YESAYA 41:16 - ALLAH NIHYET MEM TUNGWATU NYA

¹⁶ Mijicig yok leu api ibit hou nimig lene hou sigau bindei ba, ipri didiei. Mpe dima lene jingon minggei-hi-nggei lewo Dani ne jide Allah ri. Mpe dima lene mijinggei sut Da lewo Dani ne mben Israel ide Allah ri.

YESAYA 41:16 ပူးပေါင်းရင်းမြစ်များ

MAZMUR 1:4

Noro ningat di kei ntun no di sibut de midyai nya him kan bi. Noni dem kep nok gandum nisina di hou yai bidimbos bingwig.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 17:13

Ikiju binjei siceu bidem kep minyei di su di kui mpia bibor. Noro Allah sok kep yok leu api inang biyuug ninno noyam kin pas nicap di bit hou nimig kin dihyei ntui di hou sigau miep di bit nimig.

YESAYA 25:9

Mpe dima lene tungwatu yahagom mitri tut biyam “Noni ne ide Allah ningat-ngat ri. Miba ingon com Noni leu api Noni teu nye bingwes ngun. Noni ne tuhan ri. Miba ingon com Noni. Jikwei ba, iba ingon di nggei-hi-nggei bimbos-hi-mbos lewo Noni teu nyeni bingwes ngun tu.”

YESAYA 28:5

Tto bou midem leu api tuhan Di Sindem Bibor minok topi niba mitou binghau mem nide limwa nindigsi di ingwes ngun nya.

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 29:5

Noro ngkiai di isibut bibor dima yahagom mipror hak bidem kep dihyei ndung kin biei nnir di hou miep di bit hou nimig hak. Yoni mipror kros hak tirigi ikan tut ei mem bi.

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.

YESAYA 40:24

Yoni inok njita kioi di sindi nigau com dihyei. Mpe dino tuhan kes hou bicut ne njita kioi dima ngoi-nga bimui hanyen leu api hagom bit hou.

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

YESAYA 60:19

Mpe dima lene asuar mpia njap di com mem njap kin bed mmun di com mem mmun bu bi. Lewo Da di tuhan ne nipigati dijo ninno jo kikau mem na ri. Ditde nikei-kau-keisi mipiga digai na.

YESAYA 65:18

Ma tungwatu nya igyai nillei ba, ingon kei bibor tut mun di dipai tes nya. Midipai tes minu ndig Yerusalem di nijep bu. Mpia dima mimpung tut yo di imbos-hi-mbos bingon llei bibor.

YEREMIA 15:7

Dicom je leu jide minu ndig hagom noyam kin no di com gandum nisina bai di pri didiei. Mbro nok gino jinok Ditde limwa nya lo, midibindei sar jeni kin jimunggwom bat nya lewo jikou sut gi jittin ser jiyai munti di kinei bibor nya.

YEREMIA 51:2

Midipinak ngkiai nya di ibindei timek minu Babel noyam kin hou di nimig ten di ninnei ttei gandum nicaba. Mpe di njap di buhun dima dem ne yo dima micoi ug ei minu dima bihwen leu nima kwei-nima kwei ba, icok tut bipwoi kei.

YEREMIA 51:20

tuhan pai “Minu Babel e, adem kep apak ba, anok Ditde minggwen di dibikon pran ri. Diba nani bingget igkep ngkiai nya kin nibou ndig ide ninyeng tak kepti nya.

YEREMIA 51:33

Jei bi ne yoni mibindei timek yok bico kep yok nyen noyam kin gandum di ico kep ei mpia di ico kep gandum kikep eisi. Da di tuhan disimbot dat tu.”

DANIEL 2:35

Ei nituti dima lene kwar dima titut yam tti biwer ngkimom nitu kin igtuyap kin ngkimom-tembaga kin perak kin mas ninnir-nnir di jo-jo yam dip di ndung-diem nok gandum ndung di ngwig ei ig jibei di tungwatu ibui gandum ngan eisi mem mpia ngeisi. Leu api hou miep nindung dima hagom bibit hou nimig ningwig. Noro tig nindig nindak gom dima dwoi sindam binindig bibor noyam kin nungug tou gom di kieng kep dihyeisi dini hagom.

HOSEA 11:9

Midiba dingon sibuisi bikes hukum ei jeni dip bidibindei ba, jitimek bijingwig bu bi sren. Lewo Dani ne Allah rin ba, dinok tungwatu dihyeisi bi. Dani ne No Di Kwes-Kwau ri. Dingat rin bit je ba, dingon sibui sut je hanyen bi cem.”

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

MIKHA 5:8

Mben Israel mibindei timek ide siceu nya bicok tut yahagom ningwig a.

HABAKUK 3:18

midingon llei bibor kikau lewo Na di tuhan Allah ateu da bidingwes ngun.

MATIUS 3:12

Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.