Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YESAYA 40:5 - ALLAH NIHYET MEM TUNGWATU NYA

5 Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

အခန်းကိုကြည့်ပါ။ ကော်ပီ




YESAYA 40:5
39 ပူးပေါင်းရင်းမြစ်များ  

Nintin kimbo tut Allah kin Nide nisindemti mikieng kep dihyeisi dini nisurti-nipekti dem kep nok muk ndigsi di mpung tut minyei.


“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.


tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.


Tungwatu dihyeisi dini hagom mingat Allah de niteu tungwatu nya leu sisar biyai niyaijo nijep biyoti bou igyai him!’ ”


Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.


Minu ndig Yerusalem e, ma akiju ba, apiga digai dihyeisi dini lewo No di teu na ba, angwes ngun dima Nide nipigati com kwei ba, Allah nikei-kau-keisi piga digai na tu.


Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.


Tug hon nisinati dima lene mijiyai nillei lewo jibit dicuk jeti nya. Midibindei ba, tungwatu dihyeisi dini hagom ikon jinyenga. Mijibong kei jigwam kei ei minu po jide pung Yakub di jintun him pima ba nokep. Da di tuhan disimbot dat tu.”


Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”


Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!


Minu ndig dima suar mpia njap kin bed mmun com digai bi lewo Allah nikei-kau-keisi piga digai hagom ba, Domba Pmot Nonti nok mini ninjeng mem.


Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.


Nimpung tungwatu nya yahagom mikwei kuk yok biDa ei minu ndig Yerusalem bikwop Bed Jep kin Njap Nigwam Kep Ninghuisi.


Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.


Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.


Yesaya pai nok lewo noni ngat Yesus nikei-kau-keisi bou niyai him ba, pui mun tut Noni cem.


Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.


Ma jahagom jigwam nyahan ei tuhan Noho bei! Lewo Noni sindi jo leu nigwam kepti ei gwamti kwei su.


Gino jisrep tut dihyet ne mporo mijiyai nimai ei pranti. Da di tuhan disimbot dat tu.”


Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.


Tungwatu nya yahagom mibong kei migwam kei ei ide ba anggur kin biei ara nghousi nya ba, yahagom ingon kwes kin yam. Mpe dima lene tungwatu nya ingwes mien tut yam bu bi sren. tuhan Di Sindem Bibor preu ei nok gima mem yo dima yahagom.


Lene dihig ser tuhan “Nggon rino minu dini timek bingwig binok mpia ngoisi di ngak-cai apino tungwatu nya ikriau binjiriek i? Tou riningon ki biningon dorti tut mun dini yok i? Apai nisinati tut gini bak tungwa tou leu binhyepo noni tri tut bak nindigsi nya i?”


Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”


Iggum ndigsi miba ningon di llei bibor bipai doia bimbos-hi-mbos lewo mpia dima miluei nitta binok nikei-kau-keisi noyam kin Nungug Libanon ba, mibon ninnumti noyam kin ngoi dumti nya ei Nungug Karmel kin mbang briep Saron. Tungwatu nya yahagom mingat tuhan nikei-kau-keisi kin ninyeng jeisi kin Nide nisindemti bou igyai him.


Ngkiai nya mittin tut tuhan De nisindemti. Ninyeng di jei bindei ba, nibou ndig nya yahagom ikuk yok biNoni,


Nikei-kau-keisi kin ninyeng di jei biborti bikrop ttai Noni. Nide Ig mpung tut Nide nisindemti kin nidia-diau keisi.


Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”


“Dani ne tungwatu dihyeisi dini hagom ide tuhan Allah ri. Mun nyeng hi di nggruk mem Da bi.


Lewo Noni miba hum kin singau simeda bikes hukum ei yo di ide nitunggweisi nya jo brei niyai him dip apino imang bibor di itug ndei hukum dima imai drek dip.


Njap di hyep bu lene mijingat tuhan de nikei-kau-keisi bou jiyai him. Noni miap jihyet tirigi po jinso-nso nyen pima. Ningat ne jingon sibui sut Noni lewo Harun nyeni ninok Nide awak nya binibit Nide nicuk nyeti nya he.


Mpia-bbed him tri tut Nide ningon sren-srausi ba, ngkiai nya yahagom ingat Nide nikei-kau-keisi.


Ma jinggok ser ba, jikwop ei tuhan de sratti leu api mijingat lo, mindhe ninyeng gom mipror leu mindhe-ndhe pima yok hagom ikieti bi. Niwek mipror leu nikre bi ba, hagom jo hon yam. Lewo tuhan Nonti rino cuk yok lene Nonti rino ba yok bicom yam ei dima.


Ma jiji kep mbang briep hagom bisur yam kei lene ma jiwim mbigdip kin nungug tou nya hagom cem ba, sur yam kei. Jibindei ba, nungug tou nya hagom dem kep nok briep bou him ba, dihyei di bon nibiau-biau hagom bidia kei.


Mpe dino tungwatu nya ingat gini bou igyai him ne mijo nibreisi mem yok bipia Da di tuhan dipai tes hagom. Ingon dor niti leu api igyok ngon kep bipia mben Israel ide Allah Di Kwes-Kwau bibon mun dima yok hagom.”


Nsien miyem yo di inggre kin ade ig bei nsi nya di imai ei minu ndig nya ingut bingwig lene ha krubri nya mipuk bigyem gi hi di imai ei ngoi dumti di gahai minu ndig nya bingwig bu. Da di tuhan dipai dihyet tu ba, ma ayok ngon kep!’ ”


tirigi Noni win Sion hanyen bu bindo ninyeng di jei brei biyok.


tuhan e, abindei ba, Ade limwa di nyeni nimangti kum eisi binimang bibor ba, abindei nyende minu di ninyeng tak kepti bres tu. Gima rino nikon anyeng bijo anai.


Dikan tut ide nikan-kan nyenti kin ide nibon munti nya. Midikwei bidinduk tungwatu nya leu ngkiai nya di ibong bidem dihyeisi dini hagom ba, ibicom yam. Tirigi idem yam ei su ne yoni mingat Ditde nisindemti bou igyai him,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ