YESAYA 41:18 - ALLAH NIHYET MEM TUNGWATU NYA

¹⁸ Midibindei ba, minyei nya biam bidem nungug tou nya di bon njung nghousi. Minyei bousi nya mibiam ei mbang briepti nya ba, iggum ndigsi miluei nitta binok igpong hanyen bu lene minyei bousi nya mibiam kwei leu ninggati.

YESAYA 41:18 ပူးပေါင်းရင်းမြစ်များ

MAZMUR 104:10

Abindei ba, minyei bousi nya hei bibiam kak mbangti nya ba, minyei pmot nya biam ei nungug kieti nya.

MAZMUR 105:41

Noni bindei ba, bor ki leu minyei di biam sindem nok minyei pmem ei iggum ndigsi.

MAZMUR 107:35

Noni bindei bu ba, igpong nya tau hak ei iggum ndigsi ba, minyei bousi nya tau hak ei nipingge leusi nya cem.

MAZMUR 126:4

tuhan e, apui ahyet tut nye hanyen bu dem kep nok minyei di su ei nipingge leusi ei bed di biang biget.

MAZMUR 46:4

Mbro nok gino sigau hwen muk ndigsi ba, muk tti nindig bibor bibindei ba, nungug tou nya digit-digit nyen lo, nittin tut bi.

YESAYA 12:3

Mijipai doia bijiyai nillei noyam kin minyei hou di bibon yo di inggobiau ingon nggei-hi-nggei lewo Allah teu je bijingwes ngun.

YESAYA 30:25

Bikwop nungug kin mbigdip nya mibindei hei minyei pmot nya mem njap dino jiyon ttai tentara nibousi niya coi di jide nitok ide nya bijiyai nimai biyok.

YESAYA 32:2

Bikwop yoni yahagom inoyam kin ig jibei di yohok ser hou di kui yokti kin hak mihyeti di icoi bigya nding tirigi sigau yem yok. Yoni idem kep nok minyei di biam sindem ei iggum ndigsi nya kin tring behei ngot di tungwatu nya igwam coi ei iggum ndigsi.

YESAYA 33:21

Mpe dima lene tuhan mindo Nide nikei-kau-keisi binye. Yahagom mingot ide ig ei mam bei simiak minyei nda nya di nyan bibor bibong eisi. Noro bit bon ide siceu nya ikrau kibar minyei bipiar-piar nyen ei minyei ngwa dip dima kan bi.

YESAYA 35:1

Iggum ndigsi kin mpia ngak caisi mporo ingon nggei-hi-nggei ba, mitou nya mikieng ei nikineisi.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 48:21

Mpe di po Noni bie tut yok ug ei iggum ndigsi di ngak-cai lene imai inggobiau bi. tuhan ki nungug tig ba, bindei biam minyei su leu nungug tig dima mem yok.

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

YESAYA 65:13

Gima rino dipai bije bipia yo di ikuk yok biDa migyem njita noro jimai jinggum. Yoni midut ndia ngei noro jimai jinggobiau. Yoni migyai nillei noro jigwam nimmaiti.

YOEL 3:18

Mpe dima lene miai ba anggur nghousi mikieng kep nungug him hagom ba, sapi kin domba nya migya bidem nungug tou nya bigyem abris ei abris nghousi nya. Minyei pmem di biam ei minu Yehuda mipingge hanyen bu bi sren. Minyei di pimbai kei gom mibiam kwei leu tuhan De Ig kikau ug ei Mbang Briep Akasia nisurti-nipekti.

ZAKHARIA 14:8

Njap dima dem ne minyei di su mibiam kwei leu minu ndig Yerusalem. Minyei dima mikwas ninggram can ba, hi biam buug com Igpong Nsim lene hi biam buug com Muk Hacan. Minyei dima mibiam bijo-jo wai ari bingwam jei dimo ba, ningei jo-jo wai bidem nijam di biang biget kin nijam di biang ngei-ndung bipingge bi sren.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”

NIJAM NIKEI NYA 15:19

Lene Allah bindei ba, minyei bousi gom biam kwei leu hak mihyeti ei Lehi. Lene noni dut minyei biyai nisindemti hi kin bu. Gima rino tungwatu nya ijem minyei bousi dima ninyeng Minyei Bousi Hakor ba, minyei dima biam kikau kwei bipek ammani kep.