YESAYA 40:4 - ALLAH NIHYET MEM TUNGWATU NYA

⁴ Ma jiji kep mbang briep hagom bisur yam kei lene ma jiwim mbigdip kin nungug tou nya hagom cem ba, sur yam kei. Jibindei ba, nungug tou nya hagom dem kep nok briep bou him ba, dihyei di bon nibiau-biau hagom bidia kei.

YESAYA 40:4 ပူးပေါင်းရင်းမြစ်များ

LUKAS 3:5

Ma jibindei ba, mbang briep hagom sur yam kei bijiwim bikwop nungug tou kin nungug nya hagom ba, sur yam kei. Ma jipingok puig di dwei hagom ba, sren-srau hanyen bijiji kep njuisi sur yam kei.

YEHEZKIEL 21:26

Da di tuhan Di Dinyeng Jei Bibor disimbot dat tu. Akon ade topi nibou ndig ba, akes leu abou lene abikau minghas di abinggai abou cem hak leu abou a. Nogindini mun nyeng hagom luei nita tu. Akon nuhui mbum nya inyeng ba, ayai ninyeng jei biyok! Acut yo di inyeng jei leu ide ninyeng jeisi hak!

LUKAS 18:14

Ma jingon jo kep bipia tirigi no dini ngkwei hanyen ug ei ig bei lene Allah cigit noni noro cigit Farisi pima bi. Lewo Allah moom kep bikwop no di joi sut ninyeng jei noro Noni mikon bikwop no di om kep ningonti dima ninyeng.”

YESAYA 45:2

“Miditin puig mem na ba, didime mbigdip nya kin nungug tou nya hagom bisur yam kei. Midinggek dimbou di iba ngkimom-tembaga bibon bidibindei ba, dimbou ngkimom nitu nibahau yamti hagom dahat.

YEHEZKIEL 17:24

Biei nindigsi nya ei minu dima hagom mingon huk niti bipia Dani ne tuhan ri. Diwim biei di jei ndig nya lene dibindei ba, biei mon nya hei bijei ndig. Dibindei biei di ngun-ngau nya mui bingak-cai lene dibindei ba, biei di mui nya nikioi tug hanyen ba, bimahan kep. Da di tuhan disimbot dat tu ba, mun di dipai nya hagom mipek kep.”

SAMUEL GI NIGOM 2:8

Noni kon yo di yuhui mbum nya leu mun di bindei ba, ingon buhun. Noni brim yo di indwau nya leu mun di cut igkep yok leu api bindei ba, ihig isut bit yo di inyeng jei nya leu api igyai inyeng di jei apino hiter inggei sut yok. tuhan ninyeng tak kep cou pmem ei dihyei nikiou nya leu api pai tes mun di jo ei ninjek dip eisi.

YESAYA 42:11

Ma iggum ndigsi kin minu mien nya di iwin ei sirima inggei sut tuhan! Je di timiei Kedar e, ma jahagom jinggei sut Noni! Ma timiei Sela nya ikui ug ei mbigdip nya leu api iba ighyet ndig bibor bimbos-hi-mbos!

NIPINGOK NINGONTI 2:15

iris mun ei tungwatu nyati cem. Bit bon nyeni iba ingon com yok kan bi.

YESAYA 40:3

Tungwagom nihyet tibim bipai “Ma jitin puig di sren kei ei mpia nintiti mem tuhan nimbutti! Ma jiji kep njuisi bisur yam mem ide Allah ei iggum ndigsi!

YESAYA 40:5

Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

YESAYA 49:11

Miditin puig ei nungug him mem yok ba, didime simpak bisur yam kei mem imbutti nya.

ZAKHARIA 4:7

Nibigen ser nati di dem kep nungug lo, mipror leu aho bei. Nani rino ma awin Ditde Ig hanyen. Mpe dino akrau tig mma di bon ninyeng ba, aprion ei nuhuisi lene tungwatu nya mimbos-hi-mbos bipai ‘Kei bibor kei!’ ”

YESAYA 62:10

Timiei minu ndig Yerusalem jen e, jehei kak dimbou pmem nuhui bijidime kep puig mem yo di ingkwei hanyen kwei. Jibon simpak ndig ba, jinjei tig ug ei puig nghas leu lene jitin kendera nya bijitas leu binhyepo ngkiai nya yahagom mikan tut bipia,