YESAYA 40:9 - ALLAH NIHYET MEM TUNGWATU NYA

⁹ Ma akui ug ei nungug di jei bibor leu api atri tut nihyet di kei bak minu ndig Yerusalem! Aba ahyet nindig bitri tut nihyet di kei bak Sion! Ahap aji lene ma angwes mien tut au. Ma atri tut bidem minu ndig nya hagom ei minu Yehuda bipia ide Allah dideu su!

YESAYA 40:9 ပူးပေါင်းရင်းမြစ်များ

NIBOHON MBEN ISRAEL GI NICAN 13:4

Nimpung tentara cin dima sindi ikon pran bit yam ba, irok kik yam hak ei nungug him Efraim. Mpe dima lene Abia kui ug ei Nungug Zemaraim leu api jem bak Yerobeam kin mben Israel bipai “Jimiap e,

YESAYA 1:1

Srat dini pai sut Allah ningon kanti mem timiei Yehuda kin timiei minu ndig Yerusalem nya di Noni mbot kep tut bak Yesaya di nicig ninyeng Amos tirigi nibou ndig Uzia kin Yotam kin Ahas kin Hizkia nya inyeng tak kep timiei Yehuda nya.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 25:9

Mpe dima lene tungwatu yahagom mitri tut biyam “Noni ne ide Allah ningat-ngat ri. Miba ingon com Noni leu api Noni teu nye bingwes ngun. Noni ne tuhan ri. Miba ingon com Noni. Jikwei ba, iba ingon di nggei-hi-nggei bimbos-hi-mbos lewo Noni teu nyeni bingwes ngun tu.”

YESAYA 35:2

Iggum ndigsi miba ningon di llei bibor bipai doia bimbos-hi-mbos lewo mpia dima miluei nitta binok nikei-kau-keisi noyam kin Nungug Libanon ba, mibon ninnumti noyam kin ngoi dumti nya ei Nungug Karmel kin mbang briep Saron. Tungwatu nya yahagom mingat tuhan nikei-kau-keisi kin ninyeng jeisi kin Nide nisindemti bou igyai him.

YESAYA 41:27

Da di tuhan ditri tut nihyet di kei nimbie him bak Sion. Disok dihyet di kei ei no di mitri tut bak mben Yerusalem.

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

YESAYA 52:6

Gima rino mijipai jit bipia Dani ne Allah ri. Mpe dima lene mijo nibreisi mem je bipia dimbrap bit je.”

YESAYA 58:4

Tirigi jiyem njita bi mem nituti poi lene jibui yam ba, jibroi leu yam bijimbuk tut yam cem. Jikan bipia jiyai munti dima mibindei ba, dingig ditingou mem jihyet e?

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YEREMIA 22:20

tuhan pai “Je di timiei minu ndig Yerusalem e, juug ei minu Libanon kin minu Basan ba, jiba jihyet nindig bahara ei minu dima. Jiba jihyet nindig bibor bicot ei nungug him minu Moab lewo siceu ihwen tentara ngkiai nindigsi di yahati tut je yahagom ba, icut tu.

YEREMIA 29:11

Dangkom dikan tut nikos tutti di bit leu dingon kanti mem je bi e? Dikos tutti dima mibindei ba, juum mun di buhun bi. Noro midibindei ba, jibong kei jigwam kei. Mun di jiyok jingon mem mipek kep mem je ei nijam gi nidipti bu ri.

NAHUM 1:15

Angat i! Dipinak tungwagom di kak puig ei nungug him kwei ba, mikwei sut nihyet di kei. Nihyet di kei dima bindei timek siceu nya. Timiei minu Yehuda e, ma jibon midut kep jide njap ndig ba, jigo jide nitto ei mem Allahti. Yo di isibut nya minyeng tak kep jide minu bu bi. Lewo itimek bingwig bibor bihigom tu.

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

KISAH 2:14

Lene Petrus kiju biya ei yo di igya kui Yesus nindigsi ibou simnaibrimiggom ikieti leu api ba nihyet nindig bipai bak tungwatu ningot ndig dima yok “Disut bat je di mben Yahudi kin je di timiei minu ndig Yerusalem e, ma jingig jitingou mem dihyet lewo suar dimbot kep tut mindur dini bije.

KISAH 4:13

Nikei Puig Yahudi Nya inggap leu tut Petrus kin Yohanes di iji ngkiem nok gima. Ikan tut bipia yo cin dini igyai inyeng bicoi pikor cem bi. Lene jo nibreisi mem Nikei Puig Yahudi Nya bipia yo cin dini ne yo di igya kui Yesus ri.

KISAH 4:29

Na di Tuhan e, nogindini angig ayai kep yo dima icug nyeti nya. Ba, ampu Ade awak di nyeni leu binhyepo nibrim ningkek tut nihyet Ade bak tungwatu nya.

ROMA 10:18

Noro dihig ser je tut mun nyeng gom. Yo dima imiap nihyet bi e? E bi! Imiap nihyet tu! Lewo Allah Nihyet pai “Ighyet tibim kikau ug ei dihyei nisurti-nipekti. Ipaisi tibim bipek minu nohon keti tu.”

EFESUS 6:19

Ma jingat nadi tindei dani cem leu binhyepo Allah pingok dingonti tut nihyet di tot ingonti ba, dibibrim dingkek kep tungwatu nya ba, dibimbot kep nimimun tut Nihyet Di Kei.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

PETRUS GI NIGOM 3:14

Gino jiyai ninghuisi wei drek dip jiyai munti di kei nya ne ningon nggei-hi-nggei mintun him! Ma jingon digit tut tungwatu nya lene ma jingon bos-bos nyen au.

NIJAM NIKEI NYA 9:7

Tirigi Abimelekh ninghapti tibim ei Yotam nitingou nsi tu lene noni ug ba, kui ug ei Nungug Gerizim lene ba nihyet nindig pai biyok “Je di mben Sikhem e, ma jingig jitingou mem dihyet leu binhyepo Allah mintu kep je.