YESAYA 40:1 - ALLAH NIHYET MEM TUNGWATU NYA

¹ Ide Allah pai “Ma jiwin ingonti ba, jiwin Ditde limwa nya ingonti!

YESAYA 40:1 ပူးပေါင်းရင်းမြစ်များ

KORINTUS GI NICAN 1:4

Noni sindem tut ingonti mpe dino mun di buhun ninyeng hagom cut igkep nye leu binhyepo iba nisindemti di igyai leu Noni bisindem tut yo di hiter ingonti mpe dino mun di buhun ninyeng hagom cut igkep yok bu.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

TESALONIKA GI NIGOM 4:18

Gima rino ma jiba ningginausi dini biwin kep yam ngonti.

ZAKHARIA 1:13

Lene tuhan ba nihyet di bigwam ser ningon bibuhup malaikati dima nihyet,

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

YESAYA 60:1

Minu ndig Yerusalem e, ma akiju ba, apiga digai dihyeisi dini lewo No di teu na ba, angwes ngun dima Nide nipigati com kwei ba, Allah nikei-kau-keisi piga digai na tu.

YESAYA 12:1

Njap ngon bou midem leu api mijipai doia dini. tuhan e, dipai sigyo biNa lewo agwam ser dingon. Nipou yo ne agga da noro tini bu ne Ade niggati cut tu.

YESAYA 52:9

Minu ndig Yerusalem di timek bingwig e, ma ayai nillei lewo tuhan miteu ade limwa nya bingwes ngun leu api gwam ser ingon.

YESAYA 41:27

Da di tuhan ditri tut nihyet di kei nimbie him bak Sion. Disok dihyet di kei ei no di mitri tut bak mben Yerusalem.

YESAYA 50:10

Je di jibou cut bak tuhan di jimiap kep Nide awak nihyet e, mpaba puig di jimbut kak dima dindi ba, nipigati hi di piga digai puig mem je bi. Noro ma jiba jingon com tuhan bijirok kui jide Allah.

YESAYA 3:10

tuhan pai “Apai bak yo di ibit dihyet bipia yoni mingon nggei-hi-nggei ba, ibong kei igwam kei lene yahanggwap mbilen mikuisi bi lewo migyem kep ningat di ntun him.

MAZMUR 85:8

tuhan e, ando tut binye bipia no angondut nye kikau. Ayai Ade niteu nye biningwes ngunti binye.

NEHEMIA 8:10

Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

YESAYA 61:2

Noni cuk da kwei leu binhyepo dimbot kep tut tto bou mem tuhan teu Nide limwa nya ba, biwin kep yo di ingon ngguk bibor nya ingonti lene birop hanyen bak ide siceu nya cem dima dem tu.

YEHEZKIEL 16:42

Gima leu api Ditde niggati micut ba, dingon jo nyahan hanyen bu. Midigga bidingon kinei sut na cem bu bi.

MAZMUR 85:3

Akos ser Ade limwa nya ide sisar nya ba, adip tut ide nitunggweisi nya hagom tu.

NIBA NINGON SRIP HUKTI 3:4

nituti mem ipim kin nituti mem ipa cem ba, nituti mem ingon ngguk kin nituti mem ipri-pri nyen cem ba,

ZAKHARIA 1:17

Malaikati dima cuk da biditri tut nisokti dini bu “tuhan Di Sindem Bibor preu ei mem nye bipia mun nyeng hagom midem mem Nide minu ndig nya hanyen ba, Noni mimpu minu ndig Yerusalem mbigom bu bipai jit bipia nyeng tut minu ndig dima hanyen.”