bibor.

YESAYA 48:2 ပူးပေါင်းရင်းမြစ်များ

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

ROMA 2:17

Noro disut bat jen, notou mem jeni nogindini i? Jipai sut jenti bipia jeni ne mben Yahudi ri. Jitti kin Allah nicuk jeti bijinggei-nggwang tut Allah di bindei ba, jinok Nide limwa nya cem.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

YESAYA 10:20

Njap ngon bou midem leu api mben Israel niken-ken di ingwes ngun nya iba ingon com mben ngkiai di inyeng jei di mbigom mibindei sar yok ningwig bu bi. Noro iba ingon com tuhan di mben Israel ide Allah di kwes-kwau a.

MATIUS 27:53

Yo dini yehei leu jui nsi ba, igwam bibou Yesus kiju hanyen leu nimai eisi nipou ug e leu api icoi ug ei Yerusalem apino tungwatu nya imang bibor ingat yok bou igyai him.

YEREMIA 21:2

“Ma ahara tuhan mem gima ndo ningon kanti binye. Lewo Nebukadnezar di nibou ndig minu Babel ya tut nide tentara nya ba, igyon ttai ide minu ndig tu. Leu hi rima tuhan mibon mindur mem nye bibindei ba, Nebukadnezar brim nide tentara nya bingkwei leu nye a.”

NINGAT-HI-NGAT NYA 22:19

Gino hi bisinggre bicut mun nyeng hi leu nihyet di jo ei srat diniti lene Allah micuon ser nipreu ei mem no dimati di jo ei srat diniti. Leu api no dima micoi ug ei minu ndig di kwes dima biyem biei ngat di bindei bigyai niyaijo dima bi sren.

NINGAT-HI-NGAT NYA 21:2

Lene dingat lo, minu di kwes-kwau di minu ndig Yerusalem nijep srek kwei leu Allah ei gwamti. Allah tin ei minu ndig dima dem kep sop di juk sinsun di tiei kei bitin ei mem gima wak nijep.

NINGAT-HI-NGAT NYA 11:2

Noro anai bisai nya au. Lewo Allah kes bisai dima bak ngkiai di ikan tut Allah bi nya leu api yoni mico kep minu ndig di kwes dima kikau mem bed ningot bitai ba, can.

MATIUS 4:5

Lene Bilis buwak Yesus ug ei minu ndig Yerusalem mpia di kwes kei lene kes Noni ei Tuhan De Ig biya ig bou ninjek dip anai bibor.

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

YEREMIA 10:16

Yakub de Allah noyam kin kwar di ikuk yok bak dima yok bi. Noni ne no di pai tes mun nyeng hagom ri. Ninyeng rino tuhan Di Sindem Bibor ba, Noni dimig Israel binok Nide limwa.

YESAYA 51:13

Mei, jibbwe ser jide tuhan di pai tes je di ba niban bijun mpia ei mpia-bbed him kin gi prion dihyeisi dini nikiou cem tu e? Nggon rino jidigit tut yo di ico kep tungwatu ide nigga biborti di itin ei mem gima icok tut tungwatu mem njap jei i? Ningat ne ide nigga biborti dima mingget je bi.

YESAYA 47:4

Allah Israel di kwes-kwau dima kwek nye biningwes ngun ba, ninyeng rino tuhan Di Sindem Bibor.

MAZMUR 87:3

Je di jibong ei minu ndig Yerusalem e, ma jingig jitingou mem Allah nihyet di bibon ninggap leusi tirigi Noni tri tut jide minu bipai,

MAZMUR 48:1

Nimpung Korah ide doia.

NEHEMIA 11:1

Nibou nya ibong hak ei minu ndig Yerusalem. Noro limwa nya ikus bit ba, idimig bibikwop nimpung ig bei simnai ei leu api iba bit nimig mbus bidimig nimpung ig bei gom leu ningot gom ei lene nok. Suar nimpung ig bei di ikus bit di ibimig mbus dima ibong hak ei minu ndig Yerusalem di Allah dimig ei mem Nonti. Leu api nimpung ig bei nindigsi nya yahagom yuug bong ei minu ndig kin minu mien hiter nya.

NIJAM NIKEI NYA 17:13

Leu api Mikha pai “Nogindini dikan tut bipia tuhan minjei mun di kei bak dani drek dip no di ntun keret Lewi him di nok imam mem da.”

YEREMIA 44:26

Noro je di mben Israel di jingat rin ei minu Mesir e, nogindini ma jingig jitingou mem mun di dipai bije. Da di tuhan deheng bitug hon Danti dinyeng di jei bipia midisindui sut ba, bit bon hi dima meheng bitug hon Da dinyeng bu kan bi.

YESAYA 51:15

Lewo Dani ne jide tuhan Allah di bindei di muk roi nindig cem di bindei dino muk tti bibor di nugwei bong cem ri. Dinyeng rino No Di Sindem Bibor.