YESAYA 40:2 - ALLAH NIHYET MEM TUNGWATU NYA

² Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

YESAYA 40:2 ပူးပေါင်းရင်းမြစ်များ

ZAKHARIA 9:12

Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

YESAYA 61:7

Nijam ninim kep jeti kin ningwes pri gau jeti ngwig hon nohonti tu. Mijibong kei jigwam kei ei jide minu ba, jiba jekep ndigban kin mitiei mbican bram yam cem. Mijiyai nillei bijo ninno bijo kikau.

HOSEA 2:14

tuhan pai “Gima rino midibuwak noni hanyen ug ei iggum ndigsi leu api diba dihyet di mmau bihwen ningonti.

NINGAT-HI-NGAT NYA 18:6

Ma jibibon noni bit leu nok noni bibon je ba, jibirop binoni hanyen mbican bram yam tut niyai munti nya hagom. Ma juhug ningei di mpo-mpam ei nide mokti ba, nimpo-mpamti dor tunggwei ningei di noni hug ei jide mokti.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

YEREMIA 29:11

Dangkom dikan tut nikos tutti di bit leu dingon kanti mem je bi e? Dikos tutti dima mibindei ba, juum mun di buhun bi. Noro midibindei ba, jibong kei jigwam kei. Mun di jiyok jingon mem mipek kep mem je ei nijam gi nidipti bu ri.

YESAYA 35:4

Ma jipai bak yo di ingon ttin nya “Ma jiwin jenti jingonti lene ma jittin-ttin nyen au. Allah mikwei kes hukum ei jide siceu nya dip ba, teu je bijingwes ngun.”

KISAH 1:7

Yesus buhup, “Dicig Nongkom kos tut nituti kin nikwesti mem mun dima yok hagom. Noni ce tut mun dima yok jo ei nibreisi mem je bigyo lewo jem bou nikos tutti dima mem Nonti.

DANIEL 11:35

Nibou di ingon ki pima ibou poi igyai nimai noro imaisi dima bindei ba, map kui ide limwa nyati bu bi noro ingon kwes kei. Mun dini yok mbut kikau ug bipek nijam ningwig honti di Allah kos tut tu.

YESAYA 12:1

Njap ngon bou midem leu api mijipai doia dini. tuhan e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

YESAYA 49:25

Lene tuhan buhup “Mun dima mipek kep ri. Miditeu yo di tentara ikat yok tu nya bingwes ngun. Midipos ndigban di nibou pran pos tu nya bingwig leu noni. Lewo midihwen jide siceu nya biditeu jimunggwom bat nya ba, ingwes ngun.

YESAYA 33:24

Mpe dima lene tungwa hi minso tut ninggwen di hwen noni bu bi. Ba, tuhan mikos ser sisar hagom.

MAZMUR 32:1

Daud ba doia bikiek ningginausi. Bikwop yo di ipigau hanjop lo, tuhan kos ser ide sisar tu lene yo dima ingon nggei-hi-nggei lewo Noni ji kep ide sisar tu.

ZAKHARIA 1:15

Noro digga ngkiai nya di ikan bipia ibong kei igwam kei nya. Lewo tirigi po disindui sut ba, Ditde niggati jo kep Ditde limwa nya bigyo ne ngkiai dima yok ikum ei ninghuisi di weiti bak Ditde limwa nya.

DANIEL 12:9

Noni buhup “Daniel e, nogindini aug hak lewo suar iku mimun tut nihyet dima kikau ug bipek nijam ningwig honti.

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

DANIEL 9:12

Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

YEREMIA 17:18

Handei kon ba, ayai nimmai bak yo di yuhuk-huk nyen da bico kep da. Abindei ba, ingon ttin bibor. Noro tuhan e, ma ayai nok gima tut dani au. Akes mun di buhun bibor ei yok dip bibou isar bingwig hak ug e.

NIBOHON MBEN ISRAEL GI NICAN 30:22

Hizkia kon Lewi nya inyeng lewo ingon ki tut gi ibie tut yo di ikuk yok bak tuhan. Tirigi igyem kep njita ei midutti dima ba, ibui mindhe-ndhe bindig ei nimbar hum dokti ba, ikuk yok bak tuhan cem ibipai sigyo bak idigup bat-idigai bat nya ide tuhan Allah cem ei njap muhwindacan,

NITRITI 34:3

Sikhem ningon pri kep Dina nindig bibor lewo noni sop ubbu ngat. Gima rino Sikhem pai-hi-paisi leu binhyepo bindei ba, Dina joi sut noni.

YESAYA 6:7

Noni ba hum mbom dima bingget duhui ngkek bipai “Hum mbom dini ngget ahui ngkek ba, nogindini angon mui bu bi lewo tuhan kos ser ade sisar tu.”

YESAYA 14:3

tuhan mikwek mben Israel leu ide ninggwenti nya kin niweisi di itug ndei kin midyai di buhun di siceu nya ibidip huk yok di igyai cem.

YESAYA 53:5

Noro noni tug ndei nibok bimos kei drek dip nyeni ide sisar ba, tungwatu nya ibui noni binem-nnai drek dip ide mun di mbuk nya. Noni tug ndei hukum leu binhyepo biteu nye leu sisar biyai niyaijo nijep binye. Nyeni igyai inghuisi kwes hanyen tug hon nibokti di mos kei nya.

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

YESAYA 54:15

Gino siceu hi hwen na lene midibiang nibuhunti bi lewo dicuk noni bi. Tungwa tou rino kon pran bit na mitimek bingwig.

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YESAYA 66:13

Midigwam ser je di jingat rin ei minu ndig Yerusalem jingon ba, jinoyam kin munggwom di nipmem gwam ser ningon yo.

YEREMIA 51:10

tuhan de limwa nya ipai biyam “tuhan ndo brei bipia nyeni inggre kin nimpung di ibon mun di igbit. Jikwei ba, ingkwei hanyen ug ei minu ndig Yerusalem leu binhyepo itri tut mun di ide tuhan Allah bibon nya ei sirima.”

NIBWOS-BWOS NYENTI 4:22

Jikan bipia Sion tug ndei hukum drek dip sisar di bon nya tu noro nogindini tuhan misindui sut nye ei bi ba, micom nye ug ei ningkiaisi bu bi. Noro tuhan mikes hukum ei na di Edom dip! Noni mihit ade sisar nya bijo nibreisi!

YEHEZKIEL 16:42

Gima leu api Ditde niggati micut ba, dingon jo nyahan hanyen bu. Midigga bidingon kinei sut na cem bu bi.

ZAKHARIA 1:13

Lene tuhan ba nihyet di bigwam ser ningon bibuhup malaikati dima nihyet,

NEHEI LEUSI 22:3

Suar tungwa dino mbrai mindhe-ndhe go nibuhup tut mun di noni mbrai dima. Gino nuhui mbum lene jitri noni nok awak bijibipek mitiei mem gima go nibuhup tut nide mun di yai tunggwei dima.

MAZMUR 85:3

Akos ser Ade limwa nya ide sisar nya ba, adip tut ide nitunggweisi nya hagom tu.

NIBA NINGON SRIP HUKTI 3:4

nituti mem ipim kin nituti mem ipa cem ba, nituti mem ingon ngguk kin nituti mem ipri-pri nyen cem ba,

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YESAYA 51:17

Minu ndig Yerusalem e, akiju! Atug ndei hukum di tuhan pinak di cut igkep na kikau bingwig hon nohonti tu.

HOSEA 2:16

Mpe dima lene noni mijem nijjep bit Dani leu api jem nijjep bit kwar Baal bu bi.

ZEFANYA 3:15

Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.