YESAYA 4:3 - ALLAH NIHYET MEM TUNGWATU NYA

³ Tungwatu nya di Allah dimig ei di teu yok di ingwes ngun di ibong ei minu ndig Yerusalem yahagom mingon kwes.

YESAYA 4:3 ပူးပေါင်းရင်းမြစ်များ

MAZMUR 69:28

Allah e, ma akwop kep ide sisar nimangti hagom ei Ade daptarti. Ma adip tut inyeng leu daptar di tibim tut yo ingon ngun inyenga.

MAZMUR 87:6

tuhan Nonti mibindei coi ngkiai nya inyeng ei nide daptarti ba, yahagom inok timiei minu ndig Yerusalem nya.

YESAYA 1:27

tuhan ningon sren-srau. Gima rino Noni miteu minu ndig Yerusalem bitut timiei nya di ittin ser ide sisar hagom ba, ingwes ngun leu hukum.

YESAYA 28:5

Tto bou midem leu api tuhan Di Sindem Bibor minok topi niba mitou binghau mem nide limwa nindigsi di ingwes ngun nya.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YESAYA 46:3

Je di jintun Yakub him kin Ditde limwa nindigsi nya jahagom e, ma jingig jitingou mem dihyet. Dinyohou je habiei tirigi sindi jisrek kikau kwei bipek ammani kep tu.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

YESAYA 6:13

Mbro nok gino tungwagom leu ibou simnai bong ser nide ig bimbut bi lo, noni cem mitug midut. Noro noni minok asar ninjem di iwim lo, ningwam jo nijoti. Ningwam dima ndo tut nijam di nidipti bu tirigi Ditde limwa di igyaisi jo nya minok nitriti mem Ditde limwa di ingon kwes hanyen bu.”

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 62:12

Tungwatu nya mijem inyeng ‘Limwa Di Ingon Kwes’ kin ‘Limwa Di tuhan Teu Yok Di Ingwes Ngun’ cem. Yoni mijem minu ndig Yerusalem ninyeng ‘Minu Ndig Di tuhan Ngondut kin Minu Ndig Di tuhan Kes Ei Bi’.

YEHEZKIEL 13:9

Je di nabi di jisuglai sut mun di mipek kep ei nidipti kin ningat-hi-ngat di kwei leu jibou ngwakti di kwes bi cem e, midikes hukum ei je dip. Gino Ditde limwa nya di idem yam ei mem gima itri tut ide nikos tutti nya ne mijigwam bit yok bi. Mididip tut jinyeng leu daptar di mben Israel inyeng joti. Jingkwei hanyen ug ei jidihyei hanyen bi sren. Tug hon nisinati dima ne jikan tut bipia Dani ne tuhan Di Ninyeng Jei Bibor ri.

YEHEZKIEL 43:12

Nikos tut pijum mem tuhan De Ig ne suar hanjop nsi di jo ttai nya hagom ei nungug dip dini kwes-kwau.”

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

OBAJA 1:17

“Noro bihi mingwes ngun ug ei Nungug Sion. Nungug dima ne gumihyep di jo pijum ei mem Da ri. Leu api yo di intun Yakub him migyai dihyei ninda rom di ide hanyen binok ide bu.

ZAKHARIA 14:2

tuhan minduk mben nya yahagom bibicom yam ba, mikwei mem gima injei bihwen minu ndig Yerusalem. Igyai minu ndig dima bigyati lene icoi bidem ig hagom bipos ndigban di joti nya. Mben dima yok ipos sop nya bikat timiei minu ndig Yerusalem nite hi bicom yok ug ei ingkiaisi. Noro igikat tungwatu nindigsi di ibong ei minu ndig Yerusalem bi.

MALEAKHI 3:16

Lene yo di ittin tut tuhan isimbot kep biyam. Noni ngig nitingou mem yok biyok ngon kep ighyet lene pas kep yo di ikon ninyeng ba, ittin tut Noni yahagom inyeng ei srat gomti di jo Noho bei.

LUKAS 10:20

Noro ma jiyai ningon di llei drek dip ninnei rom nya di ibit jihyet au. Gi kei rino jiyai ningon di llei sut gino Allah pas kep jinyeng ei gwamti.”

KISAH 13:48

Tirigi ngkiai nya imiap nihyet dima rino ingon llei bibor binggei sut Tuhan nihyet. Ba, bikwop yo di Allah dimig yok ei mem igyai niyaijo nijep yahagom ingon jo kep Yesus.

ROMA 11:4

Notou Allah buhup Nabi Elia nihyet i? Noni buhup “Dwai, dinyohou tungwatu nya ibou sribu muhwindacan di ikuk yok bak kwar Baal bigyo di inok Ditde limwa nya yo.”

ROMA 11:5

Tini bu ne nok gima cem. Yo di Allah dimig ei su nya nimangti ibou poi yo rinaha lewo Noni singat tut yok.

EFESUS 1:4

Allah dimig nye ei nok Nide limwa nya tug hon ide ninok gom kin Kristusti nipou tirigi Noni pai tes dihyeisi dini bigyo leu binhyepo ingon kwes-kwau ba, sisar hi rap nye bi ei Noni niyai him. Allah ningon ngakei nyeti bindei ba,

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

KOLOSE 3:12

Jeni ne Allah de limwa nya ri. Noni ningon ngakei je ba, dimig je ei leu binhyepo ninyeng tak kep je. Gima rino ma jingondut yam cem jingon singat tut yam cem jiba jibou coi mem yam cem jingon nggriu sut yam cem jibet jingon mem yam cem.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 17:8

Mindhe di niten-pos di angat dima niyaijo nipou su noro niyaijo bu bi. Jei bi ne noni hei kwei leu ninnei rom nya ide jui nsi bidor ug ei nisar bihigomti. Tungwatu dihyeisi di inyeng jo ei srat niyaijoti habiei ei nimbie him tirigi po Allah pai tes dihyeisi dini bigyo bi nya inga leu tut noni. Lewo niyaijo nipou su noro tini bu ne niyaijo bi noro noni ttau hanyen kwei.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.

NINGAT-HI-NGAT NYA 3:5

Yo di ibindei cut sisar nisindemti nya igyai sinsun di tiei kei bijuk. Didip tut inyeng leu Srat Yo Di Igyaijo Nya bi sren. Midipai brei ei Dicig kin Nide malaikati nya yoho bei bipia yo dini ne Ditde limwa nya ri.