YESAYA 41:8 - ALLAH NIHYET MEM TUNGWATU NYA

⁸ Noro je di mben Israel e, jinok Ditde awak nya ba, didimig je ei nok Ditde limwa nya tug hon gi jintun Abraham di disut him.

YESAYA 41:8 ပူးပေါင်းရင်းမြစ်များ

NIBOHON MBEN ISRAEL GI NICAN 20:7

Nani ne nyende Allah ri! Tirigi Ade limwa di mben Israel nya ikwei krau minu dini lene akes hagom bak asut di Abraham leu binhyepo dihyei dini nok mben Israel ide dihyei ninda rom bijo ninno bijo kikau.

MAZMUR 105:6

ma jiyok ngon kep Nide mindur di bibon nya. Ma jingon prion ser Nide nikos tutti nya au.

MAZMUR 135:4

Noni dimig yo di intun Yakub him ei mem Nonti bikon mben Israel bou No nok Nide.

MAZMUR 136:21

Noni kes ide dihyei ngwa dip bak Nide limwa mben Israel bigyati. Nide ningon ngakeisi jo ninghig-niker.

MAZMUR 136:22

Nide awak di Israel igyai bigyati binok idihyei bu. Nide ningon ngakeisi jo ninghig-niker.

MAZMUR 33:12

Mben dino ikuk yok bak tuhan nok ide Allah ne ingon nggei-hi-nggei. Mben di Noni dimig ei nok nide limwa nya tu ingon nggei-hi-nggei!

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

YESAYA 29:22

Gima rino nogindini tuhan Allah Israel di teu Abraham biningwes ngun pai “Ditde mben e, hi dima mipai je kinei ba, nimmai mibindei jiimaisi hai bu bi.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 42:19

Tou riniyai tu nindig dor njiriek Ditde awak Israel niyai di tu i? Tou rinitingou nam nindig dor njiriek no di disok dihyet ei no dip nitingou di nam i?

YESAYA 43:1

Je di mben Israel e, tuhan di pai tes je pai “Ma jittin au lewo miditeu je bijingwes ngun! Dihig je ba, dibindat tungwagom-gom ninyeng lewo dinyeng tak kep je.

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

YESAYA 43:5

Ma jittin tut au lewo midinyohou je! Midibuwak jide nintun him yamti di bram yam nya kwei leu nite bei mpia nipriti kin nicutti.

YESAYA 44:21

tuhan pai “Je di mben Israel e, ma jiyok ngon kep bipia jinok Ditde awak. Dipai tes je bijinok Ditde awak. Midingon prion ser je bi sren.

YESAYA 45:4

Mbro nok gino akan tut Da haigtu bi lo, dihig anyeng ba, dikon na nok nibou ndig. Dicuk na leu binhyepo ahati tut Ditde awak di mben Israel di didimig yok ei ba, inok Ditde limwa nya.

YESAYA 48:12

tuhan pai “Je di mben Israel di didimig je ei su e, ma jingig jitingou mem dihyet lewo Dani ne jide Allah bijo kikau ri. Dani ne gi nimbie him rin ba, Dani ne gi nohon keti rin cem.

YESAYA 49:3

Noni pai bida “Na di mben Israel e, duubon na nok awak mem Da. Tungwatu dihyeisi dini minggei sut Da drek dip na.”

YESAYA 51:2

Ma jiyok ngon kep jidigup bat-jidigai bat di Abraham kin Sara di isrek tut je. Mpe di po didimig Abraham lene noni bon nimunggwom hi bi. Noro dinjei mun di kei bak noni tug hon nide nintun him yamti di bram yam nya di diyai binoni.

YESAYA 63:16

Nani ne nyeni nicig ri. Nyende pung di nintun him di Abraham Yakub nya ikan tut nye bi. Noro Na di tuhan e, anok nyeni nicig ba, ateu nye biningwes ngun habiei ei nimbie him kikau kwei bipek ammani kep.

YEREMIA 33:24

“Angig atingou kep mun di ngkiai nya ibohom ndat di bitut mben Israel kin Yehuda tu e? Ibohom ndat bipia dicom mben cin di didimig yok ei dima tu. Gima rino ibisrip huk Ditde limwa nya nok yo di ibon inyeng bi ba, ibingat yok nok mben hi rin bu bi.

IMAM NYA IDE MIDYAI 25:42

Yo di intun mben Israel him ne tuhan de awak nya ri. Noni rino teu yok bingwes ngun leu minu Mesir. Gima rino harin dima jitri jenti biyam nok awak a.

MALEAKHI 1:2

tuhan pai bak Nide limwa nya “Dingon ngakei je kikau.” Noro ibuhup bihig ser Noni “Notou ando angon ngakei nyeti binye i?” tuhan buhup “Esau ne Yakub nikindig ri. Dingon ngakei Yakub kin yo di intun noni him.

MATIUS 3:9

Ma jikan bipia mijingwes ngun drek dip gi jintun Abraham him au. Dipai bije bipia Allah sindem mem gima bindei tig dini yok binok yo di intun Abraham him.

GALATIA 3:19

Gi nok lene Allah yai niggai serti dima bak mben Yahudi mem mindei i? Noni ba Puig Yahudi niggai serti bikum ei nipreu ei mem yokti leu binhyepo ndo tungwatu nya ide sisar brei biyok. Puig dima mbut kikau ug bipek no di ntun Abraham him di Allah preu ei mem Abraham nikweisi. Malaikati nya isu inda bigyai niggai serti nibokti bak tungwagom di ya hacan mem Allah kin tungwatu nya.

NINDAT KEP TUHAN NICUKTI NYA 10:15

Noro ningon ngakei jidigup bat-jidigai bat nya nindig bibor ba, dimig je leu mben nindigsi nya hagom ba, jinok Nide limwa nya kikau kwei bipek ammani kep.

NINDAT KEP TUHAN NICUKTI NYA 14:2

Jide tuhan Allah ninyeng tak kep je. Noni mbus jengkom bijinok Nide limwa nya leu mben nindigsi di ingat rin ei dihyei njek dip dini hagom.”

YAKOBUS 2:23

Gima dem igbit Allah nihyet di ipas ei su “Allah pai sut Abraham bipia ningon kwes kin noni lewo ba ningon com Allah.” Gima rino Allah pai bak Abraham “Nani ne disut di dingon kieti ri.”